SAN MARCOS 16
16
Jesús oikove ye
(Mt 28.1-10; Lc 24.1-12; Jn 20.1-10)
1Ara mbutuu oasa ma yave, María Magdalaɨgua, Jacobo ichɨ María jare Salomé ogua reta mbae ikäti kavi vae, jare yogüɨraja oipichɨ vaerä Jesús jetegüe re. 2Jare ndeimboveasɨ tenondegua ara semana iyɨpɨ pe kuae kuña reta yogüɨraja tɨvɨa pe, kuaraɨ oë ma yave. 3Ërei jei reta oyoupe:
—¿Kia ra ombosɨrɨta yandeve ita tuicha vae tɨvɨa jöke güi?
4Ërei omae reta yave, oecha jókuae ita tuicha vae oyembosɨrɨ ma tɨvɨa jöke güi. 5Jare oike reta yave tɨvɨa pe, oecha metei kunumi oguapɨ oï jae reta iyakatu kotɨ. Jemimonde puku jare tïi; jare okɨɨye reta. 6Ërei jae jei chupe reta:
—Agüɨye pekɨɨye. Peeka ko peï Jesús Nazaret-ɨgua, kurusu re omano vae. Jae oikove ye ma ko. Mbaetɨ ma kuae pe oï. Mase, pemae jendagüe re. 7Pekua pere jemimboe reta pe jare Pedro pe: Jae ojota perenonde Galilea pe.#Mt 26.32; Mc 14.28. Joko pe peechata, jae jei peve rami.
8Jayave kuña reta osɨi yogüɨraja tɨvɨa güi, echa okɨɨye yae reta jare orɨrɨi. Jare mbaetɨ etei mbae jei kia pe ave.
María Magdalaɨgua oecha Jesús
(Jn 20.11-18)
9Jesús oikove ye ndeimboveasɨ tenondegua ara semana iyɨpɨ pe. Jayave tenonde ete oyekuaa María Magdalaɨgua pe. Jókuae ombosɨrɨ chiu aña reta chugüi vae. 10María ojo omombeu Jesús ndive yogüɨrekose vae reta pe. Echa jae reta ipɨatɨtɨ jare oyaeo ñogüɨnoi. 11Ërei jae reta oendu yave oikove oï jare oecha ko vae yave, mbaetɨ güɨrovia reta.
Jesús oyekuaa mókoi jemimboe reta pe
(Lc 24.13-35)
12Kuae jaɨkue rupi Jesús oyekuaa ambuaeyee mókoi jemimboe reta pe, jae reta yogüɨraja ramboeve tëtambaea rupi. 13Jae reta yogüeru ye omombeu ïru reta pe. Ërei jeseve mbaetɨ güɨrovia reta.
Jesús oyókuai jemimboe reta
(Mt 28.16-20; Lc 24.36-49; Jn 20.19-23)
14Kuae jaɨkue rupi Jesús oyekuaa jókuae once reve jemimboe reta pe etei, jae reta okaru ñogüɨnoi ramboeve, jare omboeta chupe reta, mbaetɨ oporogüɨrovia jare ipɨatäta ramo. Echa mbaetɨ güɨrovia reta Jesús oikove ye vae oecha vae reta re. 15Jayave Jesús jei chupe reta:
—Pekua opaete ɨvɨ rupi, pemoërakua ñee ikavi vae opaete vae reta pe.#Hch 1.8. 16Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko. 17Jare güɨrovia vae reta cheree re ombosɨrɨta aña reta oya jese vae reta güi. Jare imiari retata ïru ñee pe. 18Oipɨɨta mboi reta. Jou yave mbae imbayachi vae, ngaraa maratu oyapo reta. Oñonota ipo imbaerasɨ vae reta re, jare ombogüerata.
Jesús ojo ara pe
(Lc 24.50-53)
19Jayave yandeYa opa imiari yave jae reta ndive, ojo ara pe,#Hch 1.9-11. jare oguapɨ Tumpa iyakatu kotɨ. 20Jare jemimboe reta yogüɨraja omoërakua Tumpa Iñee opaete kerupi. Jare yandeYa omborɨ, jare omoañete jemimboe reta iñee mɨakañɨ reta rupi. Amén.
ప్రస్తుతం ఎంపిక చేయబడింది:
SAN MARCOS 16: GUABD
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia DC Guaraní Bolivia © Bolivian Bible Society, 2001.