TI GƐ́Ɛ́ HAÍTII 17
17
Pɔ́ɔni ngaa Sáilɔ tí liiní Tɛsalónika
1Ná Pɔ́ɔni ngaa Sáilɔ ti lɔ́veni kpóloo taa walá walaí sítii su taa ti lolí ngáá Amifépole ɛ́ɣɛ Apolóniya, tí fóloni taa walá vékai sí h̃u taá tolí ngáá Tɛsalónika. Naa lɔ Júsuaitii ti Yála fɛli máákpɔ wotaí ta í ɣɛ́i na. 2Pɔ́ɔ i liiní Ngala fɛ́li máákpɔ wotaí ná wu kɛ kíya kélei ɔ́ɔ́ kɛ. I liindáa ɣɛní na sáwa Ndɛɛlɛmbó Ngála Fɛ́li Fóloitii ma, i ɣɛi áá fáitii ngakúla kulá mba, áá gúla Ngala Kɔ́lɔi h̃u, áá ngakɛ́ ngáá nungáitii. 3I ɣɛi áá suugúla ti w̃a, áá ngákɛ, áá kula Ngala Kɔ́lɔi h̃u ngáá kɛ Ngalángi Lókolo Mbá W̃ɔ́i í w̃áánɔw̃ɔ, ná vólu, í wúyoɣe sái h̃u. Pɔ́ɔ i ndení ti w̃a, i ɣɛ ta, “Jísui sí ngáá ngi hái le wú w̃a, laá lɔ í ngáá Ngalángi Lókolo Mbá W̃ɔ́i.” 4Júsuaitii ti lɛ́ingaa ti lií í vóteni ti báha Pɔ́ɔni ngáá Sáilɔ wa. Ngimɔ́ɔ́ nɔ́ɔ Gilísia bih̃íw̃aa sítii Ngala ndúwambai í ɣɛí ti h̃u í ɣɛ́i ngáá ti ye kpahangɔ́ toow̃aá mba ỹáh̃a bih̃íw̃aa wa.
5Kɛ́ Júsuai ti wútuwɔai tí tolóma batɛní gí ma, tí tamál̃a mbélaa lɛingáá gúla kovíítii su, tí tí yatɛ́ mba ndapi gúla fááw̃a. Aáva tí taa walái ná h̃úu ɣɛí wúúlee. Tí lií ngáá viliỹɛ́ Jésɔ vɛlɛí la Pɔ́ɔni ngaa Sáilɔ wɔlí fááw̃a ngáá ndiiỹɔ́u kɛinɔɔ́ ti vá ngáá ti ye nungáitii ngelé. 6Kɛ́ ná taá ɣɛ́i ti lɔní, ti kpáni Jésɔni ngaa Ngala fɛ́li mbélaa vekáitii ti lɛingáá w̃a ngáá kule, tí lí ngáá ti ye taa walái ná h̃uu w̃ásangai ngelé, táa woo gúla, táa ɣɛ́ ta, “Siỹɛngái sítii tíwaa kpɔɔlɔ́i gúla ỹandáitii kpɛ́lɛɛ, tí vaá náa mbéi. 7Aáva Jésɔ i ti laa w̃áávɛlɛngɔ ngi vɛ́lɛi wu. Ti kpɛ́lɛɛ tɔ́ táa Lóómi Lɔwɔlɔ́ W̃ása Ngwalaí hávaitii ngafándɛ táa nde ngáá kɛ masa ngwála véka lɔ́ na taa ɣɛ́ ma Jísu.” 8Ná taa w̃asángaini ngaa faŋaí ná h̃uu yélaitii tí fái sí ỹɛ́nini, kpɔɔlɔ wála i gulaní na. 9Kɛ taa w̃asángai tí kɛngá Jésɔni ngaa Ngala fɛ́li mbélaa vekaítii tí naholó hé, tí bé ti wa, tí lí.
