Makị 13
13
Isi Nke Mmẹtọ
Jesu E Ku Ẹ Nị Wẹ K'e Tikpọ Ụlọ-nsọ Jerusalẹm
(Mat 24.1-2; Luk 21.5-6)
1Ogẹn Jizọsị gi gha Ụlọ-nsọ pụkọ, onyẹ ohu imẹ ndị nsọnmazụụn a nọ sị a, “Onyẹ-nkuzi, lee ihiẹn ọmụma ndịnị hi-ogbe-o! Lee okẹn ụlọ ndịnị magbu enwẹn wẹ mma-o!”
2Jesu nọ sị a, “Y'a hụn okẹn ụlọ ndịnị? Onwọnni ogbe ọmụma ohu k'a họdụ elu ibe ẹ, wẹ jẹnkọ d'a kụtuchanrịn wẹ ile.”
Nsọngbu Lẹ Ukpokpo Lalanị
(Mat 24.3-14; Luk 21.7-19)
3Ebe Jesu sụọ nọdị alị elu Ugu Olivu hụn bu ihun zinmẹ ihun Ụlọ-nsọ, Pita, Jemisi, Jọnụ lẹ Andrụ nọ bịa d'a jụ a ajụjụ, sị a, 4“Gwa ẹnyi, elee ogẹn kẹ ihiẹn ndịnị sikọ d'e mẹ? Kị wẹ e gi marịn nị ihiẹn ndịnị ile e d'e mẹmẹ?”
5Jesu nọ gwama wẹ, sị, “Kpachanpụkwọ nị ẹnya amamgbe w'e dufie ụnụ. 6Ndị bu ọda jẹnkọ d'e gi ẹfan m bịa, a sị, ‘Mmẹ wụ Kraịstị, Onyẹ Ahụn Osolobuẹ Tumẹ!’ Wẹ sikọ d'e gi ẹ dufie ndị bu ọda. 7Ogẹn ụnụ jẹnkọ d'e gi nụ oku agha — kẹ hụn wẹ rị a lụ kẹ hụn wẹ kelẹni lụma; atụkwọlẹ ni egun. Ihiẹn ndịnị jẹnkọ d'e mẹ bụ ọgụgụ-ogẹn e ke ru.
8“Alị sikọ d'a lụsọn alị; alị-eze a lụsọn alị-eze, alị k'e mẹhunmẹ ụzọ ile; ụnwụn sikọ d'a rị; kanị, ihiẹn ndịnị nọ kẹ ebe imẹ nọhụ mẹmẹ okpoho.
9“Ụnụ nwẹn, kpachanpụkwọ nị ẹnya; makẹni wẹ jẹnkọ d'e wejẹn ụnụ ọgwa ichẹn-ichẹn, gbu ụnụ ili imẹ ụlọ-ofufe#13.9 Ogẹn ahụn, ịya wụzịkwọ ọgwa ndị Ju imẹ obodo ọwụlẹ. ichẹn-ichẹn; ụnụ jẹnkọ d'e wuzo ihun ndị Gọvanọ lẹ ndị-nze makẹ ufiri m; ọ wụrụ oghere ụnụ e gi shịanị m ẹri.
10“Wẹ k'e zigbarịgụ ndị alị ile oziọma. 11Wẹ nwụnrụn ụnụ, we ụnụ shi ọgwa, ehuelẹ ni uhue ihiẹn ụnụ jẹnkọ d'e ku, ka ku ni ihiẹn ọwụlẹ Osolobuẹ jẹnkọ d'e ye ụnụ ogẹn hụ, makẹni ẹlẹ ụnụ jẹnkọ d'e ku kanị Mmọn-nsọ.
12“Umunẹ jẹnkọ d'e we umunẹ wẹ ye wẹ gbu; ndị nẹdi k'e we ụmụ wẹ ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ. 13Ize ụnụ jẹnkọ d'a ban ịhịan ile makẹ ufiri m. Kanị onyẹ din ndidin d'e ru njẹndemẹ kẹ Osolobuẹ sikọ d'a zụọpụha.
Eje-ụrụ Hụ
(Dan 9.27; Mat 24.15-28; Luk 21.20-24)
14“Kanị, hụn ụnụ gihụ hụn ‘Eje-ụrụ ahụn’ k'o wuzo ebe furulẹni n'ọ rị (onyẹ hụn rị a gụn ihiẹnni ya ghọha a), ndị rị Judia ogẹn hụ wẹ gbashi elu-ugu. 15Onyẹ hụn rị elu ụlọ ya ehidangụkwọlẹ banyemẹzi imẹ ụlọ n'o jẹnkọ d'e weri ihiẹn ọwụlẹ. 16Onyẹ rị ugbo ya ekinhẹnkwọlẹ d'e weri ẹkwa a. 17O jẹnkọ d'a fụ ndị rị imẹ lẹ ndị pa nwa ọrụn ogẹn hụ! 18E mẹ ni ekpere amamgbe o mẹ ogẹn oyi! 19Makẹni okẹn afụnfụn jẹnkọ d'a rị ogẹn hụ — ụdị hụn rịtulẹni kete Osolobuẹ e kelẹ ụwa; ụdị hụn jẹnkọlẹni d'a rịzị. 20Omẹni Di-nwọnni-ẹnyi e te belụanị ogẹn hụ, onwọnni onyẹ sikọ d'a s'ẹka wanahịn. Kanị, o belụagụọ ogẹn hụ makẹ ufiri ndị ọ họrị, ndị nke ẹ.
21“Ogẹn hụ, onyẹ sị ụnụ, ‘Lee ẹ, Kraịstị rị ebeni!’ Mọbụ, ‘Lee ẹ, ọ rị ebahụn,’ ekwerikwọlẹ ni. 22Ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha. Wẹ jẹnkọ d'a rụnsọnmẹ ihiẹn ahịma lẹ ọrụn-atụmẹnya kẹni wẹ dufie ịhịan, kẹni wẹ dufiedẹ ndị Osolobuẹ họrị — omẹni o te k'a nị mẹ. 23Kpachanpụ nị nwan ẹnya; a gwatọgụọkwọ m ụnụ ihiẹn ile!
Ọbịbịa Jesu
(Mat 24.29-31; Luk 21.25-28)
24“Ogẹn hụ, ogẹn afụnfụn hụ ghafegụhụ, ẹnyanwụn jẹnkọ d'a gba ishi, ifọn etibehi; 25kokisẹ jẹnkọ d'a gha elu-igwere a danye alị, ikẹn ndị rị elu jẹnkọ d'e mẹhunmẹ. 26Ogẹn hụ kẹ ịhịan ile k'e gi hụn Nwa nke Ịhịan k'ọ rị imẹ orukpu o gi lala ya lẹ ikẹn hi ogbe lẹ ọghọ o k'e gi bịa. 27O jẹnkọ d'e zi ndị mmọn-ozi ẹ ye imẹ ụwa ile d'e wegbama ndị Osolobuẹ họrị ebe-lẹ-ebe wẹ rị.
Ihiẹn Jesu Gi Osisi Figi Kuzi
(Mat 24.32-35; Luk 2.29-33)
28“Gi ni osisi figi mụnrụn ihiẹn: Hụn o gihụ fọrịma, ụnụ a marịn nị udu-mirin e d'e bidọn. 29Ẹrịra k'ọ rịzịkwọ, ụnụ hụn kẹ ihiẹn ndịnị rị e mẹ, ụnụ a marịn nị Nwa nke Ịhịan a rịgụọ ẹhụ nsue, o rugụọ ọnụmụzọ. 30Ezioku kẹ m rị a gwa ụnụ, agbọnị a ghafegụkọ ihiẹn ndịnị kebe mẹzu. 31Igwere lẹ ụwa k'a gụ, kanị oku m k'a bụnrịrị.
Onwọnni Onyẹ Marịn Ụhụọhịn O K'a Wụ
(Mat 24.36-44)
32“O mẹ nke ụhụọhịn o k'a wụ mọbụ ogẹn o k'a wụ ụhụọhịn hụ, onwọnni onyẹ marịnnị, kẹ ndị mmọn-ozi rị elu-igwee kẹ mmẹ Nwa-Chuku; Chuku-Nẹdi sụọ marịn. 33Kpachanpụ nị nwan ẹnya; mụnrụn nị ẹnya, makẹni ụnụ amarịn ogẹn o k'a wụ. 34Ọbịbịa Nwa nke Ịhịan jẹnkọ d'a rị kẹ ebe okẹnnyẹ ohu jẹnkọ alị-ịhịan nọ bu ihiẹn ẹ che ẹka idibo ẹ, onyẹ lẹ ọrụn a, onyẹ lẹ ọrụn a, sị onyẹ-nche ya chemẹ nche. 35Mụnrụn nị nwan ẹnya, makẹni ụnụ amarịn ogẹn di-nwọnni ụnụ hụn ụnụ rị iwe ẹ k'e gi lụa — kẹ ogẹn ẹnyasị rọ-o, kẹ imẹ abalị rọ-o, kẹ ọkpa kwan rọ-o, kẹ eki fọnmẹ rọ-o, onwọnni onyẹ marịnnị. 36Amamgbe ọ lụa idẹnmizi, ọ hụn ụnụ kẹ ụnụ rị a ranhịn ụran. 37Ihiẹn m rị a gwa ụnụ kẹ m rị a gwa onyẹ ọwụlẹ: mụnrụn nị ẹnya!”
ప్రస్తుతం ఎంపిక చేయబడింది:
Makị 13: ikkBI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Makị 13
13
Isi Nke Mmẹtọ
Jesu E Ku Ẹ Nị Wẹ K'e Tikpọ Ụlọ-nsọ Jerusalẹm
(Mat 24.1-2; Luk 21.5-6)
1Ogẹn Jizọsị gi gha Ụlọ-nsọ pụkọ, onyẹ ohu imẹ ndị nsọnmazụụn a nọ sị a, “Onyẹ-nkuzi, lee ihiẹn ọmụma ndịnị hi-ogbe-o! Lee okẹn ụlọ ndịnị magbu enwẹn wẹ mma-o!”
2Jesu nọ sị a, “Y'a hụn okẹn ụlọ ndịnị? Onwọnni ogbe ọmụma ohu k'a họdụ elu ibe ẹ, wẹ jẹnkọ d'a kụtuchanrịn wẹ ile.”
Nsọngbu Lẹ Ukpokpo Lalanị
(Mat 24.3-14; Luk 21.7-19)
3Ebe Jesu sụọ nọdị alị elu Ugu Olivu hụn bu ihun zinmẹ ihun Ụlọ-nsọ, Pita, Jemisi, Jọnụ lẹ Andrụ nọ bịa d'a jụ a ajụjụ, sị a, 4“Gwa ẹnyi, elee ogẹn kẹ ihiẹn ndịnị sikọ d'e mẹ? Kị wẹ e gi marịn nị ihiẹn ndịnị ile e d'e mẹmẹ?”
5Jesu nọ gwama wẹ, sị, “Kpachanpụkwọ nị ẹnya amamgbe w'e dufie ụnụ. 6Ndị bu ọda jẹnkọ d'e gi ẹfan m bịa, a sị, ‘Mmẹ wụ Kraịstị, Onyẹ Ahụn Osolobuẹ Tumẹ!’ Wẹ sikọ d'e gi ẹ dufie ndị bu ọda. 7Ogẹn ụnụ jẹnkọ d'e gi nụ oku agha — kẹ hụn wẹ rị a lụ kẹ hụn wẹ kelẹni lụma; atụkwọlẹ ni egun. Ihiẹn ndịnị jẹnkọ d'e mẹ bụ ọgụgụ-ogẹn e ke ru.
8“Alị sikọ d'a lụsọn alị; alị-eze a lụsọn alị-eze, alị k'e mẹhunmẹ ụzọ ile; ụnwụn sikọ d'a rị; kanị, ihiẹn ndịnị nọ kẹ ebe imẹ nọhụ mẹmẹ okpoho.
9“Ụnụ nwẹn, kpachanpụkwọ nị ẹnya; makẹni wẹ jẹnkọ d'e wejẹn ụnụ ọgwa ichẹn-ichẹn, gbu ụnụ ili imẹ ụlọ-ofufe#13.9 Ogẹn ahụn, ịya wụzịkwọ ọgwa ndị Ju imẹ obodo ọwụlẹ. ichẹn-ichẹn; ụnụ jẹnkọ d'e wuzo ihun ndị Gọvanọ lẹ ndị-nze makẹ ufiri m; ọ wụrụ oghere ụnụ e gi shịanị m ẹri.
10“Wẹ k'e zigbarịgụ ndị alị ile oziọma. 11Wẹ nwụnrụn ụnụ, we ụnụ shi ọgwa, ehuelẹ ni uhue ihiẹn ụnụ jẹnkọ d'e ku, ka ku ni ihiẹn ọwụlẹ Osolobuẹ jẹnkọ d'e ye ụnụ ogẹn hụ, makẹni ẹlẹ ụnụ jẹnkọ d'e ku kanị Mmọn-nsọ.
12“Umunẹ jẹnkọ d'e we umunẹ wẹ ye wẹ gbu; ndị nẹdi k'e we ụmụ wẹ ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ. 13Ize ụnụ jẹnkọ d'a ban ịhịan ile makẹ ufiri m. Kanị onyẹ din ndidin d'e ru njẹndemẹ kẹ Osolobuẹ sikọ d'a zụọpụha.
Eje-ụrụ Hụ
(Dan 9.27; Mat 24.15-28; Luk 21.20-24)
14“Kanị, hụn ụnụ gihụ hụn ‘Eje-ụrụ ahụn’ k'o wuzo ebe furulẹni n'ọ rị (onyẹ hụn rị a gụn ihiẹnni ya ghọha a), ndị rị Judia ogẹn hụ wẹ gbashi elu-ugu. 15Onyẹ hụn rị elu ụlọ ya ehidangụkwọlẹ banyemẹzi imẹ ụlọ n'o jẹnkọ d'e weri ihiẹn ọwụlẹ. 16Onyẹ rị ugbo ya ekinhẹnkwọlẹ d'e weri ẹkwa a. 17O jẹnkọ d'a fụ ndị rị imẹ lẹ ndị pa nwa ọrụn ogẹn hụ! 18E mẹ ni ekpere amamgbe o mẹ ogẹn oyi! 19Makẹni okẹn afụnfụn jẹnkọ d'a rị ogẹn hụ — ụdị hụn rịtulẹni kete Osolobuẹ e kelẹ ụwa; ụdị hụn jẹnkọlẹni d'a rịzị. 20Omẹni Di-nwọnni-ẹnyi e te belụanị ogẹn hụ, onwọnni onyẹ sikọ d'a s'ẹka wanahịn. Kanị, o belụagụọ ogẹn hụ makẹ ufiri ndị ọ họrị, ndị nke ẹ.
21“Ogẹn hụ, onyẹ sị ụnụ, ‘Lee ẹ, Kraịstị rị ebeni!’ Mọbụ, ‘Lee ẹ, ọ rị ebahụn,’ ekwerikwọlẹ ni. 22Ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha. Wẹ jẹnkọ d'a rụnsọnmẹ ihiẹn ahịma lẹ ọrụn-atụmẹnya kẹni wẹ dufie ịhịan, kẹni wẹ dufiedẹ ndị Osolobuẹ họrị — omẹni o te k'a nị mẹ. 23Kpachanpụ nị nwan ẹnya; a gwatọgụọkwọ m ụnụ ihiẹn ile!
Ọbịbịa Jesu
(Mat 24.29-31; Luk 21.25-28)
24“Ogẹn hụ, ogẹn afụnfụn hụ ghafegụhụ, ẹnyanwụn jẹnkọ d'a gba ishi, ifọn etibehi; 25kokisẹ jẹnkọ d'a gha elu-igwere a danye alị, ikẹn ndị rị elu jẹnkọ d'e mẹhunmẹ. 26Ogẹn hụ kẹ ịhịan ile k'e gi hụn Nwa nke Ịhịan k'ọ rị imẹ orukpu o gi lala ya lẹ ikẹn hi ogbe lẹ ọghọ o k'e gi bịa. 27O jẹnkọ d'e zi ndị mmọn-ozi ẹ ye imẹ ụwa ile d'e wegbama ndị Osolobuẹ họrị ebe-lẹ-ebe wẹ rị.
Ihiẹn Jesu Gi Osisi Figi Kuzi
(Mat 24.32-35; Luk 2.29-33)
28“Gi ni osisi figi mụnrụn ihiẹn: Hụn o gihụ fọrịma, ụnụ a marịn nị udu-mirin e d'e bidọn. 29Ẹrịra k'ọ rịzịkwọ, ụnụ hụn kẹ ihiẹn ndịnị rị e mẹ, ụnụ a marịn nị Nwa nke Ịhịan a rịgụọ ẹhụ nsue, o rugụọ ọnụmụzọ. 30Ezioku kẹ m rị a gwa ụnụ, agbọnị a ghafegụkọ ihiẹn ndịnị kebe mẹzu. 31Igwere lẹ ụwa k'a gụ, kanị oku m k'a bụnrịrị.
Onwọnni Onyẹ Marịn Ụhụọhịn O K'a Wụ
(Mat 24.36-44)
32“O mẹ nke ụhụọhịn o k'a wụ mọbụ ogẹn o k'a wụ ụhụọhịn hụ, onwọnni onyẹ marịnnị, kẹ ndị mmọn-ozi rị elu-igwee kẹ mmẹ Nwa-Chuku; Chuku-Nẹdi sụọ marịn. 33Kpachanpụ nị nwan ẹnya; mụnrụn nị ẹnya, makẹni ụnụ amarịn ogẹn o k'a wụ. 34Ọbịbịa Nwa nke Ịhịan jẹnkọ d'a rị kẹ ebe okẹnnyẹ ohu jẹnkọ alị-ịhịan nọ bu ihiẹn ẹ che ẹka idibo ẹ, onyẹ lẹ ọrụn a, onyẹ lẹ ọrụn a, sị onyẹ-nche ya chemẹ nche. 35Mụnrụn nị nwan ẹnya, makẹni ụnụ amarịn ogẹn di-nwọnni ụnụ hụn ụnụ rị iwe ẹ k'e gi lụa — kẹ ogẹn ẹnyasị rọ-o, kẹ imẹ abalị rọ-o, kẹ ọkpa kwan rọ-o, kẹ eki fọnmẹ rọ-o, onwọnni onyẹ marịnnị. 36Amamgbe ọ lụa idẹnmizi, ọ hụn ụnụ kẹ ụnụ rị a ranhịn ụran. 37Ihiẹn m rị a gwa ụnụ kẹ m rị a gwa onyẹ ọwụlẹ: mụnrụn nị ẹnya!”
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.