Luku 4
4
Isi Nke Ẹnọ
Kẹ Ekwensụ Dọn Nwan Jesu
(Mat 4.1-11; Mak 1.12-13)
1Ya Jesu hụn Mmọn-nsọ jun imẹ ẹ nọ gha Iyi Jọdanị lụa; Mmọn-nsọ nọ duhunmẹmẹ ẹ imẹ atụ, 2Ekwensụ nọ nọ ebẹhụ nwan a ọrọgbọ akpọhịn ọgụnnaị. Onwọnni ihiẹn o ri ọrọgbọ hụ ile. Akpọhịn ọgụnnaị ahụn e zugụ, ẹgụn nọ gụnma a. 3Ekwensụ nọ sị a, “Omẹni ị wụ Nwa Osolobuẹ, sị ọmụmanị họnrin ogbe brẹdi.” 4Jesu nọ sị a, “E degụọ w'a imẹ Ẹkụkwọ-nsọ nị, ‘Ịhịan ara gi ihiẹn-oriri sụọ a rị ndụn.#4.4 Lele Dit 8.3.’ ”
5Ya kẹ Ekwensụ nọ w'ẹ shi ebe jẹn elu, gi njube-ẹnya ohu ghọsịchanrịn a alị-eze ile rị elu-ụwa, 6sị a, “M jẹnkọ d'e ye i ihiẹnni ile kịma, y'e nwọnrin ọghọ ile rịn'a, makẹni e bugụọ wẹ uwẹ ile che m ẹka, onyẹ sụọnị m kẹ m'e y'ẹ. 7Ị kụnị m nwan isi alị, ihiẹn ndịnị ile e họnrin nke i.” 8Jesu nọ sị a, “Ẹkụkwọ-nsọ sị, ‘Di-nwọnni-ẹnyi wụ Chuku i k'i k'a kụnị isi-alị; ịya sụọ k'i k'e fe!’ ”
9Ya kẹ Ekwensụ nọ weri Jesu shi Jerusalẹm, bu ẹ che mkpọnụnụ Ụlọ-nsọ, sị a, “Omẹni ị wụ Nwa Osolobuẹ, gha ebeni wụtu. 10Makẹni, e degụọ w'a imẹ Ẹkụkwọ-nsọ, sị, ‘O sikọ d'a sị ndị mmọn-ozi ẹ chemẹ i; 11wẹ jẹnkọ d'a parị ị, amamgbe y'a kpọ ụkụ ọmụma.’ ”
12Kanị, Jesu nọ sị a, “Ẹkụkwọ-nsọ sị, ‘Elelekwọlẹ Di-nwọnni-ẹnyi wụ Chuku i.’ ”
13Ekwensụ a nwanchanrịngụ Jesu, ya ọ nọ la a tọ e che oghere ọzọ.
Jizọsị E Bidọn Ọrụn A Imẹ Galili
(Mat 4.12-17; Mak 1.14-15)
14Ya kẹ Jizọsị nọ kinhẹn Galili, ya lẹ ikẹn Mmọn-nsọ. Ẹfan a nọ kpọgbarị obodo ile rị ẹgbẹrẹ hụ. 15Ọ nọ kuzimẹ imẹ ụlọ-ofufe rịsọnmẹ ebahụn, ịhịan ile hụ a ja a mma.
A Jụ Wẹ Jizọsị Imẹ Alị A
(Mat 13.53-58; Mak 6.1-6)
16Ya Jesu nọ shi Nazarẹtị, ebe ọ nọ sue; o ru Ụhụọhịn Ezumikẹn, ọ nọ jẹn ụlọ-ofufe k'o dọn e jẹn. Ogẹn wẹ gi a gụn Ẹkụkwọ-nsọ e ru, ọ nọ lihi n'ọ gụn, 17wẹ nọ y'ẹ ẹkụkwọ Azaya onyẹ-amụma. Ọ shịapụ#4.17 Ọ fịfịpụ a makẹni ẹkụkwọ w'a fịfịma rọ. a, ọ nọ chọrị ebẹhụ wẹ deye nị
18“Mmọn Di-nwọnni-ẹnyi rị imẹ m,
makẹni o tumẹ m d'e zi ndị igbẹnnyẹ oziọma.
O zi m
d'a sị ndị rị imẹ ẹgbụn nwọnrin enwẹn wẹ,
d'a sị ndị ẹnya-ishi hụnma ụzọ,
d'a gbapụha ndị wẹ rị a bịangbu;
19d'a ma ọkwa nị ahụa hụ e ruọlẹ
hụn Di-nwọnni-ẹnyi e gi mẹni ndị nke ẹ ọhụnma.”
