Jɔ̀ɔŋ 14
14
Wo Jisɛ̀ naŋ yaà ke dòmaàŋ koɓɛ̀ wo Dèdaà ko àìjɛnɛ̀ŋ
1Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ jiiŋ màŋ ɓɔ̀ màŋ mɔɔnɛ̀ŋ. Kɛ̀ɛ̀nɛìŋ e hààwe wo Dayà sùà yèè kɛ̀ɛ̀nɛŋ nìim e hààwe sùà. 2Maŋ saaŋ hàwe zimgbe yaà ko jàwà Dèda mio ko àìjɛnɛ̀ŋ. Sèè è go yɛi weè nɔ̀ŋ, miŋ naàiŋ niŋ weè woò. Mìŋ yaà kɔɔyɛ ka bànè ko nɛ̀nɛ̀ŋ wèè nyɛ̀iŋ nààŋ bà guùŋ gbiŋ. 3Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ. 4Nàŋ nyìmàŋ ke dòmaàŋ kɔ̀à koɓɛ̀i mìŋ yaà kɔɔyɛ lɛ̀.”
5Yèè wo Tàmaŋ naŋ woò wààŋ, “Kanaà, E nyimààìŋ kɛ̀ kòò mùŋ yaà kɔɔyɛ, dièsɔa è naiŋ ɓɛ̀nɛ̀ŋ nyìmàŋ ke dòmaàŋ?”
6Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà. 7Yèè sèè mààŋ tɔɔɓaa nàim nyìmàŋ, kɛ̀ nàŋ nyìmàŋ wo Dèda miɔ̀ŋ wuŋ pɛɛ. Kpeiŋ sèè è nɔ̀ŋ yɛi, kɛ̀ nàuŋ naàŋ nyìmàŋ, yèè nàuŋ yɛmɛ̀.”
8Yèè wo Felè nauŋ woò wààŋ, “Kanaà, tɔ̀ɔ̀ wi wo Dèdaà, kɛ̀ maŋ jii wi màŋ fà.”
9Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’? 10Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ. 11Kɛ̀ɛ̀nɛìŋ e hààwe nààŋ mìŋ naiŋ woò mìàŋ wo Dèdaà yààìm ko sùà yèè mìŋ yaà wo Dèdaà ko sùà lɛ. Sèè nìŋ go pɛɛ tɛɛ̀ haawè, kɛ̀ hààwe nìim wèè maŋ keì maŋ mìŋ nyɛnɛŋ màŋ. 12Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ. 13Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà. 14Sèè nìŋ dawà wèè e nɛ̀ŋ gbiŋ e deè mɛ̀ sùà esaɓù kɛ̀ nìŋ yaà anyùùŋ màŋjɛ̀wɛ̀im, mìŋ doiŋ niŋ nàŋ kiɛ̀ŋ.”
Mànaìŋ wo Jisɛ̀ yèè niŋ mànàŋ aŋ dàwiiŋ nyàŋ
15Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ. 16Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ. 17Yèè wo Jìnàŋ tɔ̀ɔ̀nyaàaŋ doiŋ nàŋ kaikpɔ tɔɔ̀ kɛ̀ ɓòò nàŋ yaà wo Dayà. Anyuùŋ gò kɛ̀ɛ̀nɛ̀ŋ hààwe nyàŋ e ɗuunyaŋ lɛɛ̀ naàŋ jàà wò Jìnàŋ Nɛɛmaàŋ kùàŋ dìì màŋ jii nyiŋ màŋ sùà wèè wo nɔ̀ŋ wò nyuùŋ kpùùmaŋ nyiŋ, esaɓù kɛ̀ aŋ fòuŋ yɛmɛ̀ ɔ̀ɔ̀ aŋ nyimààuŋ. Kɛɛ nàŋ nyìmàŋ wo Jinàaŋ, wo yèɔ yààìŋ kɔɔ yèè wò do nàŋ nɔ̀ŋ maŋ nyiiŋ gèeiŋ màŋ sùà wɔ.”
18Sèè mìŋ jòòìŋ, niŋ naàŋ nɔ̀ŋ mààŋ àŋ jɔ̀à è dàà. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. 19E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà. 20Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.
21“Wo nyùnɔ̀ɔŋ yèɔ gbiŋ mànàìm wɔ, wò do nàŋ nyɛ̀nɛ̀ŋ e yèɛ mìŋ nauŋ woò wèè wo nyɛ̀nɛ̀ŋ lɛ. Yèè wo Dèda miɔ̀ŋ douŋ nàŋ mɔ̀nɔ̀ŋ. Mìŋ do nàŋ mɔ̀nɔ̀ŋ wo nyùùŋ wii miàŋ pɛɛ, yèè mìŋ do nàŋ hnè koɓɛ̀ wo nyùùŋ wii màànààŋ nɔŋ mìŋ yaà lɛ.”
