ข้อพระคัมภีร์ยอดนิยมจาก Yohane 15

แบ่งปัน

Inyi nyi msabibu; nyoe nyi mbaga; ulya awa kyindo kyimwi na inyi, nekumbia ndunda tsifoi mnu; kyipfa ngyilai ho inyi moiṙima iwuta kyindo kyoose-pfo.

Nyoe na inyi luwe kyindo kyimwi. Chandu mbaga ilechiiṙima ikumbia ndunda ilakuwoṙe msabibunyi; na wuṙo taa kyechiwa konyu mulandewe kyindo kyimwi na inyi.

Nyoe mukowa kyindo kyimwi na inyi, na malosho gako gakakaa mrimenyi konyu, terewenyi kyindo kyoose mukundi na nyoe mochienengo.

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Kuwoṙe awoṙe ikunda lying'anyi kuta ilyi, lya mndu ireka moo okye kyipfa kya mbuya tsakye-pfo.

Orio mbaga ilekyekumbia ndunda ngyekyeimanya; na orio mbaga yekyekumbia ndunda ngyekyeianguo, kundu iengyeṟe ikumbia ndunda.

Iwawaso lyako nyi ilyi, mukundane, chandu ngyilemukunda nyoe.

Kuṙo Awu oko neching'anyiso, kyipfa muikumbia ndunda tsifoi mnu; na nyoe mochiwa wanalosho wako.

“Inyi nyi msabibu o loi, na Awu oko nyi oe mṙemi.

Mndu alandewe kyindo kyimwi na inyi nekyewiyitso cha mbaga na iuma; wandu wakatsisania na itsiwiyitsa moṙonyi tsikasenekyia.

Ngamuongoya isho, kundu sia yako ikae mrimenyi konyu, na sia yanyu iafutsio.

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

Ishi ngammbia nyoe, muiṙime ikundana.”

Kokooya nyoe muwei wandu wa wuyana, wawechimukunda; kyaindi kyipfa nyoe mulakyeri wandu wa wuyana, indi inyi ngyilemusambuṟa nyoe iwuka wandu wa wuyana, kyipfa kya ikyo wandu wa wuyana wamusuuye.