Makị 11
11
Isi Nke Mmanaị
Jizọsị A Banhan Jerusalẹm Nọkẹ Eze
(Mat 21.1-11; Luk 19.28-40; Jọn 12.12-19)
1E rumẹ wẹ Jerusalẹm, pụha ẹhụ Bẹtifeji lẹ Bẹtani, ukun Ugu Olivu, Jesu nọ zi ndị nsọnmazụụn a ẹbụọ ozi, 2sị wẹ, “Jẹn ni imẹ obodo ntanị rị ụnụ ihun: hụn ụnụ gihụ banye, ụnụ jẹnkọ d'a hụn nwa-jaki wẹ nyintulẹni wẹ limẹtọ; tọpụn'a, ụnụ e wẹhẹni m'ẹ. 3Onyẹ sị ụnụ, ‘Kị ụnụ rị e mẹni ihiẹnni?’ Sị n'a hụ, ‘Onyẹ-nwọnni-ẹnyi chọ a, o jẹnkọ d'e wekinhẹn ẹ kikẹnni.’ ”
4Wẹ nọ jẹnmẹ, e ru wẹ ọgbara-ogbe wẹ ru, wẹ nọ hụn nwa-jaki wẹ limẹtọ ihun-ezi ẹhụ ọnụmụzọ. Ogẹn wẹ gi rị a tọpụ a, 5ụfọdụ ndị wuzo ebẹhụ nọ sị wẹ, “Kị ụnụ rị a tọpụnị nwa-jaki hụ?”
6Wẹ nọhụ ku ihiẹn Jesu sị wẹ ku; wẹ nọ nị wẹ weri ẹ. 7E wẹhẹni wẹ Jesu nwa-jaki hụ, ya wẹ nọ gbama ẹwuru wẹ ye elu ẹ, Jesu nọ nọdị alị elu ẹ. 8Ndị bu ọda nọ gbama ẹwuru w'e yiye elu ẹ ye ụzọ, ndị ọzọ nọ gha ọfịa tigirisọnmẹ agalaba osisi, gbama wẹ ye ụzọ. 9Ndị rị ihun lẹ ndị rị e sọnn'ẹ hụ e yi,
“Hozana!
Ngọzi ya rịnị
Onyẹ hụn gi ẹfan Di-nwọnni-ẹnyi lala!
10Chuku ya gọzi Alị-eze hụ lalanị —
Alị-eze nẹdi ẹnyi Defidi.
Ọjịja-mma ya rịnị Osolobuẹ
ebahụn kachanrịn elu e jẹn!”
11Ya Jizọsị nọ banye Jerusalẹm, shi Ụlọ-nsọ. O lehunmẹchanrịngụ ihiẹn ile, ọ nọ pụ makẹni ọhịhị a gbagụọ, ya lẹ ndị nsọnmazụụn a mmẹbụọ nọ shi Bẹtani.
Kẹ Jesu Dọn Bụ Osisi Figi Ohu Ọnụ
(Mat 21.18-22)
12Eki e fọn, ebe wẹ gha Bẹtani lala Jerusalẹm, ẹgụn hụ a gụn Jesu. 13O lecheni figi ẹhụhụọ jun elu ẹ, ọ nọ jẹn d'e lele kẹ mkpụrụ hụ a. Kanị, o ru ẹ, ọ nọ hụn a nị ẹhụhụọ sụọ rị elu ẹ, makẹni ogẹn figi eke ru. 14Ọ nọ sị figi hụ, “Onwọnzini onyẹ k'a hụn mkpụrụ ị ri!”
Ndị nsọnmazụụn a a nụghọ kẹ o ku ẹ.
Ihiẹn Jizọsị Mẹ Ndị Rị A Zụ Afịa Imẹ Ụlọ-nsọ
(Mat 21.12-17; Luk 19.45-48; Jọn 2.13-22)
15Ogẹn wẹ gi ru Jerusalẹm, Jesu nọ shi imẹ Ụlọ-nsọ, chụpụma ndị rị a zụ afịa ebẹhụ — kẹ ndị rị e reni kẹ ndị rị e ṅọnni. Ọ nọ hukpumẹ teburu ndị a gbahutọ egho lẹ oche ndị rị e re oluikuku. 16Onwọnni onyẹ ọ nị bugha ihiẹn ọwụlẹ imẹ Ụlọ-nsọ. 17Ọ hụ a kuzi ndị rị ebẹhụ, a sị, “E deni w'ẹ imẹ Ẹkụkwọ-nsọ nị, ‘Wẹ sikọ d'a kpọ Ụlọ m ụlọ alị ile nọ e mẹ ekpere?’ Kanị ụnụ e gigụọ a họnrin ebe ndị ohin a warị!” 18Ogẹn ndị-isi nchụn-ẹjan lẹ ndị-nkuzi Iwu gi nụ ihiẹnni, wẹ nọ chọma kẹ w'a dọn gbu Jesu makẹni egun ẹ rị a tụ wẹ ebe o mẹni nkuzi ẹ e werigụọ igunrun hụ ile. 19O ru ẹnyasị hụ, Jizọsị lẹ ndị nsọnmazụụn a nọ gha imẹ Jerusalẹm pụ.
Jesu E Gi Osisi Ọ Bụ Ọnụ Kuzi Okukwe
(Mat 21.20-22)
20Ụzụtụntụn, ebe wẹ ghakọ ụzọ hụ, wẹ nọ hụn a nị figi hụ a kpọgụọ nkụn d'e ru nkpọgụn a. 21Pita a nyanhan, ọ nọ sị Jesu, “Onyẹ-nkuzi, lee-o, osisi#11.21 Figi. hụ i bụ ọnụ a kpọgụọ nkụn!” 22Jesu nọ sị wẹ, “Kweri ni nị Osolobuẹ k'a saẹka mẹ ihiẹn ile. 23Ezioku kẹ m rị a gwa ụnụ, onyẹ sị uguni, ‘Wẹ buli i elu tụye ohimin’ nị hụnyẹ enwọnni obi ẹbụọ, kama o kweri nị ihiẹn o ku jẹnkọ d'e mẹ, o jẹnkọ d'a rịn'a ẹrịra. 24Ya haịn m gi sị ụnụ nị ụnụ mẹ ekpere rịọ ihiẹn ọwụlẹ, kweri ni nị ụnụ e nwọnhẹngụọ a, ụnụ k'e nwọnhẹn ẹ. 25Ụnụ gha e mẹ ekpere, gbagharị nị, omẹni o nwọn onyẹ mẹ ụnụ eje-ihiẹn, kẹni Nẹdi ụnụ rị elu-igwee gbagharị ụnụ mmẹfie ụnụ.” 26Kanị, omẹni ụnụ agbagharịnị, Nẹdi ụnụ rị elu-igwee agbagharịkọ ụnụ.
A Jụ Wẹ Jizọsị Kẹ Onyẹ Zi Ẹ
(Mat 21.23-27; Luk 20.1-8)
27A banhanzị wẹ Jerusalẹm.
Ebe Jesu jẹnkọ ijẹn imẹ Ụlọ-nsọ, ndị-isi nchụn-ẹjan lẹ ndị-nkuzi Iwu lẹ ndị-isi ndị Ju nọ bịa d'e kunrun ẹ. 28Wẹ nọ sị a, “Onyẹ sị ị mẹ ihiẹn ndịnị ị rị e mẹ? Onyẹ zi i?”
29Jesu nọ sị wẹ, “M jẹnkọ d'a jụ ụnụ akpụ ụtaa ohu; ụnụ za m'a, a gwa m ụnụ onyẹ sị m mẹ ihiẹn ndịnị: 30Onyẹ sị Jọnụ mẹ Mirin-Chuku o mẹ? Chuku rị elu-igwee zi ẹ, ra ịhịan? Za nị m'a?”
31Wẹ wẹ nọ tụgbama iroro, sị, “Kị ẹnyi k'e ku nwan? Ẹnyi sị, ‘Elu-igwee k'ọ gha bịa,’ ọ k'a sị, ‘Kị haịn ụnụ gilẹni nwan gi oku ẹ dọn?’ 32Kanị ẹnyi asịkọkwọ, ‘Ọ gha ẹka ịhịan bịa.’ ”
(Egun rị a tụ wẹ makẹni ịhịan ile marịn nị Jọnụ wụ onyẹ-amụma nke-esi.)
33Ya wẹ nọ za Jesu, sị, “Ẹnyi amarịn.” Jesu nọ sị wẹ, “Mmẹ nwẹn agwakọ ụnụ onyẹ sị m mẹ ihiẹn ndịnị.”
