1Mos. 2
2
1Iageti kele ailepa aigalai sangamberi polak samba sibabara kabagania. 2#2Mos. 20:11; Ibr. 4:4, 10 Ka gogoi sikapitu ailepaakean Taikamanua galajetNia nenda, lepa puarinangan. 3Iageti sukatnakenangan gogoi sikapitu nenda samba bailiuakenanganNia gogoi sikokoi, kalulut ka gogoi nenda te aipuari Taikamanua, lepat ailepaake galajetNia.
4Nene te enungan katugalaiat manua samba polak.
Kateteret aigalai si Tuhan Taikamanua manua samba polak, – 5ta'pei anai uremen sipututu'tu' samba ta'pei anai siureman ka polak, kalulut ta'pei aibeleake urat si Tuhan samba ta'pei anai sirimanua. 6Tapoi oinan aitaddangan muguruk ka epe' samba aisuaijingan uddut polak.
7 #
1Kor. 15:45
Lepa alanangan goiso polak Taikamanua, tappananganNia bailiu sara sirimanua, lepa ulupmakenangan enga purinanuaiat kalobak asaknia, iageti purimanuanangan sirimanua nenda.
8Lepa nenda galainangan si Tuhan Taikamanua mone ka Eden, ka isit kakaiaman samba iuddetnake sedda sirimanua sitappania nenda. 9#Pamoil. 2:7, 22:2, 14 Si Tuhan Taikamanua masitu'tuake senengamata loina simalainge, sibaraake bua simalainge. Katalagat mone putu'tunangan loina sibaraake purimanuaiat samba loina sibaraake puaagai pagalaiat simaeru samba sikatai.
10Sara bagat oinan muguruk barania ka Eden isuaiji mone nenda. Samba barania sedda bagat oinan nenda rubei bailiu epatngarubeiat. 11Siboiki sipuoni Pitos, bagat oinan nenda muguruk masibokko polak Hawila. 12Sedda ai mas simeru samba leu pusinginan simabesi gaba, samba permata. 13Bagat oinan sikarua sipuoni Gihon; oinannia muguruk masibokko polak Kus. 14Bagat oinan si katelu sipuoni Tigris samba muguruk ka isit kakaiaman Asyur. Bagat oinan si kaepat sipuoni Efrat.
15Lepa uddetnakenangan Tuhan Taikamanua sirimanua nenda ka mone Eden masigalai samba masipasikeli mone nenda. 16Kuanangan si Tuhan katubut sirimanua nenda, “Momoi le nukom kam sangamberi buat kaju ka sangamberi loina ka mone nene, 17tapoi loina siake puaagai pagalaiat simaeru samba sikatai, ta'momoi nukom buania, ke'bai nukomnia, matei te geti ekeu ka gogoi nenda leu et.”
18Lepa kuanangan Tuhan Taikamanua, “Ta'maeru ipurimanua sarania sirimanua. Kubabaraake le geti alei simanteu masiropmakenia.” 19Iageti alanangan goiso polak samba galainangan senengamata leiti polak samba uma. Sangamberinia iambit Taikamanua katubut sirimanua nenda masiitso apa oni kaunennia katubut paleiti'-leiti' nenda. Nenda te bakkat kabaraiatnia oninia sene-senen leiti ka polak samba ka pata. 20Kise te sirimanua nenda rakau oni ka sangamberi leiti ka polak samba ka pata. Tapoi beri sara katalagania moi ibailiu alei simanteu sipasiroropnia.
21Iageti galainangan si Tuhan Taikamanua imalaulau sirimanua, samba ainia memerep, alanangan si Tuhan sara tolat usu ka sirimanua nenda, lepa tabbonangan sialakat tolat nenda pasamba akkula. 22Ka tolat usu nenda galainangan sara si Tuhan sinanalep, lepa ambitnangannia katubut sirimanua nenda. 23Iageti kuanangan sirimanua nenda,
“Nene te nia, sirimanua simakere pasamba aku –
tolat sibara ka tolatku, samba akkula sibara ka akkulaku.
Kuoniake le nia sinanalep, kalulut nia tuala ka simanteu.”
24 #
Mat. 19:5; Mrk. 10:7-8; 1Kor. 6:16; Ep. 5:31 Nene te lulunia sirimanua simanteu ikakaddiuake ukkui samba inania samba masiloplopmake tubu pasamba sinanalepnia, iageti bailiu sia sangaakkula. 25Simanteu samba sinanalep nenda sibulutut, tapoi ta'raagai aila.
ప్రస్తుతం ఎంపిక చేయబడింది:
1Mos. 2: MWV
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి