TI GƐ́Ɛ́ HAÍTII 18
18
Pɔ́ɔ i liiní Kɔ́l̃e
1Ná sí í gúlani su, Pɔ́ɔ i guláni Átɛ taa h̃u wá, í lí Kɔ́l̃e taí h̃u. 2Naa lɔ í Júsu w̃ɔɔ yiláá mááleni ná ndaahéingi í ɣɛ́i ngáá Akúila, í ɣɛ́i ngáá tataí sí h̃uu w̃ɔ́ɔ́ taa naa lolí ngáá Pɔ́tɔ. Taá ngi ỹáh̃ai sí taa ɣɛ́ ma Pilesíla ti ɣɛ́i nɔ́ɔ gulaní kpéi ndɔwɔlɔ́i ná h̃uu wá taa naa lolí ngáá Étɔli, bɔw̃álale maa Lóómi Lɔwɔ́lɔi W̃asa Ngwalaí tɔ́ɔ́ ɣɛ́ ma Kulɔ́diyasi, i sava laní ngáá Júsuaitii kpɛ́lɛɛ ti ɣɛ́i Lóómi taa h̃u ti gúla naa wa. Pɔ́ɔ va i liiní ti ŋál̃a belé má. 3Ná í lííni ti yélengi, i loní ná, sífaa ti ɣɛ́i taá kula ỹɛpɛ́l̃ɛngaa batɛ taá tiyéni, táá maa híya aáva ti lɔ́ngɔ ti yénge tokoí í ɣɛi ngáá ná. 4Júsuai ti Lɛ́ɛ́lɛmbo Ngála Fɛ́li Folo fíli má ɔ́ɔ́ fáitii ngakúla mba, áá ngakɛ́ ngáá Júsuaitii taá Gilísiaitii Ngala fɛ́li máákpɔ wotaí wu áá yakpá ngáá í ti lií vóte.
5Ná Sáilɔni ngaa Tímoti ti gúlani Mɛsedóniya lataí h̃uu wá, Pɔ́ɔ i bɔwɔ́ gulaní kɛlɛ́ma fó fóndei Ngala ngóó lendái h̃u taá hééle woo lendáá Júsuai ma ngáá kɛ Jísu lɔ í ngáá Ngalángi Lókolo Mbá W̃ɔ́i. 6Kɛ́ ná Júsuai taá lókoheini sí wu Pɔ́ɔ í ɣɛ́i áá nde, kɛ́ aá ɣéle, tí ɣɛi ngáá Pɔ́ɔ yɛ́ɛ́li mbélaa, i ngi gúlaitii kulái w̃a, í suubúkpulɛ, ngakɛ́ fááw̃a ngáá ti ye ngáá kɛ ti háá ỹɔí lɔɔ ló ngáá ti ye. Aáva i ndení ti w̃a, i ɣɛ ta, “Wú haa ỹɔí í ló ngáá wú ye. Wú wú ngɔ́ɔ́ bɔ́ɔ́ lo sú, ta w̃aa yɛ fíli ɛi hiya má. Í síɣe hááwɔ w̃a í lí náá ngáá naa wutúwɔɔ véle. Nyá lɔɔ vá liimá sítii ngele taa ngáá Júsua.” 7Kɛ Pɔ́ɔ i gulangá Ngala fɛ́li máákpɔ wotaí wuu wá, í lí pɛlɛ́ vékai la sí í ɣɛ́i ngáá Tetiyɔ Júsutɔ vɛ́lɛi, lɛ́i í ɣɛ́i ngáá Ngala fɛ́li mɔ́ɔ ta. 8Kílesipɔ, lɛ́i sí í ɣɛ́i ngáá Júsuai ti Yála fɛli máákpɔ wotaí wu wútuwɔɔ w̃ɔ́i, taá ngi vɛ́lɛ lowa wuu yélaitii kínɛi tí láni ngáá Ndemɔí Jísu, ná vólu, Kɔ́l̃e yeláitii kpih̃íw̃aa tiyɛ́i ti Pɔ́ɔ woo ỹɛ́nini tí láni la aáva ti ngúyai w̃ááhɔlɔni.
9Kpindi yílaa Pɔ́ɔ i géluni nɔ́ɔ kpéi Ndemɔí Ngalá ngí yɛ́pɛ ngelé, i ɣɛ ma, “Nduwá álaa ɣɛ́ í h̃u. Ndi ngu ma ngáá faí sítii ndendáá yálaa w̃aa ɣɛ ló, 10sífaa nyá lɔ í vólu aáva nuu fíli ɛi laa lɛ́ í wú ɔ́ɔ́ ỹanda héi í wá, bɔw̃álale nuu bíh̃iw̃aa lɔ ngéya taa walái sí h̃u.” 11Faalɔ, Pɔ́ɔ i fowó yílaa sikpɛ́ kɛ́ni na áá nungáitii kalá ngáá Ngalá ndaa wói.
12Ná h̃úu vá Gáliyo í ɣɛ́i ngáá masangí Akáya lataí w̃ááh̃u, Júsuai tí woo ɣɛ́i su yíla tí laa lɛ́ Pɔ́ɔ wu, tí vaa lá kóóti h̃u. 13Kɛ tí ndengá, ti ɣɛ́ ta, “Siỹɛ́ngi sí lɔɔ́ nungáitii wu ngapóte ngáá ti hítɛ Ngala fɛ́li péle ỹɔú ỹɔu mba sí í léélaa sí wa pɔnɛngɔ́ savaí h̃u.”
14Kíya nɔ́ɔ Pɔ́ɔ í ɣɛ́i í yɛ́pɛ, kɛ Gáliyo i ndengá Júsuaitii ma, i ɣɛ ta, “Kɛbei wú ɣɛ́i wáá mah̃abéhe mbo má kɔwɔ́ato faa ỹɔ́u lɛingáá wa ɔɔ faa ỹaaní ngwála wa, maanɛ́ɛ́ngɔ ɔ́ɔ́ ɣɛ́ la ngí wolílo wú w̃a. 15Kɛ́ ná í ngáá kɔsɔ́ kɔwɔ́ato ngooní mba taá ndaa heí ngáá kpahangɔ́ wú bɔ́wɔ hávai wa, a faí sí h̃úúbatɛ wá búte. Ngɛ́i ɣɛ ngáá kíti léve mɔ́ɔ faa láálii sítii su.” 16Faalɔ, i ndení ngáá ti gúla kóóti h̃uu wá ngamá. 17Kɛ ti kpɛ́lɛɛ ti helénga Sɔsitɛ́ni wa, lɛ́i í ɣɛ́i ngáá Júsuai ti Yála fɛli máákpɔ wotaí wuu w̃aa wútuwɔɔ w̃ɔ́i, tí ndeve kóóti vɛlɛí la kái kái. Kɛ́ Gáliyo aa wolíloni ti w̃a kulo bɛ́lɛ.
Pɔ́ɔ yaimandái Átiyɔ
18Pɔ́ɔ i kuu ɣɛ́i féle Ngala fɛ́li mbélaitii kɔwɔ́ w̃á Kɔ́l̃e taí h̃u. Kɛ i Ngala fɛ́li mbélaitii ndónga, í víli keléngi h̃u taá Pilesílani ngaa Akúila, tí lí ndɔwɔlɔ́i sí h̃u taa náa lolí ngáá Síliya. Kɛ́ p̃ɛ́ɛ́ ɔ́ɔ́ ɣɛ́ í lí, tí ngungí woléni ỹandái sí tɔ́ɔ́ keléngaitii kpulɔ́ na taa taa náa lolí ngáá Sɛ́kuliya, bɔw̃álale i ɣɛi kɛ́lɛ ngéɣeni Ngalá ngéya. 19Kɛ tí folónga Ɛ́fɛsɔ taa walái h̃u aáva naa lɔ Pɔ́ɔ í Pilesílani ngaa Akúila loní na, laá bútei í lí náa Júsua ti Yála fɛ́li máákpɔ wotaí wu áá faa yákula mba, áá ngakɛ́ ngáá Júsuaitii. 20Nátii tí mɔɔniní ngáá í ló ti loow̃á kuu félengɔ haaw̃a, kɛ́ aa kɛní. 21Kɛ́ ná í ɣɛ́i áá pele hóu i nátii kuulóni, i ɣɛ ti w̃a, “Ná Ngalá ngáá lúw̃a ma, ngáá vá volú.” Kɛ i vílinga kélengi h̃u, í gúla Ɛ́fɛsɔ wa.
22Ná í folóni Sɛsɛ́liya taa h̃u, i liiní Jɛlúsɛl̃ɛ, í laalí Ngalá fɛ́li mbélaitii ma, ná vólu, í lí Átiyɔ. 23Ná í kuu félengɔ ɣɛ́ni Átiyɔ, i hiɣení náa na, í lɔ́ve tɔvé ỹandá lɛingáá Galésiya lataí h̃u ɛ́ɣɛ Felíjiya lataí h̃u, áá nduwúh̃ulɛ ngáá Jísu volú yélaitii Ngala fɛ́li fái h̃u.
Apólo i liiní Ɛ́fɛsɔ ɛ́ɣɛ Kɔ́l̃e
24Júsu w̃ɔɔ yiláá taa ɣɛ ma Apólo, lɛ́i nde tái h̃u í ɣɛ́i ngáá Alɛsáánduya, i vaaní Ɛ́fɛsɔ taa h̃u aáva i ɣɛi ngáá ndaa h̃u levé w̃ɔ́ɔ́ njɛpɛ vu fááw̃a. Laáva kele ɣelé kí ma i ɣɛi mbɛ gíte Ngalá Kɔ́lɔi wɔlɔ́ fááw̃a. 25I ɣɛi náa kalambo ngéɣeni kɔwɔ́ato Ndemɔí Jísu Ndá Veleí wa. I yɛpɛní tɔɔỹáá veleí wa ngwála, ná vólu, i kalambo mbóni sí í ɣɛ́i ngáá tɔɔỹáá kái kái kɔwɔ́ato Jísu wa. Kɛ́ ná fíli su, i ɣɛi nɔ́ɔ́ léi faa wɔ́lɔ kɔwɔ́ato Ngúya Wo Mɔ́i Njɔú wúya wondái wa. 26Kɛ́ i tɔkúla héini ngáá yɛpɛndáá ngáá ndiibá Júsuai ti Yála fɛli máákpɔ wotaítii mbu. Ná Pilesíla taá Akúila tí ngoo ỹɛ́nini, tí tolíni ti vɛ́lɛi la, tí Ngalángi vélei h̃uu ɣɛ lá kpál̃au ngáá kɛ kíya kái kái í na. 27Ná Apólo í ɣɛ́i náa loní í lí Akáya lataí h̃u, ngi mbála Yalá fɛ́li mbélaitii tí nduwúh̃ulɛni la, ná vólu, tí kɔlɔ vɔ́nɛni Jísu volú yelaítii ngelé Akáya ngáá tí lokohéi mbu. Ná í foloní na, i bɔní ngwala sítii mba ti langɔ́ i ɣɛi ngáá Ngalá, Ngalangí háá bɔwɔ́i w̃aa véle w̃a. 28Ná tɔ́ɔ́ yatɛ́ mba kpɔ súú w̃aaɣaalí hááw̃a taá Júsuaitii, kɛ ngi ndái ɔ́ɔ́ ndo ma kɔwɔ́ato ndaa h̃u bángi wa í ɣɛ́i su. Ɔ́ɔ́ maa hái yakúla mba, áá ngakɛ́ ngáá ti ye Ngala Kɔ́lɔi h̃u ngáá kɛ Jísu lɔ í ngáá Ngalángi Lókolo Mbá W̃ɔ́i.
