ข้อพระคัมภีร์ยอดนิยมจาก ZAŊ 15

แบ่งปัน

Ten haa kəbaŋ gə atələələma, aŋ haa kaasa gəm. Hulum bə minti bə gargə-garge sarəna daana ten bə gargə-garge suru gəm, wə bə ji kar pəsaŋ ablaw gud maa mo bay ten, aŋ neke bə ji karman ba anə hasi.

Aŋ jəə la gə gargə-garge sarəna saksaki, damdi ten bə gargə-garge sarəŋa ha'aŋ ana gəm. Kasi atələələma jəəne paapa a kəbaŋ dəŋa baŋ, yə bay ciiri neke bə we ba. Aŋ haa bədoona ana gəm, aŋ jəəne paapa gə gargə-garge sarəna baŋ, aŋ neke bə ji kar pəsaŋ bə gəm.

Aŋ jəəne gə gargə-garge sarəna daana kel katən jəəne sarəŋa garge gəm, karman bə minti aŋ də caaduŋ keɗe, aŋ məntu la, aŋ fəlu yaŋ.

Aŋ ŋamnan paapa aŋ ba, ŋamnaŋ haa ten. Ten vaanaŋ minti aŋ jəə joŋre la də səɓaki, joŋre tó suu la haa ajew na saksakiŋ. Kəya ha'aŋ, kar gə minti aŋ məntəy kasi Abaŋa də səman, wə ayaŋ dəŋ yaŋ.

Bele bə deŋe kumsuŋ haa bə minti hulum aye kusru a meŋ gud gədəəruŋaŋ.

Kaasən gə sarən gə minti paapa bə we baŋ, wə ŋitiy wəra. Gə weŋ, wə po'e teŋ wəra məna-məna keɗe kir minti yə kolə la wəra *cetceti daana yə harə la bə we ablaw pisi waa.

Haa kay kənaŋ ku gili katən: aŋ balə kumsəŋ la aduubə də kumsəŋa damdi ten a balnaŋ ana gəm.

Karman bə minti veɗe boblo kə Barən wəraŋ, haa bə minti aŋ bə jəəti kar pəsaŋa ablaw gə minti veɗe wəra minti aŋ *kaa gə guudən.

Yeesu minti: «Ten haa kəbaŋ gə atələələma gə gəəzə-gəəziŋ, Barən haa hulum bə jəy guudiŋ gəm.

Hulum bə minti paapa bə gargə-garge sarəna baŋ, yə gaw warna, damdi yə ke kasi kəbaŋ gə ŋetə-ŋeteŋ warnaŋ ana. Yə hẽŋe wəra, yə kutuy ciiri, yə vay dər cəwaŋa bə ki wəra.

Ten waatənaŋ kel teŋ haa minti waale nin jəə la giidəŋa daana waale nəətiŋ jəə la wəra bə doo-de ku.

Ten humuŋ kosoŋ cəərə kel kə Barəna, kəya ten əsəŋ dər bele nuutuŋa ŋəŋ. Aŋ jəəne bə humi kosoŋa cəərə kel katənaŋ, aŋ isi yaŋ ŋəŋ dər bele katəna bədoona ana gəm.

Bədoona ana, karman bə minti ten waataŋ dəŋ haa minti aŋ balə kumsəŋ la aduubə də kumsəŋa.»

Aŋ a jəə la kaa neeteŋ, yə sə a bəlaŋ gud maa mo aŋ haa kaa kə kumsəŋ. Səma aŋ paapa kaa neeteŋ pəda gud bə minti ten ŋamnaŋ warda minti aŋ a ji kə seŋkaŋ pəda. Yə koloŋ bə məlaŋ dərəŋ wəra haa sə teŋ.