Pɔ́ɔni ngaa Sáilɔ tí liiní Bɛlíya
10Ná náa í ɣɛ́i ngáá kpindíi, Ngala fɛ́li mbélaitii ti Pɔ́ɔni ngaa Sáilɔ lɔvení náa taa walái sí h̃u taa náá lolí ngáá Bɛlíya. Ná tí fóloni na, tí liiní Júsuaitii ti Yála fɛli máákpɔ wótai wu. 11Bɛlíya yélaitii ndii í ɣɛ́i ti góó ya í lɔ́ve Tɛsalónika taa h̃u yélaitii mba, sífaa tɔ́ɔ́ wolílo Ngalá ndaa wói w̃a ngáá ndiihiká híka. Aáva tɔ́ɔ́ Ngala Kɔ́lɔi galá ngele fíli ɔ́ɔ́ wó kɛinɔɔ́ tí tɔ sí Pɔ́ɔ í ndéni kɛí tɔɔỹaá lɔ su. 12Júsua bih̃íw̃aa tí laní ngáá Ngalá ndaa wói. Aáva ngimɔ́ɔ́ nɔ́ɔ toow̃aá mba ỹáh̃a bih̃íw̃aa taá maa h̃íỹɛngaa bih̃íw̃aa Gilísiai su ti láni ngáá Ngalá ndaa wói. 13Ná Júsuai sítii ti ɣɛ́i Tɛsalónika ti mɛniní ngáá kɛ Pɔ́ɔ lɔɔ́ Ngalá ndaa wói le Bɛlíya, ti mɔ́ɔ liiní na bɛ́lɛ táa nungáitii ngu suu ỹááni, tí tí ɣɛ wu nga wúúlee. 14Ngamá nɔ́ɔ, kɛ Ngala fɛ́li mbélaitii ti Pɔ́ɔ lɔvengá ngáá yívoi gooɣaká w̃áá véle. Kɛ́ Sáilɔ taa Tímoti tí loní Bɛlíya. 15Siỹɛngái sítii ti ɣɛ́i lií Pɔ́ɔ laalóma, tí liiní ngáá Pɔ́ɔ Átɛ taa walái h̃u. Aáva Pɔ́ɔ i ngoo vilí pílini ngáá tí nde Sáilɔni ngaa Tímoti w̃a ngáá ti vá fála fala tí máále Átɛ.
Pɔ́ɔ i Ngala ngói lení Átɛ
16Na h̃u Pɔ́ɔ í ɣɛ́i áá Sáilɔni ngaa Tímoti w̃aalɛ́lɛ Átɛ taa h̃u, ndiiỹááningɔ i ɣɛi lá ngwala, bɔw̃álale i taí sí h̃uulɔní naa laahéngɔ ngáá kɔɔ kɔɔ́ ŋániitii nungái tɔ́ɔ́ ti hɛ́li tɔ́ɔ́ ti yeɣé ngáá ngalángaa. 17Faalɔ, i liiní Júsuai ti Yála fɛli máákpɔ wotái wu áá fái sítii ngakúla kulá mba ngáá Júsuai taá Gilísiaitii Ngala ndúwambai í ɣɛ́i ti h̃u. Aáva ngele fíli ɔ́ɔ́ wo ɔ́ɔ́ lí ngití wálai ya áá yɛ́pɛ nungái sítii ngelé tɔ́ɔ́ ɣɛ́ na. 18Kalambo kɛ́ɛ́ɣɛai tɛingáá sítii taa ɣɛ́ ti w̃a Ɛpikíliyangai taa sítii taa ɣɛ́ ti w̃a Sutɔ́wɔngai ti ɣɛ́i taa Pɔ́ɔ w̃aaɣaalí. Ti lɛ́ingaa tí mɔɔni mbóni, ti ɣɛ́ ta, “Ndeé gíte lɔ faa yátɔ tala w̃ɔí sí áá ɣɛ́ í nde?”