20Jesu nọ kpumẹzi#4.20 Fịfịmazị. ẹkụkwọ hụ, we ẹ ye onyẹ k'e butọn'a; ya ọ nọ nọdị alị. Ịhịan ile rị imẹ ụlọ-ofufe e bu ẹnya tụma a, 21ọ nọ gwama wẹ oku, sị, “Ebeni wẹ gụn imẹ Ẹkụkwọ-nsọ e mẹzugụọ tannị kẹ ụnụ rị a nụ a.”
22Wẹ ile hụ e ku oku ẹ ọhụnma, oku-ọnụ a hụ a tụ wẹ ẹnya. Wẹ nọ sị, “Onyẹni ẹlẹ nwa Josẹfụ?” 23Ọ nọ sị wẹ, “A marịngụọ m nị ụnụ sikọ d'a tụnị m iluni: ‘Dibiẹ, zụọ enwẹn i!’ Nọ nwan obodo i ebeni mẹ ihiẹn ẹnyi nụ nị i mẹ imẹ Kapanọm.”
24M rị a gwa ụnụ ezioku, w'a ra nabanhan onyẹ-amụma imẹ alị a. 25Kanị, nị m gwa ụnụ ezioku rịn'a: ikpoho di wẹ nwụn e bughọ ọda alị Izrẹlụ ogẹn Ẹlaịja, ogẹn ahụn mirin gilẹni zue ọrọgbọ ahụa ẹtọ lẹ ifọn isin hụn okẹn ụnwụn gi mụgbarị alị ile; 26kanị, imẹ wẹ, onwọnni hụn Osolobuẹ zi Ẹlaịja d'e kunrun, kama, o zi ẹ alị ọzọ, Zarẹfatị hụn rị alị Sidọnụ, d'e kunrun okpoho di ẹ nwụnhụngụ rị ebẹhụ.
27“Ndị oti rị alị Izrẹlụ ogẹn Ẹlaịsha onyẹ-amụma e buzighọ ọda; kanị onwọnni hụn ọ zụọ wezụka Nemanị onyẹ alị Siria, onyẹ alị ọzọ.”
28Ogẹn Jesu gi ku ihiẹnni, olulu nọ bumẹ ndị ahụn rị imẹ ụlọ-ofufe hụ. 29A fụlihi wẹ, nupụ Jesu imẹ obodo hụ, w'ẹ shi mkpẹnrẹn obodo wẹ ahụn rị elu ugu, kẹni wẹ gha elu ebahụn kwantu ẹ, 30kanị Jesu nọ ghafe etintinnaị igunrun ahụn, jẹnmẹ ebe o jẹnkọ.
Jizọsị A Zụọ Okẹnnyẹ Eje-mmọn Rị Imẹ Ẹ
(Mak 1.21-28)
31Ya Jesu nọ shi Kapanọm hụn rị Galili. O ru Ụhụọhịn Ezumikẹn, ọ nọ kuzimẹ wẹ; 32nkuzi ẹ nọ tụ wẹ ẹnya, makẹni o ku kẹ onyẹ oku rị ẹka. 33Okẹnnyẹ ohu eje-mmọn rị imẹ ẹ rị ụlọ-ofufe hụ. Ọ nọ yi, 34“Heuu! K'i gi ẹnyi e mẹ, Jesu onyẹ Nazarẹtị! Ị bịa d'e tikpọ ẹnyi? A marịnghọ m'ị: ịyụ wụ Onyẹ-nsọ Osolobuẹ!”
35Kanị Jesu nọ jụgbọ eje-mmọn hụ, sị a, “Gba nkịtịn! Gha imẹ ẹ pụ!” Eje-mmọn hụ nọ bu okẹnnyẹ hụ gbe alị idẹnya wẹ ile, gha imẹ ẹ pụ, kanị ọ rụn'a ẹhụ.
36Ọ tụ ndị hụ ile ẹnya, wẹ hụ a sị ibe wẹ, “Kị wụ ọnwan? O hụ e gi ikẹn ẹ a gwa eje-mmọn oku nọkẹ onyẹ oku rị ẹka, wẹ hụ a pụha.” 37Ya kẹ oku Jesu nọ kpọgbarị ẹgbẹrẹ hụ ile.
