ข้อพระคัมภีร์ยอดนิยมจาก JUAN 15

แบ่งปัน

“Nayätwa uva alixa, jumanakasti layminakäpxtawa. Khititix nayampïki, nayasti jupampïkarakta ukax, walja achu churi, ukhamasti jan nayampix janiw kuns lurapkasmati.

Jumanakax nayampipunïpxam, kamisatix nayax jumanakampi mayakïtxa ukhama. Mä laymi sapax janiw achkaspati, janitix uva alipampi mayakïkchi ukaxa; uka pachparakiw jumanakax janitix nayampi mayakïpkasma ukax janiw achu churapkasmati.

“Jumanakatix nayampi mayakïsipkätaxa, yatichäwinakaxarus jaysapxarakïtaxa, mayipxam kuntix munapkäta uka, ukatsti churatäpxätawa.

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Khititix jila masip layku jakañap apt'aski ukakiw jach'a munasiñanïspaxa.

Layminakaxat maynitix achu jan churkanixa, Awkixax khuchhunukuniwa; ukampis achu churir layminakarusti, juk'amp achuñapatakiw q'umachani.

Nayan kamachixax akawa: Maynit maynikam munasipxam, kamisatix nayax jumanakar munasipxsma ukhama.

Jumanakatix walja achu churasa, ukatsti nayan chiqpach yatiqirinakaxätanakam uñacht'ayas jakapxätaxa, Awkixax jach'achataw jikxatasini.

“Nayax chiqpach uva alïtwa, Awkixasti yapuchiriwa.

Khititix jan nayampïkan ukax, anqar jaqunukutäniwa, ukatsti kamisatix waña layminakax ninar phichhantatäñatak apthapitax ukhamäniwa.

“Aksti jumanakaruw ukham sapxsma, nayampi chika kusisiñamataki, kusisiñamasti phuqhatpachäñapataki.

Nayan kamachinakaxtix phuqhapxätaxa, nayan munasiñaxan sarnaqapxäta, kamisatix nayax Awkixan arsutanakap phuqkta, ukatsti jupan munasiñapan sarnaqarakta ukhama.

Ak jumanakar mayipxsma: Maynit maynikam munasipxam.

Jumanakatix akapachankirïpxasmaxa, akapachankir jaqinakax jupankirinakarjamaw munasipxiristam. Ukampis nayaw jumanakar akapach taypit ajllisipxsma, ukat akapachankirinakax uñisipxtam, jumanakan jan akapachankirïpxatam layku.