ข้อพระคัมภีร์ยอดนิยมจาก Laataanooji 9

แบ่งปัน

Allah ɓesdi wi'ugo: “Ndaa alaama alkawal ngal darnanmi hakkunde am bee mooɗon, non boo hakkunde am bee yoŋkiiji geeti ngonduɗi bee mooɗon fuu, ngam zamanuuji garanɗi fuu: Mi waɗan timotimooŋgal am nder duule. Kaŋgal laatoto alaama alkawal hakkunde am bee duniyaaru.

Timotimooŋgal waŋgan nder duule. Mi laaran ngal e mi siftoran dow alkawal duumiiŋgal ngal kaɓɓumi ngam foroy hakkunde am e marɗum yoŋki fuu dow lesdi.”

Koo moy rufi ƴiiƴam neɗɗo, ƴiiƴam muuɗum rufe boo bee juŋngo neɗɗo, ngam Allah tagi neɗɗo dow jaati muuɗum.

Allah barkiɗini Nuuhu e ɓiyum'en, o wi'i ɓe: “Ndanye, ɗuuɗe, kebbine lesdi!

Ladoojum e marɗum poofɗe fuu laatano on nyaamdu. Mi hokki on ɗum fuu bana naane ndokkirmi on haako hecco.

On laatoto daliila kultoreeŋgol maŋngol haa dabbaaji e colli, Ko duɓata dow lesdi e liɗɗi fuu. Mi hokki ɗum fuu haa juuɗe mooɗon.

Onon kam, ndanye, ɗuuɗe masin dow lesdi, ɓesde dow maari!”