కీర్తనలు 23

కీర్తన 23

దావీదు కీర్తన

1యెహోవా నా కాపరి, నాకు ఏ కొరత లేదు.

2పచ్చిక ఉన్నచోట ఆయన నన్ను పడుకోనిస్తారు.

ప్రశాంత జలాల ప్రక్కన ఆయన నన్ను నడిపిస్తారు.

3ఆయన నా ప్రాణానికి సేదదీరుస్తారు.

ఆయన తన నామం కోసం

నీతి మార్గాల్లో నన్ను నడిపిస్తారు.

4మృత్యు నీడలా ఉన్న లోయలో#23:4 లేదా గాఢాంధకారపు లోయలో

నేను నడిచినా,

ఏ కీడుకు భయపడను,

ఎందుకంటే మీరు నాతో ఉన్నారు;

మీ దండం మీ చేతికర్ర

నన్ను ఆదరిస్తాయి.

5నా శత్రువులు ఉన్న చోటనే

మీరు నాకు బల్ల సిద్ధం చేస్తారు.

నూనెతో నా తల అభిషేకించారు;

నా పాత్ర నిండి పొర్లుతుంది.

6నిశ్చయంగా నా జీవితకాలమంతా

మీ మంచితనం మీ మారని ప్రేమ నావెంటే ఉంటాయి.

నేను నిరంతరం

యెహోవా మందిరంలో నివసిస్తాను.

ప్రస్తుతం ఎంపిక చేయబడింది:

కీర్తనలు 23: OTSA

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

Biblica® ఉచిత తెలుగు సమకాలీన అనువాదం™

Biblica® Open Telugu Contemporary Version™

Biblica® ఉచిత తెలుగు సమకాలీన అనువాదం గురించి మరింత తెలుసుకోండి