ప్రస్తుతం ఎంపిక చేయబడింది:
TI GƐ́Ɛ́ HAÍTII 18: KNNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bandi New Testament © Bible Society in Liberia, 2000
TI GƐ́Ɛ́ HAÍTII 18
18
Pɔ́ɔ i liiní Kɔ́l̃e
1Ná sí í gúlani su, Pɔ́ɔ i guláni Átɛ taa h̃u wá, í lí Kɔ́l̃e taí h̃u. 2Naa lɔ í Júsu w̃ɔɔ yiláá mááleni ná ndaahéingi í ɣɛ́i ngáá Akúila, í ɣɛ́i ngáá tataí sí h̃uu w̃ɔ́ɔ́ taa naa lolí ngáá Pɔ́tɔ. Taá ngi ỹáh̃ai sí taa ɣɛ́ ma Pilesíla ti ɣɛ́i nɔ́ɔ gulaní kpéi ndɔwɔlɔ́i ná h̃uu wá taa naa lolí ngáá Étɔli, bɔw̃álale maa Lóómi Lɔwɔ́lɔi W̃asa Ngwalaí tɔ́ɔ́ ɣɛ́ ma Kulɔ́diyasi, i sava laní ngáá Júsuaitii kpɛ́lɛɛ ti ɣɛ́i Lóómi taa h̃u ti gúla naa wa. Pɔ́ɔ va i liiní ti ŋál̃a belé má. 3Ná í lííni ti yélengi, i loní ná, sífaa ti ɣɛ́i taá kula ỹɛpɛ́l̃ɛngaa batɛ taá tiyéni, táá maa híya aáva ti lɔ́ngɔ ti yénge tokoí í ɣɛi ngáá ná. 4Júsuai ti Lɛ́ɛ́lɛmbo Ngála Fɛ́li Folo fíli má ɔ́ɔ́ fáitii ngakúla mba, áá ngakɛ́ ngáá Júsuaitii taá Gilísiaitii Ngala fɛ́li máákpɔ wotaí wu áá yakpá ngáá í ti lií vóte.
5Ná Sáilɔni ngaa Tímoti ti gúlani Mɛsedóniya lataí h̃uu wá, Pɔ́ɔ i bɔwɔ́ gulaní kɛlɛ́ma fó fóndei Ngala ngóó lendái h̃u taá hééle woo lendáá Júsuai ma ngáá kɛ Jísu lɔ í ngáá Ngalángi Lókolo Mbá W̃ɔ́i. 6Kɛ́ ná Júsuai taá lókoheini sí wu Pɔ́ɔ í ɣɛ́i áá nde, kɛ́ aá ɣéle, tí ɣɛi ngáá Pɔ́ɔ yɛ́ɛ́li mbélaa, i ngi gúlaitii kulái w̃a, í suubúkpulɛ, ngakɛ́ fááw̃a ngáá ti ye ngáá kɛ ti háá ỹɔí lɔɔ ló ngáá ti ye. Aáva i ndení ti w̃a, i ɣɛ ta, “Wú haa ỹɔí í ló ngáá wú ye. Wú wú ngɔ́ɔ́ bɔ́ɔ́ lo sú, ta w̃aa yɛ fíli ɛi hiya má. Í síɣe hááwɔ w̃a í lí náá ngáá naa wutúwɔɔ véle. Nyá lɔɔ vá liimá sítii ngele taa ngáá Júsua.” 7Kɛ Pɔ́ɔ i gulangá Ngala fɛ́li máákpɔ wotaí wuu wá, í lí pɛlɛ́ vékai la sí í ɣɛ́i ngáá Tetiyɔ Júsutɔ vɛ́lɛi, lɛ́i í ɣɛ́i ngáá Ngala fɛ́li mɔ́ɔ ta. 8Kílesipɔ, lɛ́i sí í ɣɛ́i ngáá Júsuai ti Yála fɛli máákpɔ wotaí wu wútuwɔɔ w̃ɔ́i, taá ngi vɛ́lɛ lowa wuu yélaitii kínɛi tí láni ngáá Ndemɔí Jísu, ná vólu, Kɔ́l̃e yeláitii kpih̃íw̃aa tiyɛ́i ti Pɔ́ɔ woo ỹɛ́nini tí láni la aáva ti ngúyai w̃ááhɔlɔni.
