Ruti 1
1
Naomi bet' Ruti
1Rane gogoton baban ria binangar' pa Izreli, gavoro keka sone pa melaka, keka tinon main Betilihema pa Ziuda, turangi no rekmaqota beti kori no malea, Lago suver' hite pa Moabi. 2Isongon aia tinoni Elimeleki, no rekmaqota, Naomi, beti kori no malea, Maloni beti Kilioni, ria Eparata maidi Betilihema, Ziuda. Beti lago ria pa Moabi beti suver ie.
3Kopirina, Elimeleki, rekmalea ta Naomi mate, Naomi beti kori no malea suverhola. 4Kapo rikori rekmaqot' Moabaiti, keka Opa isongona beti keka Ruti. Beti suver' ria ie manoputa haoro. 5Mate naho Maloni beti Kilioni, pahu Naomi rikori no malea beti no rekmalea.
6Gogoton kora pa Moabi Naomi, lemoni aia manani Zihova no tinoni, beti nanavani ri ngingina aia. Gagiri Naomi beti kori no magotroroto gumi mule pa no sau. 7Pahu turangi aia rikori no magotroroto pa ie suver aia, bet' podal' nibak' pa ripe ia kat' toke mule ria pa melak' pa Ziuda.
8Qi gu Naomi padi rikori no magotroroto, <<Hokeka mule gamkori pa gugusu ta tinami. Zihova ke tokani gamkori, gu tokani gamkori ria ia tode mate beti pang rai. 9Zihova ke vaboboke hokeka pami gamkori, gumi ke pite gamkori manari pa sau ta rekmalea korega ta gamkori.>> Qi nabe tatari aia rikori, beti ngire va ululu rikuhe.
10Beti nabe rikori pan aia, <<Kate mule turangi akori goi pa mu tinoni.>>
11Ba nabe Naomi, <<Mule pa mu sau, qu tugu. Dakoho leana koni tokmudi gamkori rai, na rai ke da boka podo kobur' mule, Gumi mi rekmalea. 12Mule pa mi sau, qu koburmagota; Rai tode qoele dak boka varkapo mule. Ba koni kora kole qu vinsosoto ia kate kole qu rekmalea pa bongi pia, bet' pora qu tuna malea rai, 13Ke verani gamkori tibul lavat sagedi rikori? Kat' suver' davarkapo verani gamkori rikori? Dake, qu tugu. Qu pinatianga pasa holani mi pinatianga, na lago Zihova vasolingi rai.>>
14Ngire mule rikuhe. Beti, nabtatari Opa no iva, ba tamtari Ruti pan Naomi.
15<<Omea,>> gu Naomi, <<Mu tasim roroto mule pa no tinoni bet' pa no bangara. Mule turangia.>>
16Ba olang Ruti, <<dana oli goi rai pahu goi, babi keker'mudi pam goi. Ova lago goi kate lago rai, bet' ova suver' goi kate suver' rai. Mu Tinon kate qu tinoni beti mu Bangara kate qu Bangara. 17Ova mate goi kate mate rai, beti ie kate pomun rai. Zihova ke kilasi rai koni pikat rai pam goi, minate ho ke varpikatani gikori.>> 18Gogoton gigile Naomi ia babaros ororu ta Ruti gumi tokmudi aia, noso aia oli aia.
19Qi nibaka rikori rekmagota tibol mai kamo ria pa Betlihema. Gogoton kamo rikori pa Betlihema, bigas dogurudi pa toani ia pa rikori, beti idos ria rekmagot ie, <<aia Naomi?>>
20<<Dana uini rai Naomi,>> Pitoni aia ria. <<Ui nau Mara, na vapase Zihova qu tinoa. 21Tapahu hie rai, ba tekmule mai Zihova rai hai kokobang. Osi ui nau Naomi? Vakilasi Zihova rai, lago LAVATANA vasolingi rai.>>
22Qi mule turangi Naomi Ruti kokondi Moabi; Ruti rekmagot pa Moabaiti, no magot roroto, kamo pa Betlihema rikori gogoton podal kokopot' bali.
ప్రస్తుతం ఎంపిక చేయబడింది:
Ruti 1: NKE
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2024, Islands Bible Ministries. All rights reserved.