22Kpeiŋ wo Juɗà, e fè wò Juɗà Àkaaliɔ̀, naŋ dawè wààŋ, “Kanaà, kiìŋ nàŋ yaà e fàsai mɔ̀ɛ̀ nààŋ mùŋ naŋ woò mààŋ mùŋ do naŋ kɛ̀ɛ̀ ko nɛ̀ɛ̀ŋ wiì màànààŋ nɔŋ mùŋ yaà lɛ, kɛɛ muŋ naàŋ hnè kòɓɛ̀ ànyùùŋ nyaŋ è ɗuunyaŋ lɛɛ̀?”
23Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ. 24Kɛɛ anyùùŋ nyaŋ yè nyaŋ aŋ manàìm nyaŋ aŋ naàŋ nyɛ̀nɛ̀ŋ è yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. E yèɛ zà àŋ naŋ kòmò mìŋ naŋ woò lɛ gò e yìwìà è gaàŋ mɛ̀ sùà, kɛɛ è yewe e gààŋ Dèdaà naim tùɔ̀ŋ wɔ sùà.”
25“Kàiŋ wòò maŋ keì mɛɛ̀ŋ e teengaà mìŋ yaà nɔŋ ko nɛ̀ɛ̀iŋ niìŋ lɛ. 26Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.
27“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ. 28Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ. 29Mìŋ yààìŋ tɛɛ̀ wòo sùà paŋgàà mìŋ jòòìŋ, wèè kɛ̀ sèè è kaaìŋ, nìŋ do nàŋ haawè kɛ̀ e yèɛ mìŋ naŋ woò lɛ è yaà tɔ̀ɔ̀nyaàŋ. 30Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim. 31Kɛɛ anyùùŋ nyaŋ e ɗuunyaàŋ kuwa aŋ nyìmàŋ kɛ̀ mìŋ manaŋ wo Dèda miɔ̀ŋ. Esaɓùɛ lɛɛ̀ mìŋ nyɛnɛŋ e nɛ̀ɛ̀iŋ gbiŋ e ɗeweɛ̀ wò manaŋ lɛ̀.”
Yèè wo Jisɛ̀ naŋ nyiŋ ɓɛìŋ woò wààŋ, “Yèwaìŋ dìì, fòlà wiìŋ ko saaŋ yaà e kaiŋ.”
ప్రస్తుతం ఎంపిక చేయబడింది:
Jɔ̀ɔŋ 14: WFESD
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Gola New Testament Translation and Literacy Project © Bible Society in Liberia, 2019.
Jɔ̀ɔŋ 14
14
Wo Jisɛ̀ naŋ yaà ke dòmaàŋ koɓɛ̀ wo Dèdaà ko àìjɛnɛ̀ŋ
1Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ jiiŋ màŋ ɓɔ̀ màŋ mɔɔnɛ̀ŋ. Kɛ̀ɛ̀nɛìŋ e hààwe wo Dayà sùà yèè kɛ̀ɛ̀nɛŋ nìim e hààwe sùà. 2Maŋ saaŋ hàwe zimgbe yaà ko jàwà Dèda mio ko àìjɛnɛ̀ŋ. Sèè è go yɛi weè nɔ̀ŋ, miŋ naàiŋ niŋ weè woò. Mìŋ yaà kɔɔyɛ ka bànè ko nɛ̀nɛ̀ŋ wèè nyɛ̀iŋ nààŋ bà guùŋ gbiŋ. 3Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ. 4Nàŋ nyìmàŋ ke dòmaàŋ kɔ̀à koɓɛ̀i mìŋ yaà kɔɔyɛ lɛ̀.”
5Yèè wo Tàmaŋ naŋ woò wààŋ, “Kanaà, E nyimààìŋ kɛ̀ kòò mùŋ yaà kɔɔyɛ, dièsɔa è naiŋ ɓɛ̀nɛ̀ŋ nyìmàŋ ke dòmaàŋ?”
6Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà. 7Yèè sèè mààŋ tɔɔɓaa nàim nyìmàŋ, kɛ̀ nàŋ nyìmàŋ wo Dèda miɔ̀ŋ wuŋ pɛɛ. Kpeiŋ sèè è nɔ̀ŋ yɛi, kɛ̀ nàuŋ naàŋ nyìmàŋ, yèè nàuŋ yɛmɛ̀.”
8Yèè wo Felè nauŋ woò wààŋ, “Kanaà, tɔ̀ɔ̀ wi wo Dèdaà, kɛ̀ maŋ jii wi màŋ fà.”
9Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’? 10Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ. 11Kɛ̀ɛ̀nɛìŋ e hààwe nààŋ mìŋ naiŋ woò mìàŋ wo Dèdaà yààìm ko sùà yèè mìŋ yaà wo Dèdaà ko sùà lɛ. Sèè nìŋ go pɛɛ tɛɛ̀ haawè, kɛ̀ hààwe nìim wèè maŋ keì maŋ mìŋ nyɛnɛŋ màŋ. 12Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ. 13Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà. 14Sèè nìŋ dawà wèè e nɛ̀ŋ gbiŋ e deè mɛ̀ sùà esaɓù kɛ̀ nìŋ yaà anyùùŋ màŋjɛ̀wɛ̀im, mìŋ doiŋ niŋ nàŋ kiɛ̀ŋ.”
