Matthew 24
24
Chaptergē Lagwau Swaunshung wok Stanshung.
1WAIGEN Jesus churchnē yūans stāhā kiak kāgwālang ken lagagahatjanḡē lā an istlāgang churchnigē tlaoutliāsi lā ltha kingdiēanā.
2Waigen Jesus hin ltha il shūtaiang, ā kin isis wautliwan kum gu dalung kingāng us? Yenkien dalung ga lth shūḡung, kum ādlun kwau gwud ingwi istatliāngshang, kwauē wautliwan hunwēasēsi althlā.
3Waigen Olives lthdouwē inku il kouwaiang tlo lagagahatjanḡē swaunan lā an istlāgang ken hin ltha shouan: tlīstlu ā kin isis isisēs ītil ga lth shūda, waigen gūsh kaountsidou isisang dung kātlātalthsēstlo waigen adshi tligē hēlōungkasastlo ishin.
4Waigen Jesus hin hangtlan ltha il shūtaiang, tuman lth agung kingwang waigen kum nung ītlinga agung kinkōnungdāngwang.
5Ltha kwan dī kēyi ā istlāsēsi althlā: Christ tlaou īching, hin ltha shūasang, waigen ltha kwan ltha kinkōnungashang.
6Gūistā isken, gūistā giatlingē ishin dalung kwudungsang: kum lth kwutungē unga kwīdistladāngwang: yenkien ā kin isis isisang, waiḵen houān adshi tligē kum tlanēlthāngsang.
7Gwaigang alth gwaigang gūistāshang: kingdomgē alth kingdomgē gūistāshang: tou gūēlthasang: idskāshang: waigen tligē kwan ai tligē ildungsang.
8Adshi wautliwan kin ga lthwōḡīgas an kwuniāḡung.
9Itan, dalung ltha tilthwangasēs ā dalung ltha istāshang, waigen dalung ltha tlitāshang ken dī kēyi hagunan dalung telga gwaigang wautliwan kingasang.
10Waigen lth hāada kwan kwutungē stiasang, waigen gwud alth ltha kilthkadungashang ken gwu telga ltha kingasang.
11Ga prophetgas gē kilthkadunga kwan kātlūshang, waigen ltha kwan ltha kinkōnungasang.
12Waigen kin dāunga kwanasēsi althlā ga lās gē kwutungē tadāsang.
13Waigen nung kwutungē kladskaḡīīsītlo laou kaḡunasang.
14Waigen adshi kingdomgē giatlingē lās alth lth hāada wautliwan gūk ltha gūshūasang gwaigangē wautliwan an witnessgaḡēanā, waigen itan kin wautliwan tlanēlthasang.
15Daniel nung Prophetgas hin shouan: tlīstluan kin dāunga aḵaia churchnē ā gians dalung kingstlo, kin nung readadasu lth agwan an il ūnshita.
16Itan, Judaea tligē gu ltha isis agwan lthdouwē ā ltha ḵhūstado:
17Nās inku nung isis agwan lth kum hētk il kāalthtāng nē stāhā kin unga il istawaugēana:
18Kwulthkadazi ā nung isis kōdetsē unga il istiēna agwan kum il stīlthānda.
19Waigen ashgē shantlanē gud ltha telthkias isken ga tatlindas gē ishin an kin ga lthwōḡīḡāsang.
20Sin gā ai isken sundiga ai ishin kum dalung kẖudjāngungē singelth gūshū.
21Itan ltha kwutungē sahaigyūansang: hētk tligē isi tlāgangang tlo kum hin kin ga lthwōḡīgaangang, waigen ashgē timegē silīd kum houshen kingā n kin ga lthwōḡīḡāngsang.
22Waigen ashgē shantlanē kum il kwoandadānsken, kum tliku kēā kaguna tlingē kāng gaanḡung: ga kingstias gē hagunan ashgē shantlanē il kwoandadāsang.
23Altsīilth nung ītlinga hin dalung shūtasken, kwoking Christ ādlun īching, waudlun ishin, kum lth yetāngwang
24Christ kilthkadungas kwan kātlūshang: ga prophetgas gē kilthkadungas ishin: waigen kaountsida yūanda isken kin an kaldunga ishin dalung ltha kingdāshang: ga kingstias gē kinkōnungē ishin ltha istakwudungsang.
25Kwoking wau kwunast dalung ga lth shūdang.
26Altsīilth tligē dāunga gu il idja hin dalung ltha shūtastlo kum ā lth istalāngu: kwoking nē kātli ā il īching hin ltha shūstlo kum lth yetāngu.
27Hougust stāhā chāgwīk sēoulthtawauguns kingān nung ītlinga kit kātlāshang.
28Tlitzan ltha kwōt isis gaigu hōt ishin gwudā isisang.
29Ga singē gud ltha kwutungē sahaigas siliā houītang juiē halgēlthasang: kungē ishin kum kwuntlāngangsang: kaiēlthta shā tligē stāhā huwīshang, waigen hin tagwia shā tligē gu isis kēidistlāsang.
30Waigen itan, nung ītlinga kit shā tligē gu isis giē kin kaountsidas kānḡēlthasang, waigen gwaigangē wautliwan hētk tligē gu isis sahaigāsang: waigen nung ītlinga kit kin tagwia alth isken kin anyākwudunga alth ishin yeni kātli ā kātlātalungkasas ltha kingasang.
31Waigen ga angelgas gē hukingan huhēgunsi dungalth il kil istiēdashang, waigen tatjouwē stanshung hētk tligē gu isis stāhā ga kingstias gē langa gwudā ltha istāshang.
32Wēata, fig lthkai kīgangē lth skado: tlīstluan il klāts lthtanastlo il yhil ishin inastlastlo, sinkīnā āanān isis an dalung ūnshītung.
33Altsīilth tlīstluan ā kin isis wautliwan dalung kingstlo kūwē kwulth il isi an agung lth ūnshito.
34Yenkien dalung ga lth shūḡung, ā kin isis wautliwan kingān kin edgē kū kum adshi gwudistakānḡē hēloāngshang.
35Shā tligē isken hētk tligē ishin hēloashang, dī kil tlou kum hēloāngshang.
36Waigen oudshi shantlanē isken askaskit ishin kum nung ītlinga anūnshitānḡung, shā angels isis ishin: tlan dī Aungē swaunan anūnshītung.
37Tliku Noah shantlanē edangang kingān nung ītlinga kit ishin kātlātalthasang.
38Gītlīdē kwunast gē singē gud ltha lthtanuḡangang, waigen ltha anilgangang, isi ishin gwud ltha ināēlgangang waigen gwud ltha ināsinḡangang.
39Noah ark gwau ī kātlīgē kū: gītlidē kwunast kum kin an ltha ūnshitānḡangang, waigen ltha wautliwan tligwīk stāhā gīgidāni. Waikingān nung ītlinga kit ishin kātlāstlo edasangwau.
40Itan, ītlansidas stung kwulthkadis kātli ā isisang: nung swaun washt gūashang, nung swaun tlou gu an isisang:
41Lth chāada stung mōlo ā shibili tlaoutlāshang: nung swaun washtgūashang, nung swaun tlou gu an isisang.
42Altsīilth shanlthahadzo, kum tlīstlu askaskitē gud dalung an nung Shālānāgas kātlāsēs an dalung ūnshitānsi althlā.
43Adshi an agung lth ūnshīto, nung nēlēga tlīstlu askaskit gud kwolthtalē kātlāsēs an il ūnshitstlo, il shanlthahadzātlingāḡung, waigen nē langa skōkwulthziē addu ltha eskātlingāḡung.
44Altsīilth dalung ishin agung lth ēlthkigādo: askaskit gud kum kinai dalung gwūdāanḡundang nung ītlinga kit kātlātalthasang.
45Kīstho nung kitzada yeta isken waigen kutungā ishin īching? Il ītlagīda giang nēzai an il ītlagidēlthtāshang timegē wautliwan gud tou ltha ga il istiēanā.
46Il ītlagīda kātlāstlo, anung kitzad kingan waus langa il kingstlo lāshang.
47Yenkien dalung ga lth shūḡung, kin wautliwan il daas an lā il itlagidēlthtāsang.
48Nung kitzada dāunga tlou hin kwutungē unga ā il shūstlo, dī ītlagīda kum houītang kātlaangshang:
49Waigen lā alth ga kitzadas il skodasken: ga lamgas gē altli il lthtanūsken waigen hutlasken:
50Wou nung kitzadas anung ītlagidas kātlāshang: sin swaunshung ai tlīstluan kum lā da il kiatsuānḡundang askaskit skasgu gud kum kinai il gwūdāānḡundang il kātlāshang:
51Lā il tilthwangsang, waigen ga kwutungē stungs gē shu lā il istāshang giouk sahaigāsēsi gwau waigen zing unga kōkopitāsēsi gwau.
ప్రస్తుతం ఎంపిక చేయబడింది:
Matthew 24: HAIDA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
First published by the British and Foreign Bible Society 1891-1899.