ప్రస్తుతం ఎంపిక చేయబడింది:
Makị 11: ikkBI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Makị 11
11
Isi Nke Mmanaị
Jizọsị A Banhan Jerusalẹm Nọkẹ Eze
(Mat 21.1-11; Luk 19.28-40; Jọn 12.12-19)
1E rumẹ wẹ Jerusalẹm, pụha ẹhụ Bẹtifeji lẹ Bẹtani, ukun Ugu Olivu, Jesu nọ zi ndị nsọnmazụụn a ẹbụọ ozi, 2sị wẹ, “Jẹn ni imẹ obodo ntanị rị ụnụ ihun: hụn ụnụ gihụ banye, ụnụ jẹnkọ d'a hụn nwa-jaki wẹ nyintulẹni wẹ limẹtọ; tọpụn'a, ụnụ e wẹhẹni m'ẹ. 3Onyẹ sị ụnụ, ‘Kị ụnụ rị e mẹni ihiẹnni?’ Sị n'a hụ, ‘Onyẹ-nwọnni-ẹnyi chọ a, o jẹnkọ d'e wekinhẹn ẹ kikẹnni.’ ”
4Wẹ nọ jẹnmẹ, e ru wẹ ọgbara-ogbe wẹ ru, wẹ nọ hụn nwa-jaki wẹ limẹtọ ihun-ezi ẹhụ ọnụmụzọ. Ogẹn wẹ gi rị a tọpụ a, 5ụfọdụ ndị wuzo ebẹhụ nọ sị wẹ, “Kị ụnụ rị a tọpụnị nwa-jaki hụ?”
6Wẹ nọhụ ku ihiẹn Jesu sị wẹ ku; wẹ nọ nị wẹ weri ẹ. 7E wẹhẹni wẹ Jesu nwa-jaki hụ, ya wẹ nọ gbama ẹwuru wẹ ye elu ẹ, Jesu nọ nọdị alị elu ẹ. 8Ndị bu ọda nọ gbama ẹwuru w'e yiye elu ẹ ye ụzọ, ndị ọzọ nọ gha ọfịa tigirisọnmẹ agalaba osisi, gbama wẹ ye ụzọ. 9Ndị rị ihun lẹ ndị rị e sọnn'ẹ hụ e yi,
“Hozana!
Ngọzi ya rịnị
Onyẹ hụn gi ẹfan Di-nwọnni-ẹnyi lala!
10Chuku ya gọzi Alị-eze hụ lalanị —
Alị-eze nẹdi ẹnyi Defidi.
Ọjịja-mma ya rịnị Osolobuẹ
ebahụn kachanrịn elu e jẹn!”
11Ya Jizọsị nọ banye Jerusalẹm, shi Ụlọ-nsọ. O lehunmẹchanrịngụ ihiẹn ile, ọ nọ pụ makẹni ọhịhị a gbagụọ, ya lẹ ndị nsọnmazụụn a mmẹbụọ nọ shi Bẹtani.
Kẹ Jesu Dọn Bụ Osisi Figi Ohu Ọnụ
(Mat 21.18-22)
12Eki e fọn, ebe wẹ gha Bẹtani lala Jerusalẹm, ẹgụn hụ a gụn Jesu. 13O lecheni figi ẹhụhụọ jun elu ẹ, ọ nọ jẹn d'e lele kẹ mkpụrụ hụ a. Kanị, o ru ẹ, ọ nọ hụn a nị ẹhụhụọ sụọ rị elu ẹ, makẹni ogẹn figi eke ru. 14Ọ nọ sị figi hụ, “Onwọnzini onyẹ k'a hụn mkpụrụ ị ri!”
Ndị nsọnmazụụn a a nụghọ kẹ o ku ẹ.
Ihiẹn Jizọsị Mẹ Ndị Rị A Zụ Afịa Imẹ Ụlọ-nsọ
(Mat 21.12-17; Luk 19.45-48; Jọn 2.13-22)
15Ogẹn wẹ gi ru Jerusalẹm, Jesu nọ shi imẹ Ụlọ-nsọ, chụpụma ndị rị a zụ afịa ebẹhụ — kẹ ndị rị e reni kẹ ndị rị e ṅọnni. Ọ nọ hukpumẹ teburu ndị a gbahutọ egho lẹ oche ndị rị e re oluikuku. 16Onwọnni onyẹ ọ nị bugha ihiẹn ọwụlẹ imẹ Ụlọ-nsọ. 17Ọ hụ a kuzi ndị rị ebẹhụ, a sị, “E deni w'ẹ imẹ Ẹkụkwọ-nsọ nị, ‘Wẹ sikọ d'a kpọ Ụlọ m ụlọ alị ile nọ e mẹ ekpere?’ Kanị ụnụ e gigụọ a họnrin ebe ndị ohin a warị!” 18Ogẹn ndị-isi nchụn-ẹjan lẹ ndị-nkuzi Iwu gi nụ ihiẹnni, wẹ nọ chọma kẹ w'a dọn gbu Jesu makẹni egun ẹ rị a tụ wẹ ebe o mẹni nkuzi ẹ e werigụọ igunrun hụ ile. 19O ru ẹnyasị hụ, Jizọsị lẹ ndị nsọnmazụụn a nọ gha imẹ Jerusalẹm pụ.
Jesu E Gi Osisi Ọ Bụ Ọnụ Kuzi Okukwe
(Mat 21.20-22)
20Ụzụtụntụn, ebe wẹ ghakọ ụzọ hụ, wẹ nọ hụn a nị figi hụ a kpọgụọ nkụn d'e ru nkpọgụn a. 21Pita a nyanhan, ọ nọ sị Jesu, “Onyẹ-nkuzi, lee-o, osisi#11.21 Figi. hụ i bụ ọnụ a kpọgụọ nkụn!” 22Jesu nọ sị wẹ, “Kweri ni nị Osolobuẹ k'a saẹka mẹ ihiẹn ile. 23Ezioku kẹ m rị a gwa ụnụ, onyẹ sị uguni, ‘Wẹ buli i elu tụye ohimin’ nị hụnyẹ enwọnni obi ẹbụọ, kama o kweri nị ihiẹn o ku jẹnkọ d'e mẹ, o jẹnkọ d'a rịn'a ẹrịra. 24Ya haịn m gi sị ụnụ nị ụnụ mẹ ekpere rịọ ihiẹn ọwụlẹ, kweri ni nị ụnụ e nwọnhẹngụọ a, ụnụ k'e nwọnhẹn ẹ. 25Ụnụ gha e mẹ ekpere, gbagharị nị, omẹni o nwọn onyẹ mẹ ụnụ eje-ihiẹn, kẹni Nẹdi ụnụ rị elu-igwee gbagharị ụnụ mmẹfie ụnụ.” 26Kanị, omẹni ụnụ agbagharịnị, Nẹdi ụnụ rị elu-igwee agbagharịkọ ụnụ.
A Jụ Wẹ Jizọsị Kẹ Onyẹ Zi Ẹ
(Mat 21.23-27; Luk 20.1-8)
27A banhanzị wẹ Jerusalẹm.
Ebe Jesu jẹnkọ ijẹn imẹ Ụlọ-nsọ, ndị-isi nchụn-ẹjan lẹ ndị-nkuzi Iwu lẹ ndị-isi ndị Ju nọ bịa d'e kunrun ẹ. 28Wẹ nọ sị a, “Onyẹ sị ị mẹ ihiẹn ndịnị ị rị e mẹ? Onyẹ zi i?”
29Jesu nọ sị wẹ, “M jẹnkọ d'a jụ ụnụ akpụ ụtaa ohu; ụnụ za m'a, a gwa m ụnụ onyẹ sị m mẹ ihiẹn ndịnị: 30Onyẹ sị Jọnụ mẹ Mirin-Chuku o mẹ? Chuku rị elu-igwee zi ẹ, ra ịhịan? Za nị m'a?”
31Wẹ wẹ nọ tụgbama iroro, sị, “Kị ẹnyi k'e ku nwan? Ẹnyi sị, ‘Elu-igwee k'ọ gha bịa,’ ọ k'a sị, ‘Kị haịn ụnụ gilẹni nwan gi oku ẹ dọn?’ 32Kanị ẹnyi asịkọkwọ, ‘Ọ gha ẹka ịhịan bịa.’ ”
(Egun rị a tụ wẹ makẹni ịhịan ile marịn nị Jọnụ wụ onyẹ-amụma nke-esi.)
33Ya wẹ nọ za Jesu, sị, “Ẹnyi amarịn.” Jesu nọ sị wẹ, “Mmẹ nwẹn agwakọ ụnụ onyẹ sị m mẹ ihiẹn ndịnị.”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.