Лука 8
8
Исанынъ артындан юрген къадынлар
1 #
Лк 4.43
Бундан сонъ Иса ёлгъа чыкъып, шеэрлер ве койлерде Алланынъ шейлерини анълатып ве Алланынъ Падишалыгъы акъкъында Къуванчлы Хаберни даркъатып юре эди. Он эки шегиртинден гъайры, 2#Мт 27.56; Мк 16.9; Лк 23.49; 24.10; Юх 19.25Онынъ янында бир къач къадын бар эди. Иса оларны яман рухлардан ве хасталыкълардан къуртаргъан эди. Булар – ичинден еди джин чыкъкъан Мерьем (онъа «Магдалалы» дей эдилер), 3#Лк 24.10Ироднынъ идаре хызметчиси Хузанынъ апайы Ёанна, Сусанна ве башкъалары. Олар озь байлыгъынен Исагъа хызмет эте эдилер.
Урлукъ сачыджы акъкъында кинаели икяе
4 #
Мт 13.1-9; Мк 4.1-9 Куньлернинъ биринде Исанынъ янында пек чокъ адам топлана башлады. Олар тюрлю шеэрлерден келе эдилер. Иса оларгъа бир кинаели икяе айтып берди:
5– Бир сачыджы тарлагъа урлукъ сачмагъа чыкъа. О, урлукъ сачкъанда, базы урлукълар ёл кенарына тюшип таптала, ве кок къушлары оларны чокъуп, ёкъ этелер. 6Башкъа урлукълар ташлы ерге тюше ве осип чыкъкъанларынен къуруп къалалар, чюнки топракъ сувсуз экен. 7#Йрм 4.3Башкъалары тикенлер арасына тюше. Тикенлер оселер ве фиданларны богъып гъайып этелер. 8#Мт 11.15; Сыр 2.7Даа башкъалары яхшы топракъкъа тюше ве осип юз къат арткъач берекет берелер, – деди. Буны айткъан сонъ Иса:
– Къулагъы барлар буны эшитсинлер! – деп къычырды.
Кинаели икяелернинъ макъсады
9 #
Мт 13.10-17; Мк 4.10-12 Шегиртлери Исадан:
– Бу кинаели икяенинъ манасы недир? – деп сорадылар.
10 #
Еш 6.9; 42.20; Йрм 5.21; Мт 19.11 О оларгъа:
– Алла Падишалыгъынынъ сырлары сизге ачылгъан, – деди. – Къалгъанларына исе олар кинаели икяенен берильген. Сонъ олар козьлеринен бакъып – корьмесинлер, къулакъларынен эшитип – анъламасынлар.
Урлукъ сачыджы акъкъында кинаели икяенинъ анълатувы
11 #
Мт 13.18-23; Мк 4.13-20 #Еш 55.10-11; Фаал 8.4Бу икяенинъ манасы бойле: урлукъ – Алланынъ Сёзюдир, 12ёл кенарында олгъанлар – сёзни эшиткен адамлардыр. Амма Шейтