Kèʼlo 5
5
Rám Adam yee kèʼ fo Set, e dù, e mèé e Noa
(1 Wòŋ 1.1‑4)
1Rám Adame rə̀ne mo vé‑eè saŋen mo yí‑iì dzəə̀n. A kí dzə̀ jii, Nyùy‑iì bòm wír e wun nshwìnín, wù wáa dzə moo wun. 2A wù‑uù bòm a dzə̀ lumèn wùn wiíy, e səə̀vì áwune, e yòŋ ji wir msòŋ. 3Adam meé kiyá kishóv mtaár e wiì (130), e dzə̀ə́ wán lumèn e wùn nshwìnín, wù wáa dzə rú moo wun, e shù yír ji Set. 4Mo wù‑uù dzəən Set bèy, e kfə̀n dzə̀ʼə̀m viyá vímóʼ ví ghií waamé (800), e dzə̀ə́ wón ámóʼó vee vilum wùn à vee vikìyí. 5Adam‑eè dzə̀ʼə̀m kiyá kishóv mtaár e ghiì bvə̀ʼə̀ (930), e nèn kpù.
6Set dzə̀ʼə̀m kiyá nshòv sitàn e wiì (105), e dzə̀ə́ Enosh, 7e kfə̀n dzə̀ʼə̀m viyá vímóʼ ví nshòv saàmbà e ghiì waamé (807), e dzə̀ə́ wón ámóʼó vee vilum wùn à vee vikìyí. 8Set‑iì dzə̀ʼə̀m kiyá nshòv sibaà e ghvə̀m e ghiì bvə̀ʼə̀ (912), e nèn kpù.
9Enosh dzə̀ʼə̀m kiyá mbvə̀ʼə̀ (90), e dzə̀ə́ Kenan, 10e kfə̀n dzə̀ʼə̀m viyá vímóʼ ví nshòv sitàn e ghvə̀m e ghiì waamé (815), e dzə̀ə́ wón ámóʼó vee vilum wùn à vee vikìyí. 11Enosh‑iì dzə̀ʼə̀m kiyá nshòv sitàn e ghiì bvə̀ʼə̀ (905), e nèn kpù.
12Kenan dzə̀ʼə̀m kiyá msaàmbà (70), e dzə̀ə́ Mahalalel, 13e kfə̀n dzə̀ʼə̀m viyá vímóʼ ví kishóv mkweè e ghiì waamé (840), e dzə̀ə́ wón ámóʼó vee vilum wùn à vee vikìyí. 14Kenan‑eè dzə̀ʼə̀m kiyá kishóv ghvə̀m e ghiì bvə̀ʼə̀ (910), e nèn kpù.
15Mahalalel dzə̀ʼə̀m kiyá nshòv sitàn e mntuùfú (65), e dzə̀ə́ Jared, 16e kfə̀n dzə̀ʼə̀m viyá vímóʼ ví kishóv mtaár e ghiì waamé (830), e dzə̀ə́ wón ámóʼó vee vilum wùn à vee vikìyí. 17Mahalalel‑iì dzə̀ʼə̀m kiyá nshòv sitàn e mbvə̀ʼə̀ e ghiì waamé (895), e nèn kpù.
18Jared dzə̀ʼə̀m kiyá nshòv sibaà e mntuùfú e wiì (162), e dzə̀ə́ Enok, 19e kfə̀n dzə̀ʼə̀m viyá vímóʼ ví ghií waamé (800), e dzə̀ə́ wón ámóʼó vee vilum wùn à vee vikìyí. 20Jared‑iì dzə̀ʼə̀m kiyá nshòv sibaà e mntuùfú e ghiì bvə̀ʼə̀ (962), e nèn kpù.
21Enok dzə̀ʼə̀m kiyá nshòv sitàn e mntuùfú (65), e dzə̀ə́ Metusela. 22A Enok dzə́, yúnin Nyùy, ghán e wun mbòv. Mo wù dzəən Metusela, e kfə̀n dzə̀ʼə̀m viyá vímóʼ ví ghii taár (300), e dzə̀ə́ wón ámóʼó vee vilum wùn à vee vikìyí. 23Enok‑iì dzə̀ʼə̀m kiyá nshòv sitàn e mntuùfú e ghiì taár (365). 24Mo wù‑uù yúnin Nyùy, ghán e wun mbòv bey, wù nèn sàsìn, e lày làyìn, a lí Nyùy wun.
25Metusela dzə̀ʼə̀m kiyá nshòv saàmbà e mwaamé e wiì (187), e dzə̀ə́ Lamek, 26e kfə̀n dzə̀ʼə̀m viyá vímóʼ ví nshòv sibaà e mwaamé e ghiì saàmbà (782), e dzə̀ə́ wón ámóʼó vee vilum wùn à vee vikìyí. 27Metusela‑aà dzə̀ʼə̀m kiyá nshòv bvə̀ʼə̀ e mntuùfú e ghiì bvə̀ʼə̀ (969), e nèn kpù.
28Lamek dzə̀ʼə̀m kiyá nshòv sibaà e mwaamé e wiì (182), e dzə̀ə́ wán lumèn, 29e shù yír rə́ ji Noa#5.29: Noa: E Lǎm Hibru, yír rə́ne koó fo kisuŋnìn moo jí yee «rəsìn.». A wù shu bèy, suuy jii, «Wan və̀n yíi fo ver rəsìn fo věr lìm, à fo věr akàtìr veé nsay ye Nyùy‑iì shovin.» 30Lamek kfən dzə̀ʼə̀m viyá vímóʼ ví nshòv sitàn e mbvə̀ʼə̀ e ghiì tàn (595), e dzə̀ə́ wón ámóʼó vee vilum wùn à vee vikìyí. 31Lamek‑iì dzə̀ʼə̀m kiyá nshòv saàmbà e msaàmbà e ghiì saàmbà (777), e nèn kpù.
32Noa dzə̀ʼə̀m kiyá ghii tàn (500), e nèn dzə̀ə́ Shem wùn à Ham, à Jafet.
ప్రస్తుతం ఎంపిక చేయబడింది:
Kèʼlo 5: LNB
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2022 CABTAL