కీర్తనలు 75
75
కీర్తన 75
సంగీత దర్శకునికి. “నిర్మూలం చేయకు” అనే రాగము మీద పాడదగినది. ఒక ఆసాపు కీర్తన. ఒక గీతము.
1దేవా, మేము మిమ్మల్ని స్తుతిస్తాము;
మీ పేరు సమీపంగా ఉన్నదని మేము మిమ్మల్ని స్తుతిస్తాం;
ప్రజలు మీ అద్భుతమైన కార్యాలను గురించి చెప్పుతారు.
2“నేను నిర్ణీత సమయంలో;
న్యాయంగా తీర్పు తీరుస్తాను.
3భూమి దాని ప్రజలంతా భయంతో వణికినప్పుడు,
దాని స్తంభాలను గట్టిగా పట్టుకున్నది నేనే. సెలా
4అహంకారులతో అహంకారంగా ఉండవద్దు అని
దుష్టులతో, ‘మీ కొమ్ములను#75:4 కొమ్ములను ఇక్కడ బలాన్ని సూచిస్తున్నాయి; 5 10 వచనాల్లో కూడా ఎత్తకండి.
5ఆకాశం వైపు మీ కొమ్ము ఎత్తకండి;
అంత గర్వంగా మాట్లాడకండి’ ” అని మీరంటారు.
6తూర్పు నుండి కాని పడమర నుండి కాని
అరణ్యం నుండి కాని ఎవరూ తమను తాము హెచ్చించుకోలేరు.
7దేవుడే తీర్పు తీరుస్తారు:
ఆయన ఒకని తగ్గిస్తారు, మరొకని హెచ్చిస్తారు.
8యెహోవా చేతిలో ఒక పాత్ర ఉంది
అందులో సుగంధద్రవ్యాలు కలిపిన పొంగుతున్న ద్రాక్షరసం ఉంది;
ఆయన దాన్ని బయటకు కుమ్మరిస్తారు, భూమిలోని దుష్టులందరు
మడ్డితో సహా దాన్ని త్రాగివేస్తారు.
9నేనైతే నిత్యం ప్రకటిస్తాను;
యాకోబు దేవునికి నేను స్తుతి పాడతాను.
10ఎందుకంటే, “దుష్టులందరి కొమ్ములను నేను విరగ్గొడతాను,
కాని నీతిమంతుల కొమ్ములు హెచ్చిస్తాను” అని ఆయన అంటారు.
ప్రస్తుతం ఎంపిక చేయబడింది:
కీర్తనలు 75: TSA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
తెలుగు సమకాలీన అనువాదం, పవిత్ర గ్రంథం
ప్రచురణ హక్కులు © 1976, 1990, 2022, 2024 by Biblica, Inc.
అనుమతితో ఉపయోగించబడింది. ప్రపంచవ్యాప్తంగా అన్ని హక్కులు ప్రత్యేకించబడ్డాయి.
Telugu Contemporary Version, Holy Bible
Copyright © 1976, 1990, 2022, 2024 by Biblica, Inc.
Used with permission. All rights reserved worldwide.