Makị 12
12
Isi Nke Mmẹbụọ
Ndị Wẹ Ye Ugbo Lepụ Ẹnya
(Mat 21.33-46; Luk 20.9-19)
1Ya kẹ Jesu nọ tanị wẹ ilu, sị, “Okẹnnyẹ ohu nwọn alị vaịnị tụnhunmẹ ẹ mgbọn, gutọ olu wẹ nọ a pịnpụha manya-vaịnị, tụn ụlọ nche ye imẹ ẹ. Ọ nọ bu alị vaịnị hụ che ẹka ndị sikọ d'a rụnn'a ya egbu-eke, ya ọ nọ jẹnmẹ alị-ịhịan. 2O ru ogẹn vaịnị, ọ nọ zi odibo ẹ d'e kunrun ndị hụ ugbo hụ rị ẹka d'e wẹhẹ hụn run'ẹ. 3Wẹ nọ kwọndọn odibo hụ o zi, gbu e ili, gbama a ẹka chụpụ. 4Okẹnnyẹ hụ nọ zizi odibo ọzọ, wẹ nọ ti ẹ ihiẹn isi, gbe ifẹnrẹn ye ẹ ihun. 5O zizi odibo ọzọ, wẹ nọ gbu ẹ. Ẹrịra kẹ wẹ mẹsọnmẹ ndị bu ọda o zi; e gbu wẹ ụfọdụ ili, gbu ụfọdụ ozun.
6“O nwọnzighọ onyẹ ohu o k'e zi: ezi nwa a. Omẹgụ, ọ nọ zi nwa a jẹnni wẹ, sị, ‘Wẹ jẹnkọ d'a gbaye nwa m.’ 7Kanị ndị hụ o buche ugbo hụ ẹka nọ sị ibe wẹ, ‘Onyẹni ya k'a kwarị ukuu ẹ. Nị ẹnyi gbu ẹ nwan kwarị ukuu ẹ!’ 8Ya wẹ nọ kwọndọn nwa a hụ, gbu ẹ, gha imẹ ugbo hụ ma a tuhu.
9“Kị onyẹ hụ nwọn ugbo jẹnkọ d'e mẹ? O sikọ d'a bịa d'e gbupụ ndị ahụn, o we alị vaịnị hụ ye ndị ọzọ lepụ ẹnya. 10Ụnụ e ke gụntu ẹ imẹ Ẹkụkwọ-nsọ nị
‘Ọmụma hụ ndị rị a tụn ụlọ jụ
a wụrụgụọ nwan ọmụma gi ụlọ.
11Di-nwọnni-ẹnyi mẹ ihiẹnni,
ọ tụka ẹnyi ẹnya!’ ”
12Ndị-ndu ndị Ju te nọ chọ nị wẹ nwụnrụn a, makẹni a ghọtagụọ wẹ nị uwẹ haịn o gi ta ilu hụ, kanị egun ndị rị ebahụn anịnị wẹ. Wẹ nọ la a tọ, gha ebahụn pụ.
A Jụ Wẹ Jesu Oku Ịkụ Ụgwọ-isi
(Mat 22.15-22; Luk 20.27-40)
13Ya ndị-ndu nọ zi ụfọdụ ndị Itu-Farisi lẹ ndị itu Hẹrọdụ d'a chọ ihiẹn rị Jesu ọnụ, nị wẹ gi ẹ kwọndọn ẹ. 14Wẹ nọ bịa d'e kunrun Jesu, sị a, “Onyẹ-nkuzi, ẹnyi a marịnghọ n'ị wụ onyẹ ezioku, nị y'a ra lee ịhịan ẹnya ihun, y'a ra gbeyeni ịhịan, kama, y'a kuzichanrịn ụzọ Osolobuẹ k'ọ rị. Gwa ẹnyi nwan, ọ hụghọ mma nị ẹnyi kụ eze-kanị wụ Siza ụgwọ-isi ra ọ rị mma? Nị ẹnyi kụ ra ẹnyi akụlẹ?”
15Kanị, Jesu a hụngụọ a nị wẹ gi ẹro bịa, ọ nọ sị wẹ, “Kị haịn ụnụ gi a kpọnị m ọnyan? Wẹhẹni ni m akpụrụ egho dinarịọsụ nị m hụn a.”
16Wẹ nọ wẹhẹn'ẹ akpụrụ egho dinarịọsụ. Ọ nọ sị wẹ, “Isi lẹ ẹfan onyẹ wụ hụnnị?” Wẹ nọ sị a, “Nke Siza rọ.”
17Jizọsị nọ sị wẹ, “We ni ihiẹn Siza ye Siza, ụnụ e we ihiẹn Osolobuẹ ye Osolobuẹ.” Azịza a nọ tụ wẹ ẹnya ọda-ọda.
A Jụ Wẹ Jizọsị Oku Ịgha Ọnwụn Lihi
(Mat 22.23-33; Luk 20.27-40)
18O nwọn ndị Itu-Sadusi bịa d'e kunrun Jesu. (Ndị Itu-Sadusi sị ndị nwụnhụn nị ara lihi). Wẹ nọ jụ Jizọsị ụtaa, sị a, 19“Onyẹ-nkuzi, Mozizi ye ẹnyi iwu, sị, ‘Okẹnnyẹ nwụnhụn, latọ nwunyẹ ẹ, bụ ọ mụnị nwa, nwẹnẹ y'a lụma nwunyẹ nwẹnẹ ẹ hụ, kẹni ọ mụdọnni nwẹnẹ ẹ nwa.’
20“O te nwọn umunẹ ikẹnnyẹ ẹsa rịnị; onyẹ ibuzọ imẹ wẹ a lụ nwunyẹ, omẹgụ ọ nọ nwụnhụn ọ mụnị nwa. 21Hụn mẹ ẹbụọ nọ lụma okpoho hụ. Ọ nwụnhụnzị ọ mụnị nwa. Ẹrịra kẹ hụn mẹ wẹ ẹtọ jẹnzi. 22Wẹ mmadụ ẹsa lụgbarị okpoho hụ, nwụnhụn, amụnị wẹ nwa. Omẹgụ okpoho hụ nkẹ nọ nwụnhụn. 23Ogẹn ndị nwụnhụnnị e gi lihi, onyẹ k'o jẹnkọ d'a wụ nwunyẹ ẹ, hụnnị wẹ ẹsa lụgbarị a?”
24Jesu nọ sị wẹ, “Ẹlẹ amarịn Ẹkụkwọ-nsọ lẹ amarịn ikẹn Osolobuẹ rị e dufie ụnụ ihiẹnni? 25Ogẹn ndị nwụnnị sikọ d'e gi lihi, alụkọ wẹ di lẹ nwunyẹ; wẹ jẹnkọ d'a rị kẹ ndị mmọn-ozi rị elu-igwee. 26O mẹ nke iweli ndị nwụnhụnnị, ụnụ e ke gụn a imẹ Ẹkụkwọ Mozizi, ebẹhụ ọ nọ ku oku akụ-ọfịa hụ rị e nwụn ọkụn, nị Osolobuẹ sị Mozizi, ‘Mmẹ wụ Chuku Ebraham, Chuku Aziki, Chuku Jekọpụ’? 27Ya wụ ẹlẹ Chuku ndị nwụnnị k'ọ wụ kanị nke ndị rị ndụn. Amarịnnị e dufiechanrịngụọ ụnụ!!”
Iwu Kachanrịn Mkpa
(Mat 22.34-40; Luk 10.25-28)
28Onyẹ-nkuzi Iwu a pụha ebẹhụ, nụ kẹ wẹ wẹ rị a dọ, hụnzị nị Jesu za wẹ ọhụnma, ọ nọ jụ Jesu ụtaa, sị, “Elee iwu kachanrịn mkpa?”
29Jesu nọ za a, “Hụn kachanrịnnị wụ ọnwan: ‘Ndị Izrẹlụ, gọn ni ntịn! Di-nwọnni-ẹnyi wụ Chuku ẹnyi, ịya sụọ wụ Chuku. 30I jẹnkọ d'e gi obi i ile lẹ umẹ-ndụn ị ile lẹ uche i ile lẹ ikẹn i ile nwọn ihiẹn-ọsụsụọ Di-nwọnni-ẹnyi wụ Chuku i.’ 31Hụn mẹ ẹ ẹbụọ wụ ọnwan: ‘Ihiẹn ibe i sikọ d'a sụọrịrị ị kẹ ihiẹn enwẹn i dọn a sụọ ị.’ Onwọnni iwu ọzọ ka ndịnị.”