Jizọsị A Zụọ Ọgọ Pita Lẹ Ndị Ọzọ Bu Ọda
(Mat 8.14-17; Mak 1.29-34)
38Jizọsị nọ gha imẹ ụlọ-ofufe hụ pụ, shi iwe Saịmọnụ. Okẹn ẹhụ-ọkụn rị nnẹ nwunyẹ Saịmọnụ ẹhụ; wẹ nọ gwa Jizọsị oku ẹ. 39Jizọsị nọ jẹn d'e wuzo ebẹhụ o dinẹ, jụgbọ ẹhụ-ọkụn hụ, ẹhụ-ọkụn hụ nọ hapụ a. Ọ nọ lihi ọtọ ozigbo, lemẹ wẹ ọbịa.
40Ogẹn anwụn gi rọma, ndị ile nwọn ndị emu ichẹn-ichẹn rị a kụ nọ wẹhẹ wẹ bịanị Jizọsị, ọ nọ bu ẹka kwasị onyẹ-onyẹ, zụọchanrịn wẹ ile. 41Eje-mmọn hụzị a gha imẹ ndị bu ọda a pụ, e yi, “Ịyụ wụ Nwa Osolobuẹ!” Kanị, Jizọsị hụ a jụgbọ eje-mmọn ndị hụ — ọ nịnị wẹ ku oku, makẹni a marịngụọ wẹ nị ya wụ Kraịstị.
Jesu E Zisọnmẹ Oziọma
(Mak 1.35-39)
42Eki e fọn, Jesu nọ pụ, shi ebe ịhịan bilẹni, kanị igunrun ahụn hụ a chọ a. Ogẹn wẹ gi hụn a, wẹ nọ chọ nị wẹ gbọndọn ẹ makẹ ọ gha a la wẹ a tọ. 43Kanị ọ nọ sị wẹ, “M k'e zirịrị oziọma Alị-eze Osolobuẹ imẹ obodo ndị ọzọ, makẹni ya kẹ Osolobuẹ zi m.” 44Ẹrịra k'o dọn jẹnsọnmẹ, e ku oku-Chuku imẹ ụlọ-ofufe rịsọnmẹ Judia.#4.44 Alị ndị Ju.
ప్రస్తుతం ఎంపిక చేయబడింది:
Luku 4: ikkBI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Luku 4
4
Isi Nke Ẹnọ
Kẹ Ekwensụ Dọn Nwan Jesu
(Mat 4.1-11; Mak 1.12-13)
1Ya Jesu hụn Mmọn-nsọ jun imẹ ẹ nọ gha Iyi Jọdanị lụa; Mmọn-nsọ nọ duhunmẹmẹ ẹ imẹ atụ, 2Ekwensụ nọ nọ ebẹhụ nwan a ọrọgbọ akpọhịn ọgụnnaị. Onwọnni ihiẹn o ri ọrọgbọ hụ ile. Akpọhịn ọgụnnaị ahụn e zugụ, ẹgụn nọ gụnma a. 3Ekwensụ nọ sị a, “Omẹni ị wụ Nwa Osolobuẹ, sị ọmụmanị họnrin ogbe brẹdi.” 4Jesu nọ sị a, “E degụọ w'a imẹ Ẹkụkwọ-nsọ nị, ‘Ịhịan ara gi ihiẹn-oriri sụọ a rị ndụn.#4.4 Lele Dit 8.3.’ ”
5Ya kẹ Ekwensụ nọ w'ẹ shi ebe jẹn elu, gi njube-ẹnya ohu ghọsịchanrịn a alị-eze ile rị elu-ụwa, 6sị a, “M jẹnkọ d'e ye i ihiẹnni ile kịma, y'e nwọnrin ọghọ ile rịn'a, makẹni e bugụọ wẹ uwẹ ile che m ẹka, onyẹ sụọnị m kẹ m'e y'ẹ. 7Ị kụnị m nwan isi alị, ihiẹn ndịnị ile e họnrin nke i.” 8Jesu nọ sị a, “Ẹkụkwọ-nsọ sị, ‘Di-nwọnni-ẹnyi wụ Chuku i k'i k'a kụnị isi-alị; ịya sụọ k'i k'e fe!’ ”
9Ya kẹ Ekwensụ nọ weri Jesu shi Jerusalẹm, bu ẹ che mkpọnụnụ Ụlọ-nsọ, sị a, “Omẹni ị wụ Nwa Osolobuẹ, gha ebeni wụtu. 10Makẹni, e degụọ w'a imẹ Ẹkụkwọ-nsọ, sị, ‘O sikọ d'a sị ndị mmọn-ozi ẹ chemẹ i; 11wẹ jẹnkọ d'a parị ị, amamgbe y'a kpọ ụkụ ọmụma.’ ”
12Kanị, Jesu nọ sị a, “Ẹkụkwọ-nsọ sị, ‘Elelekwọlẹ Di-nwọnni-ẹnyi wụ Chuku i.’ ”
13Ekwensụ a nwanchanrịngụ Jesu, ya ọ nọ la a tọ e che oghere ọzọ.
Jizọsị E Bidọn Ọrụn A Imẹ Galili
(Mat 4.12-17; Mak 1.14-15)
14Ya kẹ Jizọsị nọ kinhẹn Galili, ya lẹ ikẹn Mmọn-nsọ. Ẹfan a nọ kpọgbarị obodo ile rị ẹgbẹrẹ hụ. 15Ọ nọ kuzimẹ imẹ ụlọ-ofufe rịsọnmẹ ebahụn, ịhịan ile hụ a ja a mma.
A Jụ Wẹ Jizọsị Imẹ Alị A
(Mat 13.53-58; Mak 6.1-6)
16Ya Jesu nọ shi Nazarẹtị, ebe ọ nọ sue; o ru Ụhụọhịn Ezumikẹn, ọ nọ jẹn ụlọ-ofufe k'o dọn e jẹn. Ogẹn wẹ gi a gụn Ẹkụkwọ-nsọ e ru, ọ nọ lihi n'ọ gụn, 17wẹ nọ y'ẹ ẹkụkwọ Azaya onyẹ-amụma. Ọ shịapụ#4.17 Ọ fịfịpụ a makẹni ẹkụkwọ w'a fịfịma rọ. a, ọ nọ chọrị ebẹhụ wẹ deye nị
18“Mmọn Di-nwọnni-ẹnyi rị imẹ m,
makẹni o tumẹ m d'e zi ndị igbẹnnyẹ oziọma.
O zi m
d'a sị ndị rị imẹ ẹgbụn nwọnrin enwẹn wẹ,
d'a sị ndị ẹnya-ishi hụnma ụzọ,
d'a gbapụha ndị wẹ rị a bịangbu;
19d'a ma ọkwa nị ahụa hụ e ruọlẹ
hụn Di-nwọnni-ẹnyi e gi mẹni ndị nke ẹ ọhụnma.”
20Jesu nọ kpumẹzi#4.20 Fịfịmazị. ẹkụkwọ hụ, we ẹ ye onyẹ k'e butọn'a; ya ọ nọ nọdị alị. Ịhịan ile rị imẹ ụlọ-ofufe e bu ẹnya tụma a, 21ọ nọ gwama wẹ oku, sị, “Ebeni wẹ gụn imẹ Ẹkụkwọ-nsọ e mẹzugụọ tannị kẹ ụnụ rị a nụ a.”
22Wẹ ile hụ e ku oku ẹ ọhụnma, oku-ọnụ a hụ a tụ wẹ ẹnya. Wẹ nọ sị, “Onyẹni ẹlẹ nwa Josẹfụ?” 23Ọ nọ sị wẹ, “A marịngụọ m nị ụnụ sikọ d'a tụnị m iluni: ‘Dibiẹ, zụọ enwẹn i!’ Nọ nwan obodo i ebeni mẹ ihiẹn ẹnyi nụ nị i mẹ imẹ Kapanọm.”
24M rị a gwa ụnụ ezioku, w'a ra nabanhan onyẹ-amụma imẹ alị a. 25Kanị, nị m gwa ụnụ ezioku rịn'a: ikpoho di wẹ nwụn e bughọ ọda alị Izrẹlụ ogẹn Ẹlaịja, ogẹn ahụn mirin gilẹni zue ọrọgbọ ahụa ẹtọ lẹ ifọn isin hụn okẹn ụnwụn gi mụgbarị alị ile; 26kanị, imẹ wẹ, onwọnni hụn Osolobuẹ zi Ẹlaịja d'e kunrun, kama, o zi ẹ alị ọzọ, Zarẹfatị hụn rị alị Sidọnụ, d'e kunrun okpoho di ẹ nwụnhụngụ rị ebẹhụ.
27“Ndị oti rị alị Izrẹlụ ogẹn Ẹlaịsha onyẹ-amụma e buzighọ ọda; kanị onwọnni hụn ọ zụọ wezụka Nemanị onyẹ alị Siria, onyẹ alị ọzọ.”