Pekaitii pa tí ndení ti ɣɛ́ ta, “Yáá ɣɛ nɔ́ɔ laá lɔɔ yɛ́pɛ kɔwɔ́ato koha yalángaa wa.” Ti sí léni bɔw̃álale Pɔ́ɔ i ɣɛi áá Ngala ngói le kɔwɔ́ato Jísu taá mbuyoɣe saa h̃úi wa. 19Kɛ ti Pɔ́ɔ yeɣénga, tí vaa lá maakpɔ́i sí h̃ú tɔ́ɔ́ tolí ngáá Aliyapágɔ W̃aakpɔí. Naa lɔ tí ndéni ma na, ti ɣɛ́ ma, “Ni longɔ́ɔ́ le ni ɣɛ kalambo níínai sí wɔlɔ́ yíwaa mbo, 20bɔw̃álale sí níwaa mɛni yíwaa ndé aá lɔ́ ngáá ni gɔ́ɔ́la mba h̃ú haá. Aáva ni longɔ́ɔ́ lé ni ɣɛ́ mbuítii kɔlɔ́.” 21Átɛ yélaitii kpɛ́lɛɛ kpahangɔ́ náa koha yeláitii mba tí na díídɔɔ, taá ɣɛ́i beɣéni peka fíli má, kɛ́ ti yɛ́pɛ, ná vólu, ti wolílo faa níína fíli ma í hítɛ nga.
22Pɔ́ɔ i wuyoɣéni, í ló maakpɔ́i ná h̃u, i ɣɛ ti w̃a, “Wɛ́i wú ngáá Átɛ yélaitii, ngí tɔ́nga pele kpɛ́lɛɛ su ngáá kɛ wú hɛ́mbɛ héingɔɔ le ngwala ngalangáitii fɛlindái h̃u, 23sífaa kɛ kíya ngí ɣɛ́ngɔ ngáá lɔ́ve tɔvé kpóloo ngí wú wɔ́lingaitii tɔngɔ́ wáa ti wɔ. Ngí saáɣa gulamáá ỹánda batɛngɔ́ ta lɔngɔ́ múl̃ɔ kɔlɔ vɔ́nɛngɔ ma. Sí pɔnɛngɔ́ ma aá wáá ngáá sí, ‘Ngalángi sí yéle nuu áá kɔ́lɔ,’ aáva wáa fɛlí aá lɔ ngáá yɛpɛ kɔwɔ́ato mba wú yéle. 24Ngalángi sí í ngetéyangi sí bátɛngɔ kpahangɔ́ suu wɔ́lingaa kpɛ́lɛɛ mbá laá lɔ í ngáá Ndemɔí ngeleya fááw̃a taá ndɔwɔlɔ́i sí. Aáva ɛi ɣɛ pɛlɛ́i sí wú nuu búsa áá to. 25Laáva ŋani fíli ngi wála ngaa mba, kɛlaa tokolangɔ́ ɔ́ɔ́ ɣɛ́ la sí w̃a nuu búsa áá kɛ mbɛ, bɔw̃álale laá bútei lɔ áá ŋani kpɛ́lɛɛ fé kpahangɔ́ ndɛɛh̃úi wa í nuu búsa h̃u. 26Maifɔ́lɔ núú búsai Ngalá ngí kpatɛní, laá lɔ nuí kpɛ́lɛɛ ti gúlangɔ su ngáá kɛinɔɔ́ ti ɣɛ́ bih̃í tí kulaɣɛ ngeleí sí kpɛ́lɛɛ mbú. Ɔ́ɔ́ ɣɛ́ p̃ɛ́ɛ́ í ti bátɛ, i táingi levéni mba ti haáw̃a kpahangɔ́ ti héiw̃aitii mba taa ɣɛ́ na. 27Ngalá ngí sí ɣɛní kɛinɔɔ́ ngi lííhɛlɛngi ɣɛ́ nuu búsa w̃a tí pele wɔlí ngáá tí tɔ, kíya bɛ́lɛ maa áá góóh̃a mu yilá ngíla fíli mbá. 28Kɛ kíya nɔ́ɔ nuu tá í ndéngɔ, i ɣɛ ta,
‘Ngalá tɔ í kɛ́nga mú ndɛɛh̃ú h̃u, máá lɔ́ve, ná vólu, mú na.’
Kɛ kíya nɔ́ɔ wú wúle batɛ mbélaa lɛingáá tí ndéngɔ, ti ɣɛ́ ta,
‘Muỹá lɔ ngáá ngi léngaa.’