32Onyẹ-nkuzi Iwu hụ nọ sị Jizọsị, “Y'e kughọ ọhụnma, onyẹ-nkuzi. Ezioku k'i ku nị Di-nwọnni-ẹnyi sụọ wụ Chuku, Chuku ọzọ arịa, 33lẹni igi obi i ile lẹ nghọta ị ile lẹ ikẹn i ile nwọn ihiẹn-ọsụsụọ Osolobuẹ lẹ ịnị ihiẹn ibe i a sụọ ị kẹ ihiẹn enwẹn i dọn a sụọ ị kachanrịn mkpa a rị karị ẹjan ile wẹ dụn ọkụn lẹ ẹjan ndị ọzọ ile.”
34Jizọsị a hụn a n'ọ za ọhụnma, ọ nọ sị onyẹ-nkuzi Iwu hụ, “Y'a nọkunmẹgụọ Alị-eze Osolobuẹ.”
Ọnwan e mẹgụ, onwọnzini onyẹ egun nị jụ Jesu ajụjụ.
Kẹ Kraịstị Dọn Kọwa Onyẹ Kraịstị Wụ
(Mat 22.41-46; Luk 20.41-44)
35Ya kẹ Jesu nọ kuzimẹzi imẹ Ụlọ-nsọ ebẹhụ. Ọ jụ ụtaa, sị, “Kị haịn ndị-nkuzi Iwu gidẹ e ku ni Kraịstị wụ nwa Defidi? 36Bụ Defidi lẹ enwẹn ẹ ku oku ghahanị ikẹn Mmọn-nsọ, sị,
‘Di-nwọnni-ẹnyi sị Di-nwọnni m,
“Nọdị alị ẹka-nni m
d'e ru mgbe m bugụ ndị iṅẹnrẹn i
che okpuru ụkụ ị.” ’
37Defidi lẹ enwẹn ẹ kpọ a ‘Di-nwọnni m,’ nanị k'o dọn nwan wụrụ nwa Defidi?”
Ọ hụ e ku, ọ hụ a sụọ igunrun hụ.
Jesu Sị Wẹ Kpachanpụnị Ndị-nkuzi Iwu Ẹnya
(Mat 23.1-36; Luk 20.45-47)
38K'o dọn rị a kuzi, ọ sị, “Kpachanpụnị nị ndị-nkuzi Iwu ẹnya: ọ sụọ wẹ nị w'e yi ẹkwa tueni a ghahunmẹ lẹ ni w'e gi mgbaye e kele wẹ ogbe#12.38 Afịa.; 39ọ sụọ wẹ nị w'a nọdị isi-ocho imẹ ụlọ-ofufe lẹ ebe wẹ nọ e ri oriri. 40W'e rigbu ikpoho di wẹ nwụn, e gi ekpere sueni e kpumẹ ẹ. Uwẹ sikọ d'a narịn afụnfụn ka njọ.”
Ogbẹnnyẹ Hụn Yechanrịn Ihiẹn O Nwọn
(Luk 21.1-4)
41Jesu nọdị alị bu ihun zinmẹ ẹkpẹti oyiye, e lee kẹ igunrun rị Ụlọ-nsọ rị e buche egho. Ndị ịdanfịn bu ọda hụ e buche egho hini. 42Ya kẹ ogbẹnnyẹ ohu di ẹ nwụnhụngụ nọ bịa d'e buche afụ#12.42 Afụ ẹbụọ wụ ịkọbọ. ẹbụọ. 43Jizọsị nọ kpọ ndị nsọnmazụụn a, sị wẹ, “Ogbẹnnyẹni di ẹ nwụnhụn buchekarị ịhịan ile rị e buche egho imẹ ẹkpẹti oyiye hụ. 44Makẹni wẹ ile gha ọda wẹ nwọn ye, kanị ya nwẹn, k'o mẹhan ogbẹnnyẹ, o yechanrịn ihiẹn ile o nwọn o gi bi.”
ప్రస్తుతం ఎంపిక చేయబడింది:
Makị 12: ikkBI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Makị 12
12
Isi Nke Mmẹbụọ
Ndị Wẹ Ye Ugbo Lepụ Ẹnya
(Mat 21.33-46; Luk 20.9-19)
1Ya kẹ Jesu nọ tanị wẹ ilu, sị, “Okẹnnyẹ ohu nwọn alị vaịnị tụnhunmẹ ẹ mgbọn, gutọ olu wẹ nọ a pịnpụha manya-vaịnị, tụn ụlọ nche ye imẹ ẹ. Ọ nọ bu alị vaịnị hụ che ẹka ndị sikọ d'a rụnn'a ya egbu-eke, ya ọ nọ jẹnmẹ alị-ịhịan. 2O ru ogẹn vaịnị, ọ nọ zi odibo ẹ d'e kunrun ndị hụ ugbo hụ rị ẹka d'e wẹhẹ hụn run'ẹ. 3Wẹ nọ kwọndọn odibo hụ o zi, gbu e ili, gbama a ẹka chụpụ. 4Okẹnnyẹ hụ nọ zizi odibo ọzọ, wẹ nọ ti ẹ ihiẹn isi, gbe ifẹnrẹn ye ẹ ihun. 5O zizi odibo ọzọ, wẹ nọ gbu ẹ. Ẹrịra kẹ wẹ mẹsọnmẹ ndị bu ọda o zi; e gbu wẹ ụfọdụ ili, gbu ụfọdụ ozun.
6“O nwọnzighọ onyẹ ohu o k'e zi: ezi nwa a. Omẹgụ, ọ nọ zi nwa a jẹnni wẹ, sị, ‘Wẹ jẹnkọ d'a gbaye nwa m.’ 7Kanị ndị hụ o buche ugbo hụ ẹka nọ sị ibe wẹ, ‘Onyẹni ya k'a kwarị ukuu ẹ. Nị ẹnyi gbu ẹ nwan kwarị ukuu ẹ!’ 8Ya wẹ nọ kwọndọn nwa a hụ, gbu ẹ, gha imẹ ugbo hụ ma a tuhu.
9“Kị onyẹ hụ nwọn ugbo jẹnkọ d'e mẹ? O sikọ d'a bịa d'e gbupụ ndị ahụn, o we alị vaịnị hụ ye ndị ọzọ lepụ ẹnya. 10Ụnụ e ke gụntu ẹ imẹ Ẹkụkwọ-nsọ nị
‘Ọmụma hụ ndị rị a tụn ụlọ jụ
a wụrụgụọ nwan ọmụma gi ụlọ.
11Di-nwọnni-ẹnyi mẹ ihiẹnni,
ọ tụka ẹnyi ẹnya!’ ”
12Ndị-ndu ndị Ju te nọ chọ nị wẹ nwụnrụn a, makẹni a ghọtagụọ wẹ nị uwẹ haịn o gi ta ilu hụ, kanị egun ndị rị ebahụn anịnị wẹ. Wẹ nọ la a tọ, gha ebahụn pụ.
A Jụ Wẹ Jesu Oku Ịkụ Ụgwọ-isi
(Mat 22.15-22; Luk 20.27-40)
13Ya ndị-ndu nọ zi ụfọdụ ndị Itu-Farisi lẹ ndị itu Hẹrọdụ d'a chọ ihiẹn rị Jesu ọnụ, nị wẹ gi ẹ kwọndọn ẹ. 14Wẹ nọ bịa d'e kunrun Jesu, sị a, “Onyẹ-nkuzi, ẹnyi a marịnghọ n'ị wụ onyẹ ezioku, nị y'a ra lee ịhịan ẹnya ihun, y'a ra gbeyeni ịhịan, kama, y'a kuzichanrịn ụzọ Osolobuẹ k'ọ rị. Gwa ẹnyi nwan, ọ hụghọ mma nị ẹnyi kụ eze-kanị wụ Siza ụgwọ-isi ra ọ rị mma? Nị ẹnyi kụ ra ẹnyi akụlẹ?”
15Kanị, Jesu a hụngụọ a nị wẹ gi ẹro bịa, ọ nọ sị wẹ, “Kị haịn ụnụ gi a kpọnị m ọnyan? Wẹhẹni ni m akpụrụ egho dinarịọsụ nị m hụn a.”