28Ogẹn Jesu gi ku ihiẹnni, olulu nọ bumẹ ndị ahụn rị imẹ ụlọ-ofufe hụ. 29A fụlihi wẹ, nupụ Jesu imẹ obodo hụ, w'ẹ shi mkpẹnrẹn obodo wẹ ahụn rị elu ugu, kẹni wẹ gha elu ebahụn kwantu ẹ, 30kanị Jesu nọ ghafe etintinnaị igunrun ahụn, jẹnmẹ ebe o jẹnkọ.
Jizọsị A Zụọ Okẹnnyẹ Eje-mmọn Rị Imẹ Ẹ
(Mak 1.21-28)
31Ya Jesu nọ shi Kapanọm hụn rị Galili. O ru Ụhụọhịn Ezumikẹn, ọ nọ kuzimẹ wẹ; 32nkuzi ẹ nọ tụ wẹ ẹnya, makẹni o ku kẹ onyẹ oku rị ẹka. 33Okẹnnyẹ ohu eje-mmọn rị imẹ ẹ rị ụlọ-ofufe hụ. Ọ nọ yi, 34“Heuu! K'i gi ẹnyi e mẹ, Jesu onyẹ Nazarẹtị! Ị bịa d'e tikpọ ẹnyi? A marịnghọ m'ị: ịyụ wụ Onyẹ-nsọ Osolobuẹ!”
35Kanị Jesu nọ jụgbọ eje-mmọn hụ, sị a, “Gba nkịtịn! Gha imẹ ẹ pụ!” Eje-mmọn hụ nọ bu okẹnnyẹ hụ gbe alị idẹnya wẹ ile, gha imẹ ẹ pụ, kanị ọ rụn'a ẹhụ.
36Ọ tụ ndị hụ ile ẹnya, wẹ hụ a sị ibe wẹ, “Kị wụ ọnwan? O hụ e gi ikẹn ẹ a gwa eje-mmọn oku nọkẹ onyẹ oku rị ẹka, wẹ hụ a pụha.” 37Ya kẹ oku Jesu nọ kpọgbarị ẹgbẹrẹ hụ ile.
Jizọsị A Zụọ Ọgọ Pita Lẹ Ndị Ọzọ Bu Ọda
(Mat 8.14-17; Mak 1.29-34)
38Jizọsị nọ gha imẹ ụlọ-ofufe hụ pụ, shi iwe Saịmọnụ. Okẹn ẹhụ-ọkụn rị nnẹ nwunyẹ Saịmọnụ ẹhụ; wẹ nọ gwa Jizọsị oku ẹ. 39Jizọsị nọ jẹn d'e wuzo ebẹhụ o dinẹ, jụgbọ ẹhụ-ọkụn hụ, ẹhụ-ọkụn hụ nọ hapụ a. Ọ nọ lihi ọtọ ozigbo, lemẹ wẹ ọbịa.
40Ogẹn anwụn gi rọma, ndị ile nwọn ndị emu ichẹn-ichẹn rị a kụ nọ wẹhẹ wẹ bịanị Jizọsị, ọ nọ bu ẹka kwasị onyẹ-onyẹ, zụọchanrịn wẹ ile. 41Eje-mmọn hụzị a gha imẹ ndị bu ọda a pụ, e yi, “Ịyụ wụ Nwa Osolobuẹ!” Kanị, Jizọsị hụ a jụgbọ eje-mmọn ndị hụ — ọ nịnị wẹ ku oku, makẹni a marịngụọ wẹ nị ya wụ Kraịstị.
Jesu E Zisọnmẹ Oziọma
(Mak 1.35-39)
42Eki e fọn, Jesu nọ pụ, shi ebe ịhịan bilẹni, kanị igunrun ahụn hụ a chọ a. Ogẹn wẹ gi hụn a, wẹ nọ chọ nị wẹ gbọndọn ẹ makẹ ọ gha a la wẹ a tọ. 43Kanị ọ nọ sị wẹ, “M k'e zirịrị oziọma Alị-eze Osolobuẹ imẹ obodo ndị ọzọ, makẹni ya kẹ Osolobuẹ zi m.” 44Ẹrịra k'o dọn jẹnsọnmẹ, e ku oku-Chuku imẹ ụlọ-ofufe rịsọnmẹ Judia.#4.44 Alị ndị Ju.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.