29Faalɔ, ná mu ngáá ngi léngaa, málaa gisíya ngáá kɛ laá Ngalá kpatɛ kílii lɔ ngáá kɛ kíya góóli í na ɔɔ kɛ kíya kaní kóle ngí na ɔɔ kɛ kíya kɔtu ɣɛ kíli í na, nuu búsa áá kpátɛ ngáá ngi géle ɣele pele í maa vɔ́nɛ pɔnɛ́. 30Ngalá ngí volú yáfeni faa yatɔ tála haítii mba ti ɣɛ́i taá kɛ. Kɛ́ sí h̃úi, i ndengá nuí kpɛ́lɛɛ má tí ỹandáitii kpɛ́lɛɛ ngáá tí volú yafé faa ỹɔ́itii mba, 31sífaa i táiŋ tevénga mba ngáá folói áá vá nuí kpɛ́lɛɛ kɔ́sɔma ngáá tɔɔỹaá vélei ngi lókolo mba w̃ɔ́i w̃aa véle w̃a. I faí sí yakɛ́a kpál̃au ngáá mbuyoɣéi í mbóni lá sái h̃u.”
32Ná tí faa ỹɛ́nini kɔwɔ́ato mbuyoɣe saa h̃úi wa, ti lɛ́ingaa ti ɣɛ́i taá ngɛ́lɛ gúla su. Kɛ́ ti lɛ́ingaa tí ndéni ma, ti ɣɛ́ ma, “Ni longɔ́ɔ́ le múl̃ɔ ní faa ỹɛ́ni kɔwɔ́ato faí sí wa.” 33Ná hááw̃a, Pɔ́ɔ i gulaní maakpɔ́i ná h̃uu wa, í lí. 34Nungáá lɛingáá ti ɣɛ́i náa ngáá Pɔ́ɔ hítɛ polú yélaa, tí la ngáá Jísu. Nungái nátii sú, ngiláángi ɣɛ́i ngáá Dayanásiyɔ lɛ́i í ɣɛ́i ngáá Aliyapágɔ guuwuí h̃u w̃ɔ́i ta Aliyapágɔ W̃aakpɔí ná h̃u ɛ́ɣɛ nyah̃ápo yiláá taa ɣɛ́ ma Damále kpahangɔ́ náa ti lɛ́ingaa wa.
ప్రస్తుతం ఎంపిక చేయబడింది:
TI GƐ́Ɛ́ HAÍTII 17: KNNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bandi New Testament © Bible Society in Liberia, 2000
TI GƐ́Ɛ́ HAÍTII 17
17
Pɔ́ɔni ngaa Sáilɔ tí liiní Tɛsalónika
1Ná Pɔ́ɔni ngaa Sáilɔ ti lɔ́veni kpóloo taa walá walaí sítii su taa ti lolí ngáá Amifépole ɛ́ɣɛ Apolóniya, tí fóloni taa walá vékai sí h̃u taá tolí ngáá Tɛsalónika. Naa lɔ Júsuaitii ti Yála fɛli máákpɔ wotaí ta í ɣɛ́i na. 2Pɔ́ɔ i liiní Ngala fɛ́li máákpɔ wotaí ná wu kɛ kíya kélei ɔ́ɔ́ kɛ. I liindáa ɣɛní na sáwa Ndɛɛlɛmbó Ngála Fɛ́li Fóloitii ma, i ɣɛi áá fáitii ngakúla kulá mba, áá gúla Ngala Kɔ́lɔi h̃u, áá ngakɛ́ ngáá nungáitii. 3I ɣɛi áá suugúla ti w̃a, áá ngákɛ, áá kula Ngala Kɔ́lɔi h̃u ngáá kɛ Ngalángi Lókolo Mbá W̃ɔ́i í w̃áánɔw̃ɔ, ná vólu, í wúyoɣe sái h̃u. Pɔ́ɔ i ndení ti w̃a, i ɣɛ ta, “Jísui sí ngáá ngi hái le wú w̃a, laá lɔ í ngáá Ngalángi Lókolo Mbá W̃ɔ́i.” 4Júsuaitii ti lɛ́ingaa ti lií í vóteni ti báha Pɔ́ɔni ngáá Sáilɔ wa. Ngimɔ́ɔ́ nɔ́ɔ Gilísia bih̃íw̃aa sítii Ngala ndúwambai í ɣɛí ti h̃u í ɣɛ́i ngáá ti ye kpahangɔ́ toow̃aá mba ỹáh̃a bih̃íw̃aa wa.
5Kɛ́ Júsuai ti wútuwɔai tí tolóma batɛní gí ma, tí tamál̃a mbélaa lɛingáá gúla kovíítii su, tí tí yatɛ́ mba ndapi gúla fááw̃a. Aáva tí taa walái ná h̃úu ɣɛí wúúlee. Tí lií ngáá viliỹɛ́ Jésɔ vɛlɛí la Pɔ́ɔni ngaa Sáilɔ wɔlí fááw̃a ngáá ndiiỹɔ́u kɛinɔɔ́ ti vá ngáá ti ye nungáitii ngelé. 6Kɛ́ ná taá ɣɛ́i ti lɔní, ti kpáni Jésɔni ngaa Ngala fɛ́li mbélaa vekáitii ti lɛingáá w̃a ngáá kule, tí lí ngáá ti ye taa walái ná h̃uu w̃ásangai ngelé, táa woo gúla, táa ɣɛ́ ta, “Siỹɛngái sítii tíwaa kpɔɔlɔ́i gúla ỹandáitii kpɛ́lɛɛ, tí vaá náa mbéi. 7Aáva Jésɔ i ti laa w̃áávɛlɛngɔ ngi vɛ́lɛi wu. Ti kpɛ́lɛɛ tɔ́ táa Lóómi Lɔwɔlɔ́ W̃ása Ngwalaí hávaitii ngafándɛ táa nde ngáá kɛ masa ngwála véka lɔ́ na taa ɣɛ́ ma Jísu.” 8Ná taa w̃asángaini ngaa faŋaí ná h̃uu yélaitii tí fái sí ỹɛ́nini, kpɔɔlɔ wála i gulaní na. 9Kɛ taa w̃asángai tí kɛngá Jésɔni ngaa Ngala fɛ́li mbélaa vekaítii tí naholó hé, tí bé ti wa, tí lí.
Pɔ́ɔni ngaa Sáilɔ tí liiní Bɛlíya
10Ná náa í ɣɛ́i ngáá kpindíi, Ngala fɛ́li mbélaitii ti Pɔ́ɔni ngaa Sáilɔ lɔvení náa taa walái sí h̃u taa náá lolí ngáá Bɛlíya. Ná tí fóloni na, tí liiní Júsuaitii ti Yála fɛli máákpɔ wótai wu. 11Bɛlíya yélaitii ndii í ɣɛ́i ti góó ya í lɔ́ve Tɛsalónika taa h̃u yélaitii mba, sífaa tɔ́ɔ́ wolílo Ngalá ndaa wói w̃a ngáá ndiihiká híka. Aáva tɔ́ɔ́ Ngala Kɔ́lɔi galá ngele fíli ɔ́ɔ́ wó kɛinɔɔ́ tí tɔ sí Pɔ́ɔ í ndéni kɛí tɔɔỹaá lɔ su. 12Júsua bih̃íw̃aa tí laní ngáá Ngalá ndaa wói. Aáva ngimɔ́ɔ́ nɔ́ɔ toow̃aá mba ỹáh̃a bih̃íw̃aa taá maa h̃íỹɛngaa bih̃íw̃aa Gilísiai su ti láni ngáá Ngalá ndaa wói. 13Ná Júsuai sítii ti ɣɛ́i Tɛsalónika ti mɛniní ngáá kɛ Pɔ́ɔ lɔɔ́ Ngalá ndaa wói le Bɛlíya, ti mɔ́ɔ liiní na bɛ́lɛ táa nungáitii ngu suu ỹááni, tí tí ɣɛ wu nga wúúlee. 14Ngamá nɔ́ɔ, kɛ Ngala fɛ́li mbélaitii ti Pɔ́ɔ lɔvengá ngáá yívoi gooɣaká w̃áá véle. Kɛ́ Sáilɔ taa Tímoti tí loní Bɛlíya. 15Siỹɛngái sítii ti ɣɛ́i lií Pɔ́ɔ laalóma, tí liiní ngáá Pɔ́ɔ Átɛ taa walái h̃u. Aáva Pɔ́ɔ i ngoo vilí pílini ngáá tí nde Sáilɔni ngaa Tímoti w̃a ngáá ti vá fála fala tí máále Átɛ.