9Kpindi yílaa Pɔ́ɔ i géluni nɔ́ɔ kpéi Ndemɔí Ngalá ngí yɛ́pɛ ngelé, i ɣɛ ma, “Nduwá álaa ɣɛ́ í h̃u. Ndi ngu ma ngáá faí sítii ndendáá yálaa w̃aa ɣɛ ló, 10sífaa nyá lɔ í vólu aáva nuu fíli ɛi laa lɛ́ í wú ɔ́ɔ́ ỹanda héi í wá, bɔw̃álale nuu bíh̃iw̃aa lɔ ngéya taa walái sí h̃u.” 11Faalɔ, Pɔ́ɔ i fowó yílaa sikpɛ́ kɛ́ni na áá nungáitii kalá ngáá Ngalá ndaa wói.
12Ná h̃úu vá Gáliyo í ɣɛ́i ngáá masangí Akáya lataí w̃ááh̃u, Júsuai tí woo ɣɛ́i su yíla tí laa lɛ́ Pɔ́ɔ wu, tí vaa lá kóóti h̃u. 13Kɛ tí ndengá, ti ɣɛ́ ta, “Siỹɛ́ngi sí lɔɔ́ nungáitii wu ngapóte ngáá ti hítɛ Ngala fɛ́li péle ỹɔú ỹɔu mba sí í léélaa sí wa pɔnɛngɔ́ savaí h̃u.”
14Kíya nɔ́ɔ Pɔ́ɔ í ɣɛ́i í yɛ́pɛ, kɛ Gáliyo i ndengá Júsuaitii ma, i ɣɛ ta, “Kɛbei wú ɣɛ́i wáá mah̃abéhe mbo má kɔwɔ́ato faa ỹɔ́u lɛingáá wa ɔɔ faa ỹaaní ngwála wa, maanɛ́ɛ́ngɔ ɔ́ɔ́ ɣɛ́ la ngí wolílo wú w̃a. 15Kɛ́ ná í ngáá kɔsɔ́ kɔwɔ́ato ngooní mba taá ndaa heí ngáá kpahangɔ́ wú bɔ́wɔ hávai wa, a faí sí h̃úúbatɛ wá búte. Ngɛ́i ɣɛ ngáá kíti léve mɔ́ɔ faa láálii sítii su.” 16Faalɔ, i ndení ngáá ti gúla kóóti h̃uu wá ngamá. 17Kɛ ti kpɛ́lɛɛ ti helénga Sɔsitɛ́ni wa, lɛ́i í ɣɛ́i ngáá Júsuai ti Yála fɛli máákpɔ wotaí wuu w̃aa wútuwɔɔ w̃ɔ́i, tí ndeve kóóti vɛlɛí la kái kái. Kɛ́ Gáliyo aa wolíloni ti w̃a kulo bɛ́lɛ.
Pɔ́ɔ yaimandái Átiyɔ
18Pɔ́ɔ i kuu ɣɛ́i féle Ngala fɛ́li mbélaitii kɔwɔ́ w̃á Kɔ́l̃e taí h̃u. Kɛ i Ngala fɛ́li mbélaitii ndónga, í víli keléngi h̃u taá Pilesílani ngaa Akúila, tí lí ndɔwɔlɔ́i sí h̃u taa náa lolí ngáá Síliya. Kɛ́ p̃ɛ́ɛ́ ɔ́ɔ́ ɣɛ́ í lí, tí ngungí woléni ỹandái sí tɔ́ɔ́ keléngaitii kpulɔ́ na taa taa náa lolí ngáá Sɛ́kuliya, bɔw̃álale i ɣɛi kɛ́lɛ ngéɣeni Ngalá ngéya. 19Kɛ tí folónga Ɛ́fɛsɔ taa walái h̃u aáva naa lɔ Pɔ́ɔ í Pilesílani ngaa Akúila loní na, laá bútei í lí náa Júsua ti Yála fɛ́li máákpɔ wotaí wu áá faa yákula mba, áá ngakɛ́ ngáá Júsuaitii. 20Nátii tí mɔɔniní ngáá í ló ti loow̃á kuu félengɔ haaw̃a, kɛ́ aa kɛní. 21Kɛ́ ná í ɣɛ́i áá pele hóu i nátii kuulóni, i ɣɛ ti w̃a, “Ná Ngalá ngáá lúw̃a ma, ngáá vá volú.” Kɛ i vílinga kélengi h̃u, í gúla Ɛ́fɛsɔ wa.