Mànaìŋ wo Jisɛ̀ yèè niŋ mànàŋ aŋ dàwiiŋ nyàŋ
15Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ. 16Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ. 17Yèè wo Jìnàŋ tɔ̀ɔ̀nyaàaŋ doiŋ nàŋ kaikpɔ tɔɔ̀ kɛ̀ ɓòò nàŋ yaà wo Dayà. Anyuùŋ gò kɛ̀ɛ̀nɛ̀ŋ hààwe nyàŋ e ɗuunyaŋ lɛɛ̀ naàŋ jàà wò Jìnàŋ Nɛɛmaàŋ kùàŋ dìì màŋ jii nyiŋ màŋ sùà wèè wo nɔ̀ŋ wò nyuùŋ kpùùmaŋ nyiŋ, esaɓù kɛ̀ aŋ fòuŋ yɛmɛ̀ ɔ̀ɔ̀ aŋ nyimààuŋ. Kɛɛ nàŋ nyìmàŋ wo Jinàaŋ, wo yèɔ yààìŋ kɔɔ yèè wò do nàŋ nɔ̀ŋ maŋ nyiiŋ gèeiŋ màŋ sùà wɔ.”
18Sèè mìŋ jòòìŋ, niŋ naàŋ nɔ̀ŋ mààŋ àŋ jɔ̀à è dàà. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. 19E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà. 20Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.
21“Wo nyùnɔ̀ɔŋ yèɔ gbiŋ mànàìm wɔ, wò do nàŋ nyɛ̀nɛ̀ŋ e yèɛ mìŋ nauŋ woò wèè wo nyɛ̀nɛ̀ŋ lɛ. Yèè wo Dèda miɔ̀ŋ douŋ nàŋ mɔ̀nɔ̀ŋ. Mìŋ do nàŋ mɔ̀nɔ̀ŋ wo nyùùŋ wii miàŋ pɛɛ, yèè mìŋ do nàŋ hnè koɓɛ̀ wo nyùùŋ wii màànààŋ nɔŋ mìŋ yaà lɛ.”
22Kpeiŋ wo Juɗà, e fè wò Juɗà Àkaaliɔ̀, naŋ dawè wààŋ, “Kanaà, kiìŋ nàŋ yaà e fàsai mɔ̀ɛ̀ nààŋ mùŋ naŋ woò mààŋ mùŋ do naŋ kɛ̀ɛ̀ ko nɛ̀ɛ̀ŋ wiì màànààŋ nɔŋ mùŋ yaà lɛ, kɛɛ muŋ naàŋ hnè kòɓɛ̀ ànyùùŋ nyaŋ è ɗuunyaŋ lɛɛ̀?”
23Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ. 24Kɛɛ anyùùŋ nyaŋ yè nyaŋ aŋ manàìm nyaŋ aŋ naàŋ nyɛ̀nɛ̀ŋ è yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. E yèɛ zà àŋ naŋ kòmò mìŋ naŋ woò lɛ gò e yìwìà è gaàŋ mɛ̀ sùà, kɛɛ è yewe e gààŋ Dèdaà naim tùɔ̀ŋ wɔ sùà.”
25“Kàiŋ wòò maŋ keì mɛɛ̀ŋ e teengaà mìŋ yaà nɔŋ ko nɛ̀ɛ̀iŋ niìŋ lɛ. 26Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.
27“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ. 28Nyɛ̀iŋ nààŋ nyuùŋ mɔ̀ɔ̀nɔim nyàŋ, kàiŋ woò kɛ̀ mìŋ do nàŋ kɛ̀ɛ̀ koɓɛ̀ wo nyùnɔ̀ɔŋ naim tùɔ̀ŋ wɔ. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ. Yèè sèè nìŋ mɔ̀nɔ̀ìm, kɛ̀ nɔ̀iŋ jii fàa sùà e fèfoo mìŋ yaà kɛ̀ɛ sùà koɓɛ̀ wo Dèdaà naim tùɔ̀ŋ wɔ, esaɓù kɛ̀ wò kuwa e gààŋ eim nìàŋ. 29Mìŋ yààìŋ tɛɛ̀ wòo sùà paŋgàà mìŋ jòòìŋ, wèè kɛ̀ sèè è kaaìŋ, nìŋ do nàŋ haawè kɛ̀ e yèɛ mìŋ naŋ woò lɛ è yaà tɔ̀ɔ̀nyaàŋ. 30Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim. 31Kɛɛ anyùùŋ nyaŋ e ɗuunyaàŋ kuwa aŋ nyìmàŋ kɛ̀ mìŋ manaŋ wo Dèda miɔ̀ŋ. Esaɓùɛ lɛɛ̀ mìŋ nyɛnɛŋ e nɛ̀ɛ̀iŋ gbiŋ e ɗeweɛ̀ wò manaŋ lɛ̀.”
Yèè wo Jisɛ̀ naŋ nyiŋ ɓɛìŋ woò wààŋ, “Yèwaìŋ dìì, fòlà wiìŋ ko saaŋ yaà e kaiŋ.”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Gola New Testament Translation and Literacy Project © Bible Society in Liberia, 2019.