Pɔ́ɔ i Ngala ngói lení Átɛ
16Na h̃u Pɔ́ɔ í ɣɛ́i áá Sáilɔni ngaa Tímoti w̃aalɛ́lɛ Átɛ taa h̃u, ndiiỹááningɔ i ɣɛi lá ngwala, bɔw̃álale i taí sí h̃uulɔní naa laahéngɔ ngáá kɔɔ kɔɔ́ ŋániitii nungái tɔ́ɔ́ ti hɛ́li tɔ́ɔ́ ti yeɣé ngáá ngalángaa. 17Faalɔ, i liiní Júsuai ti Yála fɛli máákpɔ wotái wu áá fái sítii ngakúla kulá mba ngáá Júsuai taá Gilísiaitii Ngala ndúwambai í ɣɛ́i ti h̃u. Aáva ngele fíli ɔ́ɔ́ wo ɔ́ɔ́ lí ngití wálai ya áá yɛ́pɛ nungái sítii ngelé tɔ́ɔ́ ɣɛ́ na. 18Kalambo kɛ́ɛ́ɣɛai tɛingáá sítii taa ɣɛ́ ti w̃a Ɛpikíliyangai taa sítii taa ɣɛ́ ti w̃a Sutɔ́wɔngai ti ɣɛ́i taa Pɔ́ɔ w̃aaɣaalí. Ti lɛ́ingaa tí mɔɔni mbóni, ti ɣɛ́ ta, “Ndeé gíte lɔ faa yátɔ tala w̃ɔí sí áá ɣɛ́ í nde?”
Pekaitii pa tí ndení ti ɣɛ́ ta, “Yáá ɣɛ nɔ́ɔ laá lɔɔ yɛ́pɛ kɔwɔ́ato koha yalángaa wa.” Ti sí léni bɔw̃álale Pɔ́ɔ i ɣɛi áá Ngala ngói le kɔwɔ́ato Jísu taá mbuyoɣe saa h̃úi wa. 19Kɛ ti Pɔ́ɔ yeɣénga, tí vaa lá maakpɔ́i sí h̃ú tɔ́ɔ́ tolí ngáá Aliyapágɔ W̃aakpɔí. Naa lɔ tí ndéni ma na, ti ɣɛ́ ma, “Ni longɔ́ɔ́ le ni ɣɛ kalambo níínai sí wɔlɔ́ yíwaa mbo, 20bɔw̃álale sí níwaa mɛni yíwaa ndé aá lɔ́ ngáá ni gɔ́ɔ́la mba h̃ú haá. Aáva ni longɔ́ɔ́ lé ni ɣɛ́ mbuítii kɔlɔ́.” 21Átɛ yélaitii kpɛ́lɛɛ kpahangɔ́ náa koha yeláitii mba tí na díídɔɔ, taá ɣɛ́i beɣéni peka fíli má, kɛ́ ti yɛ́pɛ, ná vólu, ti wolílo faa níína fíli ma í hítɛ nga.
22Pɔ́ɔ i wuyoɣéni, í ló maakpɔ́i ná h̃u, i ɣɛ ti w̃a, “Wɛ́i wú ngáá Átɛ yélaitii, ngí tɔ́nga pele kpɛ́lɛɛ su ngáá kɛ wú hɛ́mbɛ héingɔɔ le ngwala ngalangáitii fɛlindái h̃u, 23sífaa kɛ kíya ngí ɣɛ́ngɔ ngáá lɔ́ve tɔvé kpóloo ngí wú wɔ́lingaitii tɔngɔ́ wáa ti wɔ. Ngí saáɣa gulamáá ỹánda batɛngɔ́ ta lɔngɔ́ múl̃ɔ kɔlɔ vɔ́nɛngɔ ma. Sí pɔnɛngɔ́ ma aá wáá ngáá sí, ‘Ngalángi sí yéle nuu áá kɔ́lɔ,’ aáva wáa fɛlí aá lɔ ngáá yɛpɛ kɔwɔ́ato mba wú yéle. 24Ngalángi sí í ngetéyangi sí bátɛngɔ kpahangɔ́ suu wɔ́lingaa kpɛ́lɛɛ mbá laá lɔ í ngáá Ndemɔí ngeleya fááw̃a taá ndɔwɔlɔ́i sí. Aáva ɛi ɣɛ pɛlɛ́i sí