ข้อพระคัมภีร์ยอดนิยมจาก Yohana 21

แบ่งปัน

Bahayūmala ū kūlya, ū Yesu ūmūja ū Simoni Petelo gīkī, “Simoni ng'wana Yohana, ū bebe ūnitogilwe kūbatinda a benaba?” Ūng'wīla, “Alichene Seeba; ū bebe ūmanile gīkī nakūtogilwe.” Ūng'wīla, “Balishage a baana ba ngholo bane.” Ūmūja hangī lo kabīlī, “Simoni ng'wana Yohana, ūnitogilwe?” Nanghwe ūng'wīla, “Alichene Seeba; ūmanile nakūtogilwe.” Ūng'wīla “Jidīīmage ī ngholo jane.” Ūmūja hangī lo kadatū, “Simoni ng'wana Yohana, ūnitogilwe?” Nose ū Petelo ūpīnīhala, nguno ū Yesu akamūja lūkangala lo kadatū gīkī, “Ūnitogilwe?” Na ūng'wīla, “Ū bebe Seeba ūmanile pyī ī yose, ūmanile gete ī gīkī nakūtogilwe.” Hūna ū Yesu ūng'wīla, “Jilishage ī ngholo jane.

Kwike nalīkūwīla gwa nghana gīkī, aho ūtaalī ūlī nsūmba ūkūmanitunga bebe ng'wenekīlī waja ūko ūtogelilwe. Alīyo ūlū ūlanamhaale, ūkūgagoloola a makono gako, na munhū ūngī akūtunge akūtwale ūko ūtatogilwe kūja.”

Ūbawīla, “Tegagi ū ntego a ha lwandī lwa būlyo bo lyato aho, mukūgwasha!” Na nghana aho bagūtega, būlemeelwa nū kūgūzubūla kūlwa wingī bo ndīlo.

Hūna ū Simoni Petelo ūbawīla a biye gīkī, “Bing'we bagosha, naja kūtega ndīlo ū nene.” Nabo būng'wīla, “Nise tūlīja hamò nangho!” Nghana būja būūkingīla mu lyato. Alīyo ū būjikū wenūbo batagwashije shose-shose.