LUKA 17
17
Molei reipasaona
(Mat 18.6-7,21-22; Mka 9.42)
1Zisu ta a pachupazy hnohta, “Molei reipasaona cha a y awpa a châ. Châhrasala reipasaotuhpa cha a hu a po na! 2He hawti chyhpatazy hry liata pakha chhao pamoleisa awpa hlâta cha, a pamoleisatuhpa cha a rao liata charona lô paaopa ta, tilaipi liata pathla syulyupa châ sala, a châta a pha via aw. 3#Mat 18.15Â vaih teh u! Na unawhpa ta hmo a parao khiahta cha, chhorei la, a ro khiahta cha, a ngiahthai mah y. 4Na chô liata noh kha ta ei sari hmo a paraopa chhao ta, ‘Ei ro ha na,’ tahpa ta, nâ lâ ei sari â vaw lie khiahta cha, nâ ngiahthai awpa a châ,” tah ta.
Ngiapâna papôhsana
5Lyuhchâpazy ta Abeipa hnohta, “Eimâ ngiapâna papôhsa mah y,” tah ei ta. 6Abeipa ta, “Âhrâ chi hmô kha tie chhâ ta ngiapâna a hneipa châ u la, he malburi kô hnohna heta, ‘A phia la, tilaipi liata a bô teh,’ tah aw ei chi ta, nama rei â ngiah aw.
Chakaotuhpa phahnai leipazy
7 “Nama hry liata chakaotuhpa, lei palietuhpa tlyma, mietaku vaituhpa tlyma, a hneipa y u la, chakaotuhpa cha lyu lâ tawhta a vaw tlô nahta, ‘Tlâhkhai liata pati thlai vaw dôh teh,’ ahy a tah aw? 8‘A patly la, zâpati na taopa teh. Niepa ta ei doh khai hlâlei na chakao la, cha khai tawhta nâ cha niepa ta doh lah vâ chi,’ tlao tah aw vei ma? 9Chakaotuhpa cha biepiepa a taopa vâta a zibeipa ta alyna bie a hlâ beih ma? 10Cha hawhna hra chata nâmo chhao, nama hnohta biepiepa zydua nama tao khai tita, ‘Chakaotuhpa phahnai leipa eima châ, eima tao awpa na tlâ eima tao,’ tah muh vy,” tah ta.
Phawhpa pahrawh Zisu ta a pathaisa
11Zerusale lâ a sie nota, Samâri nata Kâlili râhri liata sie ta. 12Khih miakha â ngia chy ta, phawhpa pahrawh ta vaw pangai ei ta. Cha chyhsazy cha lâhlapi ta a duah ei ta, 13ao paro ngaitapa ta “Zisu, Hyutuhpa, miah ngiachhie mah y,” tah ei ta. 14#Ttn 14.1-32Zisu ta âmo cha a hmô nahta, ama hnohta, “Vawh u la, theihthaipazy a kei pamosa teh u,” tah ta. Ama sie hai nota vaw pathaih ha ei ta. 15Ama hry liata pakha cha, a tlâh hapa â hmô nahta, ao paro ngaitapa ta Khazohpa reithaina chôta kua ta. 16Zisu phei thaby liata pao ta, a hnohta alyna bie reih ta. Cha chyhsa cha Samâri chyhsa a châ. 17Zisu ta a chhy ta, “Chyhsa pahrawh pathaisapa châ veih ei mâ? Pachakipazy kha khataih liata ama y haw? 18He chihropa dei leipa heta, Khazohpa reithai awpa ta a vaw kuapa pakha chhao y veih ei ma?” tah ta. 19Alyna bie a vaw hlâtuhpa hnohta, “Thyu la, sie mah y, nâ ngiapâna ta a cha patlâh haw,” tah ta.
Khinarâh vaw tlôna
(Mat 24.23-28,36-41)
20Phârisaihzy ta Khazohpa khinarâh vaw tlô nawpa daihti hiahri ei ta, Zisu ta âmo cha a chhy ta, “Khazohpa khinarâh cha mo ta hmô theipa ta vaw tlô aw vei. 21‘Moh teh u, he liata a y!’ ‘Hao liata a y!’ tah hra aw veih ei. Khazohpa khinarâh cha nama chhôh liata a y,” tah ta.
22Chatawhcha pachupazy hnohta, “Chyhsa Sawchapawpa hro nohzy he, noh kha chhâ hmô heih awpa nama khona nohzy a vaw tlô aw. Châhrasala hmô khao aw veih ei chi. 23Nama hnohta, ‘Moh teh u, hao lâ huh!’ ‘Moh teh u, he lâ hih!’ ama cha tah aw. Pua leipa u la, âmo cha zi hra khuh vy. 24Avâ hiakha lâta dôhla pathlie ta, avâ hiakha lâ taihta a khaih tyhpa hawhta, Chyhsa Sawchapawpa he ano noh liata cha a châ aw. 25Châhrasala pasa hluhpi tao tua aw ta, he chhâ chyhsazy ta dythapa ta a y tua aw. 26#Âtn 6.5-8Chyhsa Sawchapawpa â vy heihna nohzy cha, Nôah hro nota yzie hawhna khata a châ aw. 27#Âtn 7.6-24Nôah balyh liata â ngiana noh taihta niedopa ta y ei ta, nôpi nôvahzy amâ pakia. Tipaua vaw tlô ta, ama zydua ta a pahleipadia khai ha ei. 28#Âtn 18.20—19.25Lawta hro nohzy liana chhao khata, cha hawhta a y hra. Niepa ta doh ei ta, hmo chalei ei ta, zuah ei ta, chi cheih ei ta, ozy ama sa. 29Châhrasala Sawdawmâ khih tawhta Lawta a pua noh liata, vârâh tawhta mei nata kaih za suah ta, ama zydua ta a pahleipadia khai ha ei. 30Chyhsa Sawchapawpa chaluahpa ta a yna noh liata chhao, cha hawhta a châ hra aw. 31#Mat 24.17,18; Mka 13.15,16Cha noh liata, vâphuh liata a ypa ta a o chhôh liata a hmozy la awpa ta chô khah sy. Lyu liata a ypa chhao ta, o lâ sie khah sy. 32#Âtn 19.26Lawta lapinô kha a thei thlâh ha teh u. 33#Mat 10.39; 16.25; Mka 8.35; Lka 9.24; Zhn 12.25Ahy rai a hrona pabohsa a chhuahpa cha, a hrona pahlei aw ta, a hrona a pahleipa deikua cha, a hrona a pabohsa aw. 34Ei cha chho ei, cha zâ liana cha, rakhô miakha liata chyhsa pano a zia aw ei ta, pakha lapa châ aw ta, pakha siesaipa a châ aw. 35Chanô pano sâh daih khoh aw ei ta, pakha lapa châ aw ta, pakha siesaipa a châ aw. 36Chyhsa pano lyu liata y aw ei ta, pakha lapa châ aw ta, pakha siesaipa a châ aw,”#17.36 Châh 36-na he hlâno kuropa Biehrai thokha liata y vei. tah ta. 37Pachupazy ta a hnohta, “Abeipa, khataih liata maw?” tah ei ta. Zisu ta ama hnohta, “Sawhsawpa yna liata vâkhiehzy amâ hmaoh tyh,” tah ta.
ప్రస్తుతం ఎంపిక చేయబడింది:
LUKA 17: MARVBSI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible Society of India
© 2023, Used by permission. All rights reserved.
LUKA 17
17
Molei reipasaona
(Mat 18.6-7,21-22; Mka 9.42)
1Zisu ta a pachupazy hnohta, “Molei reipasaona cha a y awpa a châ. Châhrasala reipasaotuhpa cha a hu a po na! 2He hawti chyhpatazy hry liata pakha chhao pamoleisa awpa hlâta cha, a pamoleisatuhpa cha a rao liata charona lô paaopa ta, tilaipi liata pathla syulyupa châ sala, a châta a pha via aw. 3#Mat 18.15Â vaih teh u! Na unawhpa ta hmo a parao khiahta cha, chhorei la, a ro khiahta cha, a ngiahthai mah y. 4Na chô liata noh kha ta ei sari hmo a paraopa chhao ta, ‘Ei ro ha na,’ tahpa ta, nâ lâ ei sari â vaw lie khiahta cha, nâ ngiahthai awpa a châ,” tah ta.
Ngiapâna papôhsana
5Lyuhchâpazy ta Abeipa hnohta, “Eimâ ngiapâna papôhsa mah y,” tah ei ta. 6Abeipa ta, “Âhrâ chi hmô kha tie chhâ ta ngiapâna a hneipa châ u la, he malburi kô hnohna heta, ‘A phia la, tilaipi liata a bô teh,’ tah aw ei chi ta, nama rei â ngiah aw.
Chakaotuhpa phahnai leipazy
7 “Nama hry liata chakaotuhpa, lei palietuhpa tlyma, mietaku vaituhpa tlyma, a hneipa y u la, chakaotuhpa cha lyu lâ tawhta a vaw tlô nahta, ‘Tlâhkhai liata pati thlai vaw dôh teh,’ ahy a tah aw? 8‘A patly la, zâpati na taopa teh. Niepa ta ei doh khai hlâlei na chakao la, cha khai tawhta nâ cha niepa ta doh lah vâ chi,’ tlao tah aw vei ma? 9Chakaotuhpa cha biepiepa a taopa vâta a zibeipa ta alyna bie a hlâ beih ma? 10Cha hawhna hra chata nâmo chhao, nama hnohta biepiepa zydua nama tao khai tita, ‘Chakaotuhpa phahnai leipa eima châ, eima tao awpa na tlâ eima tao,’ tah muh vy,” tah ta.
Phawhpa pahrawh Zisu ta a pathaisa
11Zerusale lâ a sie nota, Samâri nata Kâlili râhri liata sie ta. 12Khih miakha â ngia chy ta, phawhpa pahrawh ta vaw pangai ei ta. Cha chyhsazy cha lâhlapi ta a duah ei ta, 13ao paro ngaitapa ta “Zisu, Hyutuhpa, miah ngiachhie mah y,” tah ei ta. 14#Ttn 14.1-32Zisu ta âmo cha a hmô nahta, ama hnohta, “Vawh u la, theihthaipazy a kei pamosa teh u,” tah ta. Ama sie hai nota vaw pathaih ha ei ta. 15Ama hry liata pakha cha, a tlâh hapa â hmô nahta, ao paro ngaitapa ta Khazohpa reithaina chôta kua ta. 16Zisu phei thaby liata pao ta, a hnohta alyna bie reih ta. Cha chyhsa cha Samâri chyhsa a châ. 17Zisu ta a chhy ta, “Chyhsa pahrawh pathaisapa châ veih ei mâ? Pachakipazy kha khataih liata ama y haw? 18He chihropa dei leipa heta, Khazohpa reithai awpa ta a vaw kuapa pakha chhao y veih ei ma?” tah ta. 19Alyna bie a vaw hlâtuhpa hnohta, “Thyu la, sie mah y, nâ ngiapâna ta a cha patlâh haw,” tah ta.
Khinarâh vaw tlôna
(Mat 24.23-28,36-41)
20Phârisaihzy ta Khazohpa khinarâh vaw tlô nawpa daihti hiahri ei ta, Zisu ta âmo cha a chhy ta, “Khazohpa khinarâh cha mo ta hmô theipa ta vaw tlô aw vei. 21‘Moh teh u, he liata a y!’ ‘Hao liata a y!’ tah hra aw veih ei. Khazohpa khinarâh cha nama chhôh liata a y,” tah ta.
22Chatawhcha pachupazy hnohta, “Chyhsa Sawchapawpa hro nohzy he, noh kha chhâ hmô heih awpa nama khona nohzy a vaw tlô aw. Châhrasala hmô khao aw veih ei chi. 23Nama hnohta, ‘Moh teh u, hao lâ huh!’ ‘Moh teh u, he lâ hih!’ ama cha tah aw. Pua leipa u la, âmo cha zi hra khuh vy. 24Avâ hiakha lâta dôhla pathlie ta, avâ hiakha lâ taihta a khaih tyhpa hawhta, Chyhsa Sawchapawpa he ano noh liata cha a châ aw. 25Châhrasala pasa hluhpi tao tua aw ta, he chhâ chyhsazy ta dythapa ta a y tua aw. 26#Âtn 6.5-8Chyhsa Sawchapawpa â vy heihna nohzy cha, Nôah hro nota yzie hawhna khata a châ aw. 27#Âtn 7.6-24Nôah balyh liata â ngiana noh taihta niedopa ta y ei ta, nôpi nôvahzy amâ pakia. Tipaua vaw tlô ta, ama zydua ta a pahleipadia khai ha ei. 28#Âtn 18.20—19.25Lawta hro nohzy liana chhao khata, cha hawhta a y hra. Niepa ta doh ei ta, hmo chalei ei ta, zuah ei ta, chi cheih ei ta, ozy ama sa. 29Châhrasala Sawdawmâ khih tawhta Lawta a pua noh liata, vârâh tawhta mei nata kaih za suah ta, ama zydua ta a pahleipadia khai ha ei. 30Chyhsa Sawchapawpa chaluahpa ta a yna noh liata chhao, cha hawhta a châ hra aw. 31#Mat 24.17,18; Mka 13.15,16Cha noh liata, vâphuh liata a ypa ta a o chhôh liata a hmozy la awpa ta chô khah sy. Lyu liata a ypa chhao ta, o lâ sie khah sy. 32#Âtn 19.26Lawta lapinô kha a thei thlâh ha teh u. 33#Mat 10.39; 16.25; Mka 8.35; Lka 9.24; Zhn 12.25Ahy rai a hrona pabohsa a chhuahpa cha, a hrona pahlei aw ta, a hrona a pahleipa deikua cha, a hrona a pabohsa aw. 34Ei cha chho ei, cha zâ liana cha, rakhô miakha liata chyhsa pano a zia aw ei ta, pakha lapa châ aw ta, pakha siesaipa a châ aw. 35Chanô pano sâh daih khoh aw ei ta, pakha lapa châ aw ta, pakha siesaipa a châ aw. 36Chyhsa pano lyu liata y aw ei ta, pakha lapa châ aw ta, pakha siesaipa a châ aw,”#17.36 Châh 36-na he hlâno kuropa Biehrai thokha liata y vei. tah ta. 37Pachupazy ta a hnohta, “Abeipa, khataih liata maw?” tah ei ta. Zisu ta ama hnohta, “Sawhsawpa yna liata vâkhiehzy amâ hmaoh tyh,” tah ta.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible Society of India
© 2023, Used by permission. All rights reserved.