22Ná í folóni Sɛsɛ́liya taa h̃u, i liiní Jɛlúsɛl̃ɛ, í laalí Ngalá fɛ́li mbélaitii ma, ná vólu, í lí Átiyɔ. 23Ná í kuu félengɔ ɣɛ́ni Átiyɔ, i hiɣení náa na, í lɔ́ve tɔvé ỹandá lɛingáá Galésiya lataí h̃u ɛ́ɣɛ Felíjiya lataí h̃u, áá nduwúh̃ulɛ ngáá Jísu volú yélaitii Ngala fɛ́li fái h̃u.
Apólo i liiní Ɛ́fɛsɔ ɛ́ɣɛ Kɔ́l̃e
24Júsu w̃ɔɔ yiláá taa ɣɛ ma Apólo, lɛ́i nde tái h̃u í ɣɛ́i ngáá Alɛsáánduya, i vaaní Ɛ́fɛsɔ taa h̃u aáva i ɣɛi ngáá ndaa h̃u levé w̃ɔ́ɔ́ njɛpɛ vu fááw̃a. Laáva kele ɣelé kí ma i ɣɛi mbɛ gíte Ngalá Kɔ́lɔi wɔlɔ́ fááw̃a. 25I ɣɛi náa kalambo ngéɣeni kɔwɔ́ato Ndemɔí Jísu Ndá Veleí wa. I yɛpɛní tɔɔỹáá veleí wa ngwála, ná vólu, i kalambo mbóni sí í ɣɛ́i ngáá tɔɔỹáá kái kái kɔwɔ́ato Jísu wa. Kɛ́ ná fíli su, i ɣɛi nɔ́ɔ́ léi faa wɔ́lɔ kɔwɔ́ato Ngúya Wo Mɔ́i Njɔú wúya wondái wa. 26Kɛ́ i tɔkúla héini ngáá yɛpɛndáá ngáá ndiibá Júsuai ti Yála fɛli máákpɔ wotaítii mbu. Ná Pilesíla taá Akúila tí ngoo ỹɛ́nini, tí tolíni ti vɛ́lɛi la, tí Ngalángi vélei h̃uu ɣɛ lá kpál̃au ngáá kɛ kíya kái kái í na. 27Ná Apólo í ɣɛ́i náa loní í lí Akáya lataí h̃u, ngi mbála Yalá fɛ́li mbélaitii tí nduwúh̃ulɛni la, ná vólu, tí kɔlɔ vɔ́nɛni Jísu volú yelaítii ngelé Akáya ngáá tí lokohéi mbu. Ná í foloní na, i bɔní ngwala sítii mba ti langɔ́ i ɣɛi ngáá Ngalá, Ngalangí háá bɔwɔ́i w̃aa véle w̃a. 28Ná tɔ́ɔ́ yatɛ́ mba kpɔ súú w̃aaɣaalí hááw̃a taá Júsuaitii, kɛ ngi ndái ɔ́ɔ́ ndo ma kɔwɔ́ato ndaa h̃u bángi wa í ɣɛ́i su. Ɔ́ɔ́ maa hái yakúla mba, áá ngakɛ́ ngáá ti ye Ngala Kɔ́lɔi h̃u ngáá kɛ Jísu lɔ í ngáá Ngalángi Lókolo Mbá W̃ɔ́i.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bandi New Testament © Bible Society in Liberia, 2000