Luke 15 15
15
EMBULI EYATALA
1Abasolesya n'abandi banyamalolo mobasa eyiri Yesu erisyowa ebyakendibugha; 2neryo Abafarisayo n'abasobolya b'ebilaghiro mobayihania bati: “Omulume oyu akangirira abanyamalolo kandi n'erirya akalya nabo!” 3Neryo Yesu mwabatulira omukya ati: 4“Omughuma okw'inywe amabya awite esyombuli ighana kukatala nguma angakola ki? Akasigha esindi kyenda na mwenda omo lulisiryo inyasondya eyatere ahakendibanirayo. 5Akabya abanayo akatsema kutsibu neryo inyahekayo oko bitigho; 6neryo akabya ahika eka, inyabirikira abira n'abikalani, neryo inyababwira ati: ‘Tutsange haghuma, kundi embuli yaghe yilwe iyatere, namabanayo.’ 7Omo mibere iyan'emighumaghuma, ngababwira nyiti, elubula yikendisyabya ebitsange binene busana n'omunyamalolo mughuma oyukatsira kulaba abatunganene kyenda na mwenda.”
E SIRINGI EYATALA
8Yesu mwatasyabugha ati: “Omukali amabya awite siringi ikumi akatalya ko nguma angakola ki? Akatwana olukoleryo, inyabirya e nyumba n'erisalimayo arihika ahakendibanira e siringi eyo. 9Akabya abibanayo, inyabirikira abira n'abikalani neryo inyababwira ati: ‘Tutsange haghuma, kundi nabiribane e siringi eyanatalaya.’ 10Omo mibere iyan'emighumaghuma ngababwira nyiti, abamalaika ba Nyamuhanga bakatsanga kutsibu busana n'omunyalolo mughuma oyukatsira.”
OMWANA OYO WATSAHA
11Yesu mwatasyabugha ati: “Omulume abya awite baghala babiri. 12Omulere wa kubo mwabwira ise ati: ‘Tata, mbereraye omughabo ow'omwandu ow'onangatungire.’ Neryo mwabaghabiragho. 13Hate hakya ow'omwandu ow'onangatungire. Neryo mwabaghabiragho. Hate hakya biro binene. Omulere amasenga ebiwe amahumira nabyo omo kihugho ekya hali. Abere ahika eyo inyatsandyatiandyabyo omo mitse mibi. 14Ebindu byabere byabimuhwako, ekitsuko mokyawa omo kihugho ekyo, neryo atsuka aritagha. 15Neryo mwaghenda ayasondya omubiri w'okumulume mughuma ow'omo kihugho ekyo; nayo mwamuha omubiri ow'eririsya esyombuno. 16Anganabere inyakalya oko byalya eby'esyombuno, naho mwatabana oyukamuha kahi.
17“Mwayikubya bwomo, neryo abugha ati: ‘Abakoli batata bangaha kabakalya ibasakya, ibwa ingye ngaholera hano n'enza'a! 18Ngendilwa hano inaghenda eyiri tata inamubwira nyiti, Tata nabirihalya oku Nyamuhanga n'okwiwe.’ 19Singitolere eryahulwa mo mughala waghu, unyitwale ng'omughuma oko bapaghasya baghu. 20Neryo mwahongoka asuba eyiri ise. Abere akine hali, tata wiwe mwamulangira, neryo amukwira obulighe; neryo atibita eyali, amuwa omo kikuba. 21Neryo mughala mwamubwira ati: ‘Nabirihalya oku Nyamuhanga n'okw'iwe, kandi sindolere n'eritasyahulwa mo mwana waghu.’ 22Naho ise amalaghira abanzenda biwe ati: ‘Mulete luba ekyambalo ekyowenenga mumwambalayekyo; mumwambaleye n'embuka omo munwe; kandi mumwambalaye nesyongeta omo bisando. 23Mulete n'enyana ey'ebisabu, mwiteyo, tulye tutseme; 24kundi mughala waghe ono abya inyakwire, yono aneho, abya inyatsahire, abiritsahuka.’ Neryo batsuka ebitsange.
25“Omo butuku obo, mughala omukulu abya inyane engero, neryo abere akuluka ahika ekyaswa, inyowa ebundubundu ey'esyonyimbo n'esyongoma. 26Neryo abirikira omughuma oko banzenda amubulya ati: ‘Naho yabere?’ 27Omunzenda mwamusubirya ati: ‘Mughala wenyu asire! kandi tata waghu abirita enyana ey'ebisabu, kundi mughala wiwe atsahukire inyanatsibuhire.’ 28Naho mughala omukulu mwahitana, amaghana n'eryingira omo nyumba. Neryo tata wiwe ahuluka akasyamulemba. 29Naho iyo mwasubirerya ati: ‘Lebaya, namab kukolera emyaka minene, kandi inandimukwowa, naho ibwa sighuli watambererya nomokyangabya kyana kya mbene ngakirya n'abira baghe tukatsanga nabo. 30Naho mughala waghu oyu eryasa alibiritingitya eritungo lyanghu omo bamalaya, wamamwitira enyana ey'ebisabu.’ 31Neryo ise amubwira ati: ‘Mwana waghe, omughulu wosi ukabya ighune naghe, kandi n'ebyongwite ebyosi ni byaghu. 32Neryo kinalwe kitolere itwabunyahirwa n'ebitsange kundi mughala wenyu oyu abya inyakwire yono aneho: abya anyatsahire, abiritsahuka.’ ”
ప్రస్తుతం ఎంపిక చేయబడింది:
Luke 15 15: KOO1978
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Published for the Bible Society of Uganda in 1978.