wú nuu búsa áá to. 25Laáva ŋani fíli ngi wála ngaa mba, kɛlaa tokolangɔ́ ɔ́ɔ́ ɣɛ́ la sí w̃a nuu búsa áá kɛ mbɛ, bɔw̃álale laá bútei lɔ áá ŋani kpɛ́lɛɛ fé kpahangɔ́ ndɛɛh̃úi wa í nuu búsa h̃u. 26Maifɔ́lɔ núú búsai Ngalá ngí kpatɛní, laá lɔ nuí kpɛ́lɛɛ ti gúlangɔ su ngáá kɛinɔɔ́ ti ɣɛ́ bih̃í tí kulaɣɛ ngeleí sí kpɛ́lɛɛ mbú. Ɔ́ɔ́ ɣɛ́ p̃ɛ́ɛ́ í ti bátɛ, i táingi levéni mba ti haáw̃a kpahangɔ́ ti héiw̃aitii mba taa ɣɛ́ na. 27Ngalá ngí sí ɣɛní kɛinɔɔ́ ngi lííhɛlɛngi ɣɛ́ nuu búsa w̃a tí pele wɔlí ngáá tí tɔ, kíya bɛ́lɛ maa áá góóh̃a mu yilá ngíla fíli mbá. 28Kɛ kíya nɔ́ɔ nuu tá í ndéngɔ, i ɣɛ ta,
‘Ngalá tɔ í kɛ́nga mú ndɛɛh̃ú h̃u, máá lɔ́ve, ná vólu, mú na.’
Kɛ kíya nɔ́ɔ wú wúle batɛ mbélaa lɛingáá tí ndéngɔ, ti ɣɛ́ ta,
‘Muỹá lɔ ngáá ngi léngaa.’
29Faalɔ, ná mu ngáá ngi léngaa, málaa gisíya ngáá kɛ laá Ngalá kpatɛ kílii lɔ ngáá kɛ kíya góóli í na ɔɔ kɛ kíya kaní kóle ngí na ɔɔ kɛ kíya kɔtu ɣɛ kíli í na, nuu búsa áá kpátɛ ngáá ngi géle ɣele pele í maa vɔ́nɛ pɔnɛ́. 30Ngalá ngí volú yáfeni faa yatɔ tála haítii mba ti ɣɛ́i taá kɛ. Kɛ́ sí h̃úi, i ndengá nuí kpɛ́lɛɛ má tí ỹandáitii kpɛ́lɛɛ ngáá tí volú yafé faa ỹɔ́itii mba, 31sífaa i táiŋ tevénga mba ngáá folói áá vá nuí kpɛ́lɛɛ kɔ́sɔma ngáá tɔɔỹaá vélei ngi lókolo mba w̃ɔ́i w̃aa véle w̃a. I faí sí yakɛ́a kpál̃au ngáá mbuyoɣéi í mbóni lá sái h̃u.”
32Ná tí faa ỹɛ́nini kɔwɔ́ato mbuyoɣe saa h̃úi wa, ti lɛ́ingaa ti ɣɛ́i taá ngɛ́lɛ gúla su. Kɛ́ ti lɛ́ingaa tí ndéni ma, ti ɣɛ́ ma, “Ni longɔ́ɔ́ le múl̃ɔ ní faa ỹɛ́ni kɔwɔ́ato faí sí wa.” 33Ná hááw̃a, Pɔ́ɔ i gulaní maakpɔ́i ná h̃uu wa, í lí. 34Nungáá lɛingáá ti ɣɛ́i náa ngáá Pɔ́ɔ hítɛ polú yélaa, tí la ngáá Jísu. Nungái nátii sú, ngiláángi ɣɛ́i ngáá Dayanásiyɔ lɛ́i í ɣɛ́i ngáá Aliyapágɔ guuwuí h̃u w̃ɔ́i ta Aliyapágɔ W̃aakpɔí ná h̃u ɛ́ɣɛ nyah̃ápo yiláá taa ɣɛ́ ma Damále kpahangɔ́ náa ti lɛ́ingaa wa.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bandi New Testament © Bible Society in Liberia, 2000