కీర్తనలు 122
122
కీర్తన 122
దావీదు యాత్రకీర్తన.
1“యెహోవా ఆలయానికి వెళ్దాం” అని
నాతో అన్న వారితో నేను సంతోషించాను.
2ఓ యెరూషలేమా, మీ గుమ్మాల్లో
మా పాదాలు నిలిచి ఉన్నాయి.
3యెరూషలేము బాగుగా కట్టబడిన పట్టణము;
అది దగ్గరగా కుదించబడింది.
4ఇశ్రాయేలీయులకు ఇవ్వబడిన శాసనం ప్రకారం
యెహోవా నామానికి కృతజ్ఞతాస్తుతులు చెల్లించడానికి
వారి గోత్రాలు అనగా
యెహోవా గోత్రాలు అక్కడికి ఎక్కి వెళ్తాయి.
5అక్కడ తీర్పు కొరకైన సింహాసనాలు ఉన్నాయి,
అవి దావీదు ఇంటివారి సింహాసనాలు.
6యెరూషలేము యొక్క సమాధానం కోసం ప్రార్థించండి.
“యెరూషలేమా, నిన్ను ప్రేమించేవారు క్షేమంగా ఉందురు గాక!
7మీ ప్రాకారాలలో సమాధానం
మీ కోట గోడలలో అభివృద్ధి ఉండును గాక!”
8నా సోదరులు నా స్నేహితుల కోసం
“మీలో సమాధానం ఉండును గాక” అని నేను అంటాను.
9మన దేవుడైన యెహోవా మందిరం కోసం
మీ వృద్ధిని నేను కోరతాను.
ప్రస్తుతం ఎంపిక చేయబడింది:
కీర్తనలు 122: OTSA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblica® ఉచిత తెలుగు సమకాలీన అనువాదం™
ప్రచురణ హక్కులు © 1976, 1990, 2022, 2024 by Biblica, Inc.
Biblica® Open Telugu Contemporary Version™
Copyright © 1976, 1990, 2022, 2024 by Biblica, Inc.