Лука 7
7
Иса римли юзбашынынъ къулуны тедавийлей
1 #
Мт 8.5-13; Юх 4.43-54 Иса сёзюни халкъкъа айтып битирген сонъ, Къафарнаум шеэрине келип чыкъты.
2Анда бир юзбашынынъ энъ севимли къулу хасталанып, олюм алында ята эди. 3Юзбашы, Иса акъкъында эшитип, О, келип къулумны къуртарсын деп риджа этмек ичюн, Онынъ алдына еудийлернинъ акъсакъалларыны ёллады. 4#Фаал 10.2Олар Исанынъ янына кельдилер ве гъайретнен риджа этип:
– Бу адам Сенинъ ярдымынъа ляйыкътыр. 5О, халкъымызны севе; бизге синагоганы о, къурды, – дедилер.
6Иса оларнен кетти. Олар юзбашынынъ эвине якъынлашкъанда, юзбашы Онъа достларыны ёллап, бойле деди:
– Эфендим, замет этме, Сен эвиме киргенинъе мен ляйыкъ дегилим. 7#Збр 106.20Шунынъ ичюн Сенинъ алдынъа озюм бармадым. Озюмни, бунъа ляйыкъ дегилим, деп саям. Сен тек буюрсанъ, къулум тедавийленир. 8Мен озюм бойсунам, манъа да бойсунгъан аскерлер бар. Бирисине: «Кет», – десем, кете. Башкъасына: «Кель мында», – десем, келе. Хызметчиме: «Шуны яп», – десем, япа, – деди.
9Иса бу сёзлерни эшитип, тааджипленди ве артындан кельген адамларгъа айланып:
– Сизге айтам: Мен бойле иманны Исраильде биле тапмадым, – деди.
10Ёлланылгъанлар исе, эвге къайтып кельгенде, къулнынъ тюзельгенини корьдилер.
Иса тул къадыннынъ огълуны тирильте
11Арадан чокъ вакъыт кечмей, Иса Наин деген шеэрге кетти. Онен берабер шегиртлери ве пек чокъ адам кетти. 12Иса шеэрнинъ къапусына якъынлашкъанда, шеэрден бир ольген адамны чыкъармакъта эдилер. О, тул къадыннынъ бирден-бир огълу эди. Къадыннен берабер шеэрнинъ чокъ адамлары кетмекте эдилер. 13#Мт 20.34Рабби къадынны корьгенинен, оны аджыды.
– Агълама! – деди де, 14#Лк 8.54дженазе табутына якъынлашып, къолунен тийди. Табутны алып кеткен адамлар токътадылар.
– Эй, йигит, санъа айтам: тур еринъден! – деди Иса.
15 #
3 Пад 17.23; 4 Пад 4.36 Олю котерилип отурды да, лаф этип башлады. Иса оны анасына къайтарды. 16#Текр 18.15; Мт 21.11Эр кесни буюк бир къоркъу басты. Олар Алланы шуретлеп:
– Арамызда буюк пейгъамбер пейда олгъан. Алла Озь халкъына ярдым этмеге кельген, – дедилер.
17Иса акъкъында бу хабер бутюн Еудие ве онынъ этрафларына даркъалды.
Иса Ягъя акъкъында
18 #
Мт 11.2-19
Ягъянынъ шегиртлери онъа бутюн олып кечкен вакъиалар акъкъында хабер эттилер. Ягъя шегиртлеринден экисини чагъырып: 19#Юх 4.25; 6.14; 11.27«Келеджек Бириси Сенсинъми? Я да биз башкъасыны беклейикми?» – деп сорамакъ ичюн оларны Раббининъ алдына ёллады. 20Акъайлар, Исанынъ алдына келип:
– Бизни Сувгъа Батырыджы Ягъя ёллады. О Сенден: «Келеджек Бириси Сенсинъми? Я да биз башкъасыны беклейикми?» – деп сорай, – дедилер.
21О вакъыт Иса чокъ адамларны хасталыкълардан ве оларны чекиштирген дертлерден тедавийлей, яман рухлардан къуртара, чокъ сокъурларнынъ козьлерини ача эди. 22#Еш 35.5; 61.1Иса джевап берип:
– Барынъ да, корип эшиткенлеринъизни Ягъягъа айтынъыз: кёр адамлар кене корелер, топаллар юрелер, лепра хасталыгъына огърагъанлар элялланып тедавийленелер, сагъырлар эшителер, олюлер тирилелер, фукъарелер Къуванчлы Хаберни эшителер. 23#Юх 6.61; 16.1Мен ичюн ёлдан урулмагъан адам бахтлыдыр! – деди.
24 #
Лк 3.2
Ягъянынъ ёллагъан адамлары кеткен сонъ, Иса халкъкъа Ягъя акъкъында айтып башлады:
– Сиз не ичюн сахрагъа бардынъыз? Ельде саллангъан къамышны корьмегеми? 25Айса, не ичюн сахрагъа бардынъыз? Паалы урба кийген адамны корьмегеми? Лякин паалы урба кийип, байлыкъта яшагъанлар падишалар сарайларында олалар. 26#Мт 14.5; 21.26Айса, кимни корьмеге бардынъыз? Пейгъамберними? Эбет, пейгъамберни! Мен сизге айтам: о, пейгъамберден де буюк. 27#Чыкъ 23.20; Мал 3.1; Мк 1.2Алланынъ Китабында бу адам акъкъында язылгъан эди:
Сенден эвель хаберджимни ёллайым.
