యెషయా 12

స్తుతి పాటలు

1ఆ రోజున మీరు ఇలా అంటారు:

“యెహోవా, నేను మిమ్మల్ని స్తుతిస్తాను.

మీరు నాపై కోప్పడినా కూడా

మీ కోపం చల్లారింది

మీరు నన్ను ఆదరించారు.

2నిజంగా దేవుడే నా రక్షణ;

నేను భయపడను ఆయనను నమ్ముతాను.

యెహోవా యెహోవాయే నా బలం, నా ఆత్మరక్షణ;

ఆయనే నా రక్షణ అయ్యారు.”

3మీరు రక్షణ బావులలో నుండి

ఆనందంతో నీళ్లు చేదుతారు.

4ఆ రోజున మీరు ఇలా అంటారు:

“యెహోవాకు స్తుతి చెల్లించండి, ఆయన నామాన్ని ప్రకటించండి;

దేశాల్లో ఆయన చేసిన కార్యాలను తెలియజేయండి,

ఆయన పేరు ఘనమైనదని ప్రకటించండి.

5యెహోవాకు స్తుతి చెల్లించండి, ఆయన మహిమగల కార్యాలు చేశారు;

లోకమంతటికి ఇది తెలియాలి.

6సీయోను ప్రజలారా, బిగ్గరగా కేకలువేస్తూ సంతోషంతో పాడండి,

ఎందుకంటే, మీ మధ్య ఉన్న ఇశ్రాయేలు పరిశుద్ధుడు గొప్పవాడు.”

ప్రస్తుతం ఎంపిక చేయబడింది:

యెషయా 12: OTSA

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

Biblica® ఉచిత తెలుగు సమకాలీన అనువాదం™

Biblica® Open Telugu Contemporary Version™

Biblica® ఉచిత తెలుగు సమకాలీన అనువాదం గురించి మరింత తెలుసుకోండి