LUKA 16
16
Mohôhtuhpa ngâchhih leipa pakhona bie
1Zisu ta a pachupazy hnohta, he bie chhao he reih ta, “Chyhsa hneirôhpa pakha ta sôh mohôhtuhpa hnei ta, cha chyhsa chata a sôh a pahryuh thlâhthlipa kyh chyhsazy ta ano lâ vaw leih ei ta. 2Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta. 3Sôh mohôhtuhpa cha a palôh liata, ‘Ei zibeipa ta sôh mohôhna rai ei hriapa na pabâ â chhuah haw. Kheihta ma ei tao aw? Lei palie thei tlôh na va, kudao awpa hra ei noza tlôh. 4Sôh mohôhna tawhta pabâhpa ei châ tita, chyhsazy ta ama o liata eina paysa thei nawpa ei ta a taozie awpa ei pahno haw,’ tah ta. 5Chatanachata a zibeipa sôh a bâhpazy pakha pakha ta aw ta, a hmiatuapa hnohta, ‘Ei zibeipa liata khazie nâ bâh?’ tah ta. 6Ano ta, ‘Sathaw ôh za kha,’ tah ta. Sôh mohôhtuhpa ta a hnohta, ‘Na châbu la la, a tyuh para la, sypangawh roh teh,’ tah ta. 7Ahropa hnohta, ‘Nâma zaw khazie nâ bâh?’ tah ta. Ano ta, ‘Sâh saikhua za kha,’ tah ta. Ano ta a hnohta, ‘Na châbu la la, sycharie roh teh,’ tah ta. 8A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via. 9Ei cha chho ei, khizaw sôh ta viasa a tao teh u. Chatanachata sôh a chhâ tita chhâzaw pahrâna suzy liata ama cha paysa aw.
10 “A chyhta chô liata ngâchhihpa cha, a hluhpi chô liata chhao ngâ â chhih tyh. A chyhta chô liata ngâchhih leipa cha, a hluhpi chô liata ngâchhih hra aw vei. 11Khizaw sôh chô liata hmah ngâ namâ chhih vei khiahta cha, ahy ma sôh hmeiseihpa châ pavaosa ngâh aw ei? 12Chyhsa hropa eih chô liata hmah ngâ namâ chhih vei khiahta cha, ahy ma nâmo eih awpa châ pie aw ei? 13#Mat 6.24Chakaotuhpa ahy hmah hyutuhpa pano chakao pabaoh thei vei. Pakha a haopa ta pakha khoh aw ta, pakha a châhkheipa ta pakha a mohnao aw. Khazohpa nata sôh chakao pabaoh thei veih ei chi,” tah ta.
Ryhpa nata Khazohpa Khinarâh
(Mat 11.12-13; 5.31-32; Mka 10.11-12)
14Cha biezy cha tâkâ a tlaichhai kawpa Phârisaihzy ta ama thei nahta, pahneisao ei ta. 15Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.
16 #
Mat 11.12,13 “Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ. 17#Mat 5.18Châhrasala ryhpa bie miakhata chhao a lei awpa hlâta, alei nata avâ leidia awpa a nao via.
Nôvah achhaihna kyh
(Mat 19.1-12; Mka 10.1-12)
18 #
Mat 5.32; 1 Kaw 7.10,11 “Ahy rai a lapinô ma ta, lapinô hropa a hneipa cha â pheipa a châ. A vahpa nata a chhaihpa chanô a hneipa chhao â pheipa a châ hra.
Hneirôhpa nata Lâzarâh
19 “Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta. 20A kaohrai thaby liata sipasapa pakha, a moh Lâzarâh ama tahpa, a pôhpa duata hmah ta a biepa a zia tyh ta. 21Chyhsa hneirôhpa tlâhkhai tawhta a tlaopazy nie awpa a khohpa vâta, cha liata â zia tyhpa a châ. Izy a vy ei ta, a hmahzy ama paliepa tyh. 22Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta. 23Athihkhih liata thata pasa tao ta, avâ kaw ua ta, lâhlapi liata Abarahâ kei hmô ta, Lâzarâh cha a kalachhôh liata vaw y thlâh ha ta. 24Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta. 25Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw. 26Cha leipa chhao ta, he su tawhta nâmo lâ sie a chhuahpazy ta ama sie thei lei nawpa nata kha su tawhta keimo lâ ahy hmah amâ vy thei lei nawpa ta, keimo nata nâmo likawh liata leichiepa kawh ngaitapa taopa a châ haw,’ tah ta. 27Hneirôhpa ta, ‘Cha khiahta la, ei paw y, Lâzarâh kha ei paw o lâ chhâ na tuah awpa ta ei châ haw. 28Unawh papangawh hnei na ta, he su lâ amâ vy pathlei hra lei nawpa ta, zikyu a kei râ awpa ta tuah mah y,’ tah ta. 29Abarahâ ta, ‘Mawsi nata hrohsopazy ama hnei mâh tâh. Âmo bie nathlie mawh ei sy,’ tah ta. 30Hneirôhpa ta, ‘Châ vei, ei paw Abarahâ y, athihpa hry tawhtapa tlai ta âmo lâ a vaw khiahta cha, ama ro aw,’ tah ta. 31Abarahâ ta a hnohta, ‘Mawsi nata hrohsopazy bie ama nathlie vei khiahta cha, athihpa hry tawhta a thyupa y hra sala, a bie zo hlei aw veih ei,’” tah ta.
ప్రస్తుతం ఎంపిక చేయబడింది:
LUKA 16: MARVBSI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible Society of India
© 2023, Used by permission. All rights reserved.
LUKA 16
16
Mohôhtuhpa ngâchhih leipa pakhona bie
1Zisu ta a pachupazy hnohta, he bie chhao he reih ta, “Chyhsa hneirôhpa pakha ta sôh mohôhtuhpa hnei ta, cha chyhsa chata a sôh a pahryuh thlâhthlipa kyh chyhsazy ta ano lâ vaw leih ei ta. 2Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta. 3Sôh mohôhtuhpa cha a palôh liata, ‘Ei zibeipa ta sôh mohôhna rai ei hriapa na pabâ â chhuah haw. Kheihta ma ei tao aw? Lei palie thei tlôh na va, kudao awpa hra ei noza tlôh. 4Sôh mohôhna tawhta pabâhpa ei châ tita, chyhsazy ta ama o liata eina paysa thei nawpa ei ta a taozie awpa ei pahno haw,’ tah ta. 5Chatanachata a zibeipa sôh a bâhpazy pakha pakha ta aw ta, a hmiatuapa hnohta, ‘Ei zibeipa liata khazie nâ bâh?’ tah ta. 6Ano ta, ‘Sathaw ôh za kha,’ tah ta. Sôh mohôhtuhpa ta a hnohta, ‘Na châbu la la, a tyuh para la, sypangawh roh teh,’ tah ta. 7Ahropa hnohta, ‘Nâma zaw khazie nâ bâh?’ tah ta. Ano ta, ‘Sâh saikhua za kha,’ tah ta. Ano ta a hnohta, ‘Na châbu la la, sycharie roh teh,’ tah ta. 8A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via. 9Ei cha chho ei, khizaw sôh ta viasa a tao teh u. Chatanachata sôh a chhâ tita chhâzaw pahrâna suzy liata ama cha paysa aw.
10 “A chyhta chô liata ngâchhihpa cha, a hluhpi chô liata chhao ngâ â chhih tyh. A chyhta chô liata ngâchhih leipa cha, a hluhpi chô liata ngâchhih hra aw vei. 11Khizaw sôh chô liata hmah ngâ namâ chhih vei khiahta cha, ahy ma sôh hmeiseihpa châ pavaosa ngâh aw ei? 12Chyhsa hropa eih chô liata hmah ngâ namâ chhih vei khiahta cha, ahy ma nâmo eih awpa châ pie aw ei? 13#Mat 6.24Chakaotuhpa ahy hmah hyutuhpa pano chakao pabaoh thei vei. Pakha a haopa ta pakha khoh aw ta, pakha a châhkheipa ta pakha a mohnao aw. Khazohpa nata sôh chakao pabaoh thei veih ei chi,” tah ta.
Ryhpa nata Khazohpa Khinarâh
(Mat 11.12-13; 5.31-32; Mka 10.11-12)
14Cha biezy cha tâkâ a tlaichhai kawpa Phârisaihzy ta ama thei nahta, pahneisao ei ta. 15Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.
16 #
Mat 11.12,13 “Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ. 17#Mat 5.18Châhrasala ryhpa bie miakhata chhao a lei awpa hlâta, alei nata avâ leidia awpa a nao via.
Nôvah achhaihna kyh
(Mat 19.1-12; Mka 10.1-12)
18 #
Mat 5.32; 1 Kaw 7.10,11 “Ahy rai a lapinô ma ta, lapinô hropa a hneipa cha â pheipa a châ. A vahpa nata a chhaihpa chanô a hneipa chhao â pheipa a châ hra.
Hneirôhpa nata Lâzarâh
19 “Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta. 20A kaohrai thaby liata sipasapa pakha, a moh Lâzarâh ama tahpa, a pôhpa duata hmah ta a biepa a zia tyh ta. 21Chyhsa hneirôhpa tlâhkhai tawhta a tlaopazy nie awpa a khohpa vâta, cha liata â zia tyhpa a châ. Izy a vy ei ta, a hmahzy ama paliepa tyh. 22Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta. 23Athihkhih liata thata pasa tao ta, avâ kaw ua ta, lâhlapi liata Abarahâ kei hmô ta, Lâzarâh cha a kalachhôh liata vaw y thlâh ha ta. 24Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta. 25Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw. 26Cha leipa chhao ta, he su tawhta nâmo lâ sie a chhuahpazy ta ama sie thei lei nawpa nata kha su tawhta keimo lâ ahy hmah amâ vy thei lei nawpa ta, keimo nata nâmo likawh liata leichiepa kawh ngaitapa taopa a châ haw,’ tah ta. 27Hneirôhpa ta, ‘Cha khiahta la, ei paw y, Lâzarâh kha ei paw o lâ chhâ na tuah awpa ta ei châ haw. 28Unawh papangawh hnei na ta, he su lâ amâ vy pathlei hra lei nawpa ta, zikyu a kei râ awpa ta tuah mah y,’ tah ta. 29Abarahâ ta, ‘Mawsi nata hrohsopazy ama hnei mâh tâh. Âmo bie nathlie mawh ei sy,’ tah ta. 30Hneirôhpa ta, ‘Châ vei, ei paw Abarahâ y, athihpa hry tawhtapa tlai ta âmo lâ a vaw khiahta cha, ama ro aw,’ tah ta. 31Abarahâ ta a hnohta, ‘Mawsi nata hrohsopazy bie ama nathlie vei khiahta cha, athihpa hry tawhta a thyupa y hra sala, a bie zo hlei aw veih ei,’” tah ta.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible Society of India
© 2023, Used by permission. All rights reserved.