ఆమోసు 1
1
ఉపోద్ఘాతం
1ఇది ఆమోసు వర్తమానం. ఆమోసు తెకోవ నగరానికి చెందిన ఒక పశువుల కాపరి. ఉజ్జియా యూదాకు రాజుగాను, యెహోయాషు కుమారుడు యరొబాము ఇశ్రాయేలుకు రాజుగాను ఉన్న కాలంలో ఆమోసు ఇశ్రాయేలునుగూర్చి దర్శనాలు చూశాడు. ఇది భూకంపం రావటానికి రెండు సంవత్సరాల ముందటి విషయం.
సిరియాకు శిక్ష
2ఆమోసు ఇలా అన్నాడు:
“యెహోవా సీయోనులో సింహంలా గర్జిస్తాడు.
ఆయన గంభీర స్వరం యెరూషలేమునుండి గర్జిస్తుంది.
గొర్రెల కాపరుల పచ్చిక బయళ్లు ఎండిపోతాయి.
కర్మెలు పర్వతం#1:2 కర్మెలు పర్వతం ఇది ఇశ్రాయేలులో ఉన్న పర్వతం. దీనికి “దేవుని ద్రాక్షాతోట” అని అర్థం. అనగా ఇది మిక్కిలి సారవంతమైన కొండ అని భావం. సహితం ఎండిపోతుంది.”
3యెహోవా ఈ విషయాలు చెపుతున్నాడు: “దమస్కు#1:3 దమస్కు (డెమాస్కస్) ఇది సిరియా రాజధాని. ప్రజలు చేసిన అనేక నేరాలకు నేను వారిని నిశ్చయంగా శిక్షిస్తాను. ఎందుకంటే, వారు గిలాదును#1:3 గిలాదు మనష్షే వంశీయులు కొందరు నివసించిన ప్రాంతం. చూడండి సంఖ్యా. 26:29. ధాన్యం రాలగొట్టే ఇనుప కడ్డీలతో నలుగగొట్టారు. 4కావున హజాయేలు#1:4 హజాయేలు సిరియా రాజు. తాను రాజు కావటానికి బెన్హదదును చంపాడు. ఇంటిలో (సిరియా) నేను అగ్నిని పుట్టిస్తాను. ఆ అగ్ని బెన్హదదు#1:4 బెన్హదదు ఇతడు సిరియా రాజైన హజాయేలు కుమారుడు. ఇతని పేరు, హజాయేలు చేత చంపబడిన వారి పేరు (బెన్హదదు) ఒకటే. ఉన్నత బురుజులను నాశనం చేస్తుంది.
5“దమస్కు ద్వారాలమీద ఉన్న బలమైన కడ్డీలను విరుగగొడతాను. ఆవెను లోయలో సింహాసనంపై కూర్చున్నవానిని నేను నాశనం చేస్తాను. బెతేదేనులో రాజదండం పట్టిన రాజును నేను నాశనం చేస్తాను. సిరియా ప్రజలు ఓడింపబడతారు. ప్రజలు వారిని కీరు దేశానికి తీసుకుపోతారు అని యెహోవా చెపుతున్నాడు.”
ఫిలిష్తీయులకు శిక్ష
6యెహోవా ఇది చెపుతున్నాడు: “గాజా#1:6 గాజా ఇది ఫిలిష్తీయుల ఒక ముఖ్యనగరం. ప్రజలు చేసిన అనేక నేరాలకు నేను వారిని నిశ్చయంగా శిక్షిస్తాను. ఎందువల్లనంటే వారు ఒక దేశ ప్రజలందరినీ చెరబట్టి, వారినిఎదోముకు#1:6 ఎదోము ఇశ్రాయేలుకు ఆగ్నేయంగా ఉన్న రాజ్యం. బానిసలుగా పంపారు. 7కావున గాజా ప్రాకారం మీదికి నేను అగ్నిని పంపుతాను. గాజాలోని ఉన్నత బురుజులను అగ్ని దహించివేస్తుంది. 8మరియు నేను అష్టోదులో#1:8 అష్టోదు అనేది ఫిలిష్తీయుల ముఖ్యనగరం. సింహాసనంపై కూర్చున్నవానిని నాశనం చేస్తాను. అష్కెలోనులో#1:8 అష్కెలోను ఫిలిష్తీయుల ముఖ్యనగరం. రాజదండం ధరించిన రాజును నేను నాశనం చేస్తాను. నేను ఎక్రోను#1:8 ఎక్రోను ఫిలిష్తీయుల ముఖ్యనగరం. ప్రజలను నాశనం చేస్తాను. ఇంకా బతికివున్న ఫిలిష్తీయులు అప్పుడు మరణిస్తారు అని దేవుడైన యెహోవా చెపుతున్నాడు.”
ఫెనీషియా (ఫెనీకే)కు శిక్ష
9యెహోవా ఈ విషయాలు చెపుతున్నాడు: “తూరు#1:9 తూరు ఫెనీషియా (ఫెనీకే)కు తూరు ముఖ్య పట్టణం. ప్రజలు చేసిన అనేక నేరాలకు నేను వారిని నిశ్చయంగా శిక్షిస్తాను. ఎందువల్లనంటే వారు ఒక దేశ ప్రజలనందరినీ చెరబట్టి, వారిని బానిసలుగా ఎదోముకు పంపారు. తమ సోదరులతో (ఇశ్రాయేలుతో) చేసుకొన్న ఒడంబడికను వారు గుర్తు పెట్టుకోలేదు. 10అందువల్ల తూరు గోడల మీద నేను అగ్నిని రగుల్చుతాను. తూరులో ఎత్తయిన బురుజులను ఆ అగ్ని నాశనం చేస్తుంది.”
ఎదోమీయులకు శిక్ష
11యెహోవా ఈ విషయాలు చెపుతున్నాడు: “ఎదోము ప్రజలు చేసిన అనేక నేరాలకు వారిని నేను నిశ్చయంగా శిక్షిస్తాను. ఎందువల్లనంటే ఎదోము కత్తి పట్టి, తన సోదరుని (ఇశ్రాయేలును) వెంటాడాడు. ఎదోము దయ చూపలేదు. ఎదోము కోపం శాశ్వతంగా కొనసాగింది. అతడు ఒక క్రూర జంతువులా ఇశ్రాయేలును చీల్చి చెండాడాడు. 12కావున తేమానులో#1:12 తేమాను ఎదోము దేశంలో ఉత్తర భాగాన ఉన్న ఒక నగరం. నేను అగ్నిని రగుల్చుతాను. ఆ అగ్ని బొస్రాలో#1:12 బొస్రా ఎదోము రాజ్యంలో దక్షిణ భాగాన ఉన్న ఒక నగరం. ఉన్నతమైన బురుజులను నాశనం చేస్తుంది.”
అమ్మోనీయులకు శిక్ష
13యెహోవా ఈ విషయాలు చెపుతున్నాడు: “అమ్మోను ప్రజలు చేసిన అనేక నేరాలకు నేను వారిని నిశ్చయంగా శిక్షిస్తాను. ఎందువల్లనంటే వారు గిలాదులో గర్భిణీ స్త్రీలను చంపారు. ఆ ప్రాంతాన్ని కలుపుకొని తమ రాజ్యాన్ని విస్తరింపజేయటానికి అమ్మోను ప్రజలు ఈ పని చేశారు. 14కావున రబ్బా#1:14 రబ్బా అమ్మోనీయుల రాజధాని. గోడమీద నేను అగ్ని రగుల్చుతాను. అది రబ్బాలోని ఉన్నతమైన బురుజులను నాశనం చేస్తుంది. వారి దేశంలోకి సుడిగాలి వచ్చినట్లు వారికి కష్టాలు వస్తాయి. 15అప్పుడు వారి రాజులు, నాయకులు పట్టుబడతారు. వారంతా కలిసి చెరపట్టబడతారు అని యెహోవా చెపుతున్నాడు.”
ప్రస్తుతం ఎంపిక చేయబడింది:
ఆమోసు 1: TERV
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Telugu Holy Bible: Easy-to-Read Version
All rights reserved.
© 1997 Bible League International