О, Сенинъ огюнъде ёл азырлайджакъ.
28 #
Лк 1.15
Сизге айтам: эписи догъгъан адамлардан Ягъядан буюк олгъаны ёкътыр. Бунъа бакъмадан, Алланынъ Падишалыгъында энъ кучюк сайылгъан биле ондан буюктир.
29 #
Лк 3.12
Буны эшиткен бутюн халкъ, салым топлайыджылар биле, Алланынъ ёлу догъру, деп, Ягъянынъ алдында сувгъа батырылып чыкътылар. 30Фериселер ве Къанун оджалары исе Алланынъ истегенини ред этип, Ягъягъа барып сувгъа батырылып чыкъмагъа разы олмадылар.
31Иса девам этип:
– Бу адам несилини неге ошатайым? Олар кимге ошайлар? 32Олар, мейданда отурып, бир-бирине: «Биз сизге къавал чалдыкъ, сиз исе ойнамадынъыз. Биз такъмакълар окъудыкъ, сиз исе агъламадынъыз», – деп къычыргъан балаларгъа ошайлар. 33#Мт 3.4; Лк 1.15Сувгъа Батырыджы Ягъя келип, аш ашамады, шарап ичмеди. Сиз исе: «Онда джин яшай», – дейсиз. 34#Лк 5.30; Юх 2.1; 12.2Инсан Огълу келип, эм ашай, эм иче, ве сиз: «Бу ачкозь ве ичкиджиге бакъынъыз! О – салым топлайыджылар ве гуналыларнынъ досту!» – дейсиз. 35Лякин икмет бутюн озь балаларынен тасдыкълана, – деди.
Иса ферисе Симоннынъ эвинде
36Фериселерден бири Исаны озюнен аш ашамагъа давет этти. Иса, ферисенинъ эвине кирип, софра башында ер алды. 37Шу арада шеэрде гуналы деп белли олгъан бир къадын, Иса ферисенинъ эвинде ашагъаныны билип, алебастрдан ясалгъан савут ичинде паалы къокъулы ягъ алып кельди. 38Исанынъ артында, аякълары янында турып, окюр-окюр агълай башлады. Козь яшлары Исанынъ аякъларына тамлай, къадын сачларынен оларны сюрте башлады, опе-опе къокъулы ягънен ягълады.
39 #
Лк 15.2
Исаны давет эткен ферисе буны корип: «Эгер бу адам пейгъамбер олса, Онъа тийген шу къадыннынъ ким олгъаныны билир эди. О, гуналы къадын да!» – деп тюшюнди. 40Иса ферисеге айланып:
– Симон, санъа бир айтаджакъ шейим бар, – деди.
– Айт, Оджам, – деди о.
41 #
Мт 18.28
– Эки адам бир инсандан акъча борджкъа алгъан. Бирисининъ борджу беш юз, башкъасынынъ – элли динар эди. 42#Мт 6.14; Мк 11.25-26; Эф 4.32; Кол 3.13Амма олар борджларыны къайтарып оламагъанлары ичюн, о, экисининъ борджларыны багъышлады. Айт манъа, олардан къайсы бири оны чокъча севеджек? – деди Иса.
43Симон джевап берип:
– Меним фикиримдже, чокъ борджу багъышлангъан сою, – деди.
– Сенинъ къарарынъ догъру, – деди Иса. 44Сонъ къадынгъа таба айланып, Симонгъа:
– Бу къадынны коресинъми? Мен сенинъ эвинъе кельгенимде, аякъларымны ювмагъа сув бермединъ. О исе, озюнинъ козь яшларынен аякъларымны ювып, сачларынен сюртти. 45Сен Мени къаршылагъанда, опьмединъ. Амма бу къадын кельгенимден берли аякъларымны опип токътамай. 46#Збр 22.5Сен Меним башымны зейтюн ягъынен ягъламадынъ, о исе, паалы къокъулы ягънен аякъларымны ягълады, – деди. 47– Шунынъ ичюн Мен санъа айтам: онынъ чокъ гуналары багъышланды, чюнки онынъ севгиси буюк. Кимге аз багъышланса, о, аз севе.
48 #
Лк 5.20
Сонъ Иса къадынгъа:
– Гуналарынъ багъышланды, – деди.
49Башкъа мусафирлер исе озьара: «Ким олгъан бу, гуналарны биле багъышлай?» – деп тюшюндилер. 50#Лк 8.48; 17.19; 18.42; Эф 2.8Иса исе къадынгъа:
– Сени иманынъ къуртарды. Тынч олып бар, – деди.
ที่ได้เลือกล่าสุด:
Лука 7: CTB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Институт перевода Библии, 2016