16Wẹ nọ wẹhẹn'ẹ akpụrụ egho dinarịọsụ. Ọ nọ sị wẹ, “Isi lẹ ẹfan onyẹ wụ hụnnị?” Wẹ nọ sị a, “Nke Siza rọ.”
17Jizọsị nọ sị wẹ, “We ni ihiẹn Siza ye Siza, ụnụ e we ihiẹn Osolobuẹ ye Osolobuẹ.” Azịza a nọ tụ wẹ ẹnya ọda-ọda.
A Jụ Wẹ Jizọsị Oku Ịgha Ọnwụn Lihi
(Mat 22.23-33; Luk 20.27-40)
18O nwọn ndị Itu-Sadusi bịa d'e kunrun Jesu. (Ndị Itu-Sadusi sị ndị nwụnhụn nị ara lihi). Wẹ nọ jụ Jizọsị ụtaa, sị a, 19“Onyẹ-nkuzi, Mozizi ye ẹnyi iwu, sị, ‘Okẹnnyẹ nwụnhụn, latọ nwunyẹ ẹ, bụ ọ mụnị nwa, nwẹnẹ y'a lụma nwunyẹ nwẹnẹ ẹ hụ, kẹni ọ mụdọnni nwẹnẹ ẹ nwa.’
20“O te nwọn umunẹ ikẹnnyẹ ẹsa rịnị; onyẹ ibuzọ imẹ wẹ a lụ nwunyẹ, omẹgụ ọ nọ nwụnhụn ọ mụnị nwa. 21Hụn mẹ ẹbụọ nọ lụma okpoho hụ. Ọ nwụnhụnzị ọ mụnị nwa. Ẹrịra kẹ hụn mẹ wẹ ẹtọ jẹnzi. 22Wẹ mmadụ ẹsa lụgbarị okpoho hụ, nwụnhụn, amụnị wẹ nwa. Omẹgụ okpoho hụ nkẹ nọ nwụnhụn. 23Ogẹn ndị nwụnhụnnị e gi lihi, onyẹ k'o jẹnkọ d'a wụ nwunyẹ ẹ, hụnnị wẹ ẹsa lụgbarị a?”
24Jesu nọ sị wẹ, “Ẹlẹ amarịn Ẹkụkwọ-nsọ lẹ amarịn ikẹn Osolobuẹ rị e dufie ụnụ ihiẹnni? 25Ogẹn ndị nwụnnị sikọ d'e gi lihi, alụkọ wẹ di lẹ nwunyẹ; wẹ jẹnkọ d'a rị kẹ ndị mmọn-ozi rị elu-igwee. 26O mẹ nke iweli ndị nwụnhụnnị, ụnụ e ke gụn a imẹ Ẹkụkwọ Mozizi, ebẹhụ ọ nọ ku oku akụ-ọfịa hụ rị e nwụn ọkụn, nị Osolobuẹ sị Mozizi, ‘Mmẹ wụ Chuku Ebraham, Chuku Aziki, Chuku Jekọpụ’? 27Ya wụ ẹlẹ Chuku ndị nwụnnị k'ọ wụ kanị nke ndị rị ndụn. Amarịnnị e dufiechanrịngụọ ụnụ!!”
Iwu Kachanrịn Mkpa
(Mat 22.34-40; Luk 10.25-28)
28Onyẹ-nkuzi Iwu a pụha ebẹhụ, nụ kẹ wẹ wẹ rị a dọ, hụnzị nị Jesu za wẹ ọhụnma, ọ nọ jụ Jesu ụtaa, sị, “Elee iwu kachanrịn mkpa?”
29Jesu nọ za a, “Hụn kachanrịnnị wụ ọnwan: ‘Ndị Izrẹlụ, gọn ni ntịn! Di-nwọnni-ẹnyi wụ Chuku ẹnyi, ịya sụọ wụ Chuku. 30I jẹnkọ d'e gi obi i ile lẹ umẹ-ndụn ị ile lẹ uche i ile lẹ ikẹn i ile nwọn ihiẹn-ọsụsụọ Di-nwọnni-ẹnyi wụ Chuku i.’ 31Hụn mẹ ẹ ẹbụọ wụ ọnwan: ‘Ihiẹn ibe i sikọ d'a sụọrịrị ị kẹ ihiẹn enwẹn i dọn a sụọ ị.’ Onwọnni iwu ọzọ ka ndịnị.”
32Onyẹ-nkuzi Iwu hụ nọ sị Jizọsị, “Y'e kughọ ọhụnma, onyẹ-nkuzi. Ezioku k'i ku nị Di-nwọnni-ẹnyi sụọ wụ Chuku, Chuku ọzọ arịa, 33lẹni igi obi i ile lẹ nghọta ị ile lẹ ikẹn i ile nwọn ihiẹn-ọsụsụọ Osolobuẹ lẹ ịnị ihiẹn ibe i a sụọ ị kẹ ihiẹn enwẹn i dọn a sụọ ị kachanrịn mkpa a rị karị ẹjan ile wẹ dụn ọkụn lẹ ẹjan ndị ọzọ ile.”
34Jizọsị a hụn a n'ọ za ọhụnma, ọ nọ sị onyẹ-nkuzi Iwu hụ, “Y'a nọkunmẹgụọ Alị-eze Osolobuẹ.”
Ọnwan e mẹgụ, onwọnzini onyẹ egun nị jụ Jesu ajụjụ.
Kẹ Kraịstị Dọn Kọwa Onyẹ Kraịstị Wụ
(Mat 22.41-46; Luk 20.41-44)
35Ya kẹ Jesu nọ kuzimẹzi imẹ Ụlọ-nsọ ebẹhụ. Ọ jụ ụtaa, sị, “Kị haịn ndị-nkuzi Iwu gidẹ e ku ni Kraịstị wụ nwa Defidi? 36Bụ Defidi lẹ enwẹn ẹ ku oku ghahanị ikẹn Mmọn-nsọ, sị,
‘Di-nwọnni-ẹnyi sị Di-nwọnni m,
“Nọdị alị ẹka-nni m
d'e ru mgbe m bugụ ndị iṅẹnrẹn i
che okpuru ụkụ ị.” ’
37Defidi lẹ enwẹn ẹ kpọ a ‘Di-nwọnni m,’ nanị k'o dọn nwan wụrụ nwa Defidi?”
Ọ hụ e ku, ọ hụ a sụọ igunrun hụ.
Jesu Sị Wẹ Kpachanpụnị Ndị-nkuzi Iwu Ẹnya
(Mat 23.1-36; Luk 20.45-47)
38K'o dọn rị a kuzi, ọ sị, “Kpachanpụnị nị ndị-nkuzi Iwu ẹnya: ọ sụọ wẹ nị w'e yi ẹkwa tueni a ghahunmẹ lẹ ni w'e gi mgbaye e kele wẹ ogbe#12.38 Afịa.; 39ọ sụọ wẹ nị w'a nọdị isi-ocho imẹ ụlọ-ofufe lẹ ebe wẹ nọ e ri oriri. 40W'e rigbu ikpoho di wẹ nwụn, e gi ekpere sueni e kpumẹ ẹ. Uwẹ sikọ d'a narịn afụnfụn ka njọ.”
Ogbẹnnyẹ Hụn Yechanrịn Ihiẹn O Nwọn
(Luk 21.1-4)
41Jesu nọdị alị bu ihun zinmẹ ẹkpẹti oyiye, e lee kẹ igunrun rị Ụlọ-nsọ rị e buche egho. Ndị ịdanfịn bu ọda hụ e buche egho hini. 42Ya kẹ ogbẹnnyẹ ohu di ẹ nwụnhụngụ nọ bịa d'e buche afụ#12.42 Afụ ẹbụọ wụ ịkọbọ. ẹbụọ. 43Jizọsị nọ kpọ ndị nsọnmazụụn a, sị wẹ, “Ogbẹnnyẹni di ẹ nwụnhụn buchekarị ịhịan ile rị e buche egho imẹ ẹkpẹti oyiye hụ. 44Makẹni wẹ ile gha ọda wẹ nwọn ye, kanị ya nwẹn, k'o mẹhan ogbẹnnyẹ, o yechanrịn ihiẹn ile o nwọn o gi bi.”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.