కీర్తనలు 29
29
కీర్తన 29
దావీదు కీర్తన.
1దేవ కుమారులారా, యెహోవాకు ఆపాదించండి,
మహిమను బలాన్ని యెహోవాకు ఆపాదించండి.
2యెహోవా నామానికి చెందాల్సిన మహిమను ఆయనకే ఆపాదించండి;
ఆయన పరిశుద్ధ వైభవాన్ని బట్టి యెహోవాను ఆరాధించండి.
3యెహోవా స్వరం సముద్రం మీద ప్రతిధ్వనిస్తుంది;
మహిమగల దేవుడు ఉరుముతారు
మహాజలాల మీద యెహోవా స్వరం ప్రతిధ్వనిస్తోంది.
4యెహోవా స్వరం శక్తివంతమైనది;
యెహోవా స్వరం ఘనమైనది.
5యెహోవా స్వరానికి దేవదారు చెట్లు విరిగి పడిపోతాయి;
లెబానోను దేవదారు చెట్లను యెహోవా ముక్కలుగా చేస్తారు.
6ఆయన లెబానోను పర్యతాలను దూడలా,
షిర్యోనును#29:6 అంటే, హెర్మోను పర్వతం అడవి దూడలా చెంగున గంతులు వేసేలా చేస్తారు.
7యెహోవా స్వరం
అగ్ని జ్వాలలను పుట్టిస్తుంది;
8యెహోవా స్వరం ఎడారిని వణికిస్తుంది.
యెహోవా కాదేషు అరణ్యాన్ని కదిలిస్తారు.
9యెహోవా స్వరం లేళ్లను ఈనజేస్తుంది
అడవిలోని ఆకులు రాలిపోయేలా చేస్తుంది.
ఆయన ఆలయంలోని సమస్తం ఆయనకే, “మహిమ” అంటున్నాయి.
10యెహోవా ప్రళయజలాల మీద ఆసీనులయ్యారు;
ఆయనే నిరంతరం రాజుగా పరిపాలిస్తున్నారు.
11యెహోవా తన ప్రజలకు బలాన్ని దయచేస్తారు;
యెహోవా సమాధానంతో తన ప్రజలను ఆశీర్వదిస్తారు.
ప్రస్తుతం ఎంపిక చేయబడింది:
కీర్తనలు 29: OTSA
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblica® ఉచిత తెలుగు సమకాలీన అనువాదం™
ప్రచురణ హక్కులు © 1976, 1990, 2022, 2024 by Biblica, Inc.
Biblica® Open Telugu Contemporary Version™
Copyright © 1976, 1990, 2022, 2024 by Biblica, Inc.