Jɔ̀ɔŋ 15
15
Wo Jisɛ̀ yaà mààŋ ke gbɛ̀mɛ̀ɛ̀ŋ kuu kɛnɛɛ̀
1Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Miàŋ nàŋ yaà ke gbɛ̀mɛ̀ɛ̀ŋ kulɛɛ̀ komo maŋ gbɛ̀mɛ̀ɛ̀ŋ kɛnɛ màŋ lɛ. Wo Dèda miɔ̀ŋ nàŋ yaà wo kɛ̀ɛ̀nɛ̀ŋ ɓùɔ. 2Sèè ke kpee miɛ̀ŋ bà ke yèɛ kè yaà bàimbà kè go kòmàŋ maŋ gbɛ̀mɛ̀ɛ̀ŋ komaŋ, wò do nyiŋ noo nàŋ kɛ̀ɛ̀ kpo. Kɛɛ wò gbeye maŋ kpee nyɛɛ̀ɛ̀ maŋ wèè kɛ̀ ke gbɛ̀mɛ̀ɛ̀ŋ kulɛɛ̀ ke nɔ̀ŋ sùà janyai wèè ke kòmàŋ maŋ gbɛ̀mɛ̀ɛ̀ŋ zimgbe. 3E yìwìà e yèɛ mìŋ naiŋ woò lɛ, naŋ nyɛ̀nɛ̀ŋ nìŋ naŋ nɔ̀ŋ zɛ̀nɛiŋ. 4Jèeìŋ e jààneiŋ ko nɛ̀ɛ̀ŋ miìŋ, yèè miàŋ pɛɛ mìŋ do nàŋ jèè e jààneim ko nɛ̀ɛ̀iŋ niìŋ. Màànààŋ nɔŋ ke kuù kpee fè ɓɛ̀nɛ̀ŋ kòmaŋ kùàŋ kiìŋ bi sɔɔ̀ nɔŋ ke jèè e jààne nyiŋ koɓɛ̀ ke kuùkpù gbeeɛ̀ lɛ, e ɗèwè guùŋ lɛɛ̀ sùà, nyɛ̀iŋ nààŋ nyùùŋ màŋjɛ̀wɛ̀im nyàŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùùŋ maiŋ sɔɔ̀ naŋ jèè aŋ bàiŋbà nɔ̀ɔŋ ko nɛ̀ɛ̀ŋ miìŋ.”
5“Miàŋ nàŋ yaà mààŋ ke kuùkpù gbeeɛ̀, nyɛ̀iŋ nàŋ ya maŋ kuù kpee màŋ. Anyùùŋ nyaŋ gbiŋ nyiniàm wɔŋ nyiiŋ gèe nyiŋ nɔɔ̀ŋ ko sùà nyaŋ, miàŋ pɛɛ mìŋ do nyiŋ nàŋ nyìnìè wɔŋ nyiiŋ gèe miɔ̀ŋ ko sùà. Anyùùŋ nyiiŋ do nàŋ kɛ̀ɛ̀nɛ̀ŋ e hààya zimgbe, esaɓù kɛ̀ aŋ fè ɓɛ̀nɛ̀ŋ nyɛ̀nɛ̀ŋ è keì kɛnɛ gbiŋ èɓìèmàŋjɛ̀wɛ̀ miàŋ. 6Sèè nìŋ go jèè e jààneiŋ ko nɛ̀ɛ̀ŋ miìŋ, nìŋ do nàŋ go. Nìŋ do nàŋ nɔ̀ŋ mààŋ maŋ kuù kpee wòa maŋ yè maŋ àŋ gbonaŋ gbònàŋ aŋ miŋ gbìàŋ ko hmɔ̀ɔ̀ŋ maŋ hèwà kpai. 7Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ. 8Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ. 9Mìŋ mànàìŋ màànààŋ nɔŋ wo Dèda miɔ̀ŋ mànàìm lɛ. Jèeìŋ e hààwe e mànaŋ mɛ̀ sùà. 10Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.
11“Mìŋ naiŋ tɛɛ̀ woò wèè kaiŋ sìà e zɔlɔ̀ zimgbe sùà màànààŋ mìŋ yaà lɛ. 12Nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ, màànààŋ nɔŋ mìŋ mànàìŋ lɛ. 13Sèè wo nyùùŋ wo fà wèè wo tɔɔ̀ e mànaŋ koɓɛ̀ aŋ dàwiuŋ nyàŋ, tɛɛ̀ è tɔɔ̀ kɛ̀ wo fè ɓɛìŋ ɓɛ̀nɛ̀ŋ tɔ̀ɔ̀ è mànaŋ bà gbiŋ è do dɛkɛ̀ è do nìàŋ wɔ̀ŋ nyiiuŋ nɔɔ̀ŋ wò naŋ kiɛ̀ŋ wɔŋ weè nyiŋ. 14Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ nìŋ do nàŋ jèè e mɔ̀ɔ̀nɔŋ mɛ̀ sùà. 15Miŋ fèiŋ ɓɛìŋ nyààŋ àŋ ɓɔìjɔ̀à, esaɓù kɛ̀ wo ɓɔìjɔ̀à nyimààŋ kè gbùnù wò kààmɔɔuŋ nɔɔ̀ŋ. Mìŋ yààìŋ gbùùyè kɔɔ mààŋ anyuùŋ mɔ̀ɔ̀nɔim, esaɓù kɛ̀ kàiŋ wòò e yèɛ gbiŋ wo Dèda miɔ̀ŋ naim woò lɛ. 16Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ. 17Weètii, nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ.”
Anyùùŋ nyaŋ e ɗuunyaàŋ naŋ wùɔ̀ŋ nyaŋ
18“Sèè anyùùŋ nyaŋ e ɗuunyaŋ lɛɛ̀ sùà aiŋ wùàŋ màànààŋ nɔŋ è yaà lɛ, jàaìŋ jii kɛ̀ miàŋ jiɛ̀ àŋ naŋ wa wùɔ̀ŋ. 19Sèè nìŋ nɔ̀ŋ mààŋ anyùùŋ nyaŋ e ɗuunyaàŋ, kɛ̀ àŋ doiŋ nàŋ mɔ̀nɔ̀ŋ màànààŋ nɔŋ àŋ manaŋ aŋ jɔ̀à nyiŋ nyàŋ lɛ. Kɛɛ miàŋ naiŋ wa tàeɗùù e yìwìà anyùùŋ nyaŋ tɛɛ e ɗuunyaŋ lɛɛ̀ sùà, wèè kɛ̀ niŋ go nàŋ nɔ̀ŋ mààŋ anyùùŋ nyaŋ e ɗuunyaŋ lɛɛ̀. Yèè nààŋ niŋ fè àŋ bà nyiŋ bà, esaɓùɛ lɛɛ̀ àŋ naiŋ wùɔ̀ŋ. 20Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ. 21Anyùùŋ doiŋ nàŋ nyìnìè e kèì guùŋ nɛ àŋ naim nyiniè lɛ. Àŋ doiŋ niŋ nàŋ nyiniè esaɓù kɛ̀ nìŋ yaà aŋ bàimbà, e fèfoo aŋ nyimààŋ kɛ̀ ɓòò naim tùɔ̀ŋ. 22Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ. 23Wo nyùnɔ̀ɔŋ gbiŋ naim wùɔ̀ŋ wɔ, wò naŋ wùɔ̀ŋ wo Dèda miɔ̀ŋ wuŋ pɛɛ. 24Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ. 25Tɛɛ̀ naŋ nyɛ̀nɛ̀ŋ è naŋ hɛɛnɛ̀ŋ nààŋ è yaà sìnga niŋ wɔŋ fɛ̀ì maŋ sàwà nyiŋ nɔɔ̀ŋ sùà kɛ̀, ‘Anyùùŋ naim wa wùɔ̀ŋ wèè foo.’
26“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè. 27Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.
ప్రస్తుతం ఎంపిక చేయబడింది:
Jɔ̀ɔŋ 15: WFESD
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Gola New Testament Translation and Literacy Project © Bible Society in Liberia, 2019.
Jɔ̀ɔŋ 15
15
Wo Jisɛ̀ yaà mààŋ ke gbɛ̀mɛ̀ɛ̀ŋ kuu kɛnɛɛ̀
1Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Miàŋ nàŋ yaà ke gbɛ̀mɛ̀ɛ̀ŋ kulɛɛ̀ komo maŋ gbɛ̀mɛ̀ɛ̀ŋ kɛnɛ màŋ lɛ. Wo Dèda miɔ̀ŋ nàŋ yaà wo kɛ̀ɛ̀nɛ̀ŋ ɓùɔ. 2Sèè ke kpee miɛ̀ŋ bà ke yèɛ kè yaà bàimbà kè go kòmàŋ maŋ gbɛ̀mɛ̀ɛ̀ŋ komaŋ, wò do nyiŋ noo nàŋ kɛ̀ɛ̀ kpo. Kɛɛ wò gbeye maŋ kpee nyɛɛ̀ɛ̀ maŋ wèè kɛ̀ ke gbɛ̀mɛ̀ɛ̀ŋ kulɛɛ̀ ke nɔ̀ŋ sùà janyai wèè ke kòmàŋ maŋ gbɛ̀mɛ̀ɛ̀ŋ zimgbe. 3E yìwìà e yèɛ mìŋ naiŋ woò lɛ, naŋ nyɛ̀nɛ̀ŋ nìŋ naŋ nɔ̀ŋ zɛ̀nɛiŋ. 4Jèeìŋ e jààneiŋ ko nɛ̀ɛ̀ŋ miìŋ, yèè miàŋ pɛɛ mìŋ do nàŋ jèè e jààneim ko nɛ̀ɛ̀iŋ niìŋ. Màànààŋ nɔŋ ke kuù kpee fè ɓɛ̀nɛ̀ŋ kòmaŋ kùàŋ kiìŋ bi sɔɔ̀ nɔŋ ke jèè e jààne nyiŋ koɓɛ̀ ke kuùkpù gbeeɛ̀ lɛ, e ɗèwè guùŋ lɛɛ̀ sùà, nyɛ̀iŋ nààŋ nyùùŋ màŋjɛ̀wɛ̀im nyàŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùùŋ maiŋ sɔɔ̀ naŋ jèè aŋ bàiŋbà nɔ̀ɔŋ ko nɛ̀ɛ̀ŋ miìŋ.”
5“Miàŋ nàŋ yaà mààŋ ke kuùkpù gbeeɛ̀, nyɛ̀iŋ nàŋ ya maŋ kuù kpee màŋ. Anyùùŋ nyaŋ gbiŋ nyiniàm wɔŋ nyiiŋ gèe nyiŋ nɔɔ̀ŋ ko sùà nyaŋ, miàŋ pɛɛ mìŋ do nyiŋ nàŋ nyìnìè wɔŋ nyiiŋ gèe miɔ̀ŋ ko sùà. Anyùùŋ nyiiŋ do nàŋ kɛ̀ɛ̀nɛ̀ŋ e hààya zimgbe, esaɓù kɛ̀ aŋ fè ɓɛ̀nɛ̀ŋ nyɛ̀nɛ̀ŋ è keì kɛnɛ gbiŋ èɓìèmàŋjɛ̀wɛ̀ miàŋ. 6Sèè nìŋ go jèè e jààneiŋ ko nɛ̀ɛ̀ŋ miìŋ, nìŋ do nàŋ go. Nìŋ do nàŋ nɔ̀ŋ mààŋ maŋ kuù kpee wòa maŋ yè maŋ àŋ gbonaŋ gbònàŋ aŋ miŋ gbìàŋ ko hmɔ̀ɔ̀ŋ maŋ hèwà kpai. 7Sèè nìŋ jeeà aŋ bàimbà nɔ̀ɔŋ yèè maŋ mìè gbìaim màŋ maŋ jèè maŋ nyiiŋ geiŋ màŋ sùà, kɛ̀ wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè wèè woiŋ kiɛ̀ŋ lɛ. 8Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ. 9Mìŋ mànàìŋ màànààŋ nɔŋ wo Dèda miɔ̀ŋ mànàìm lɛ. Jèeìŋ e hààwe e mànaŋ mɛ̀ sùà. 10Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.
11“Mìŋ naiŋ tɛɛ̀ woò wèè kaiŋ sìà e zɔlɔ̀ zimgbe sùà màànààŋ mìŋ yaà lɛ. 12Nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ, màànààŋ nɔŋ mìŋ mànàìŋ lɛ. 13Sèè wo nyùùŋ wo fà wèè wo tɔɔ̀ e mànaŋ koɓɛ̀ aŋ dàwiuŋ nyàŋ, tɛɛ̀ è tɔɔ̀ kɛ̀ wo fè ɓɛìŋ ɓɛ̀nɛ̀ŋ tɔ̀ɔ̀ è mànaŋ bà gbiŋ è do dɛkɛ̀ è do nìàŋ wɔ̀ŋ nyiiuŋ nɔɔ̀ŋ wò naŋ kiɛ̀ŋ wɔŋ weè nyiŋ. 14Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ nìŋ do nàŋ jèè e mɔ̀ɔ̀nɔŋ mɛ̀ sùà. 15Miŋ fèiŋ ɓɛìŋ nyààŋ àŋ ɓɔìjɔ̀à, esaɓù kɛ̀ wo ɓɔìjɔ̀à nyimààŋ kè gbùnù wò kààmɔɔuŋ nɔɔ̀ŋ. Mìŋ yààìŋ gbùùyè kɔɔ mààŋ anyuùŋ mɔ̀ɔ̀nɔim, esaɓù kɛ̀ kàiŋ wòò e yèɛ gbiŋ wo Dèda miɔ̀ŋ naim woò lɛ. 16Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ. 17Weètii, nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ.”
Anyùùŋ nyaŋ e ɗuunyaàŋ naŋ wùɔ̀ŋ nyaŋ
18“Sèè anyùùŋ nyaŋ e ɗuunyaŋ lɛɛ̀ sùà aiŋ wùàŋ màànààŋ nɔŋ è yaà lɛ, jàaìŋ jii kɛ̀ miàŋ jiɛ̀ àŋ naŋ wa wùɔ̀ŋ. 19Sèè nìŋ nɔ̀ŋ mààŋ anyùùŋ nyaŋ e ɗuunyaàŋ, kɛ̀ àŋ doiŋ nàŋ mɔ̀nɔ̀ŋ màànààŋ nɔŋ àŋ manaŋ aŋ jɔ̀à nyiŋ nyàŋ lɛ. Kɛɛ miàŋ naiŋ wa tàeɗùù e yìwìà anyùùŋ nyaŋ tɛɛ e ɗuunyaŋ lɛɛ̀ sùà, wèè kɛ̀ niŋ go nàŋ nɔ̀ŋ mààŋ anyùùŋ nyaŋ e ɗuunyaŋ lɛɛ̀. Yèè nààŋ niŋ fè àŋ bà nyiŋ bà, esaɓùɛ lɛɛ̀ àŋ naiŋ wùɔ̀ŋ. 20Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ. 21Anyùùŋ doiŋ nàŋ nyìnìè e kèì guùŋ nɛ àŋ naim nyiniè lɛ. Àŋ doiŋ niŋ nàŋ nyiniè esaɓù kɛ̀ nìŋ yaà aŋ bàimbà, e fèfoo aŋ nyimààŋ kɛ̀ ɓòò naim tùɔ̀ŋ. 22Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ. 23Wo nyùnɔ̀ɔŋ gbiŋ naim wùɔ̀ŋ wɔ, wò naŋ wùɔ̀ŋ wo Dèda miɔ̀ŋ wuŋ pɛɛ. 24Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ. 25Tɛɛ̀ naŋ nyɛ̀nɛ̀ŋ è naŋ hɛɛnɛ̀ŋ nààŋ è yaà sìnga niŋ wɔŋ fɛ̀ì maŋ sàwà nyiŋ nɔɔ̀ŋ sùà kɛ̀, ‘Anyùùŋ naim wa wùɔ̀ŋ wèè foo.’
26“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè. 27Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Gola New Testament Translation and Literacy Project © Bible Society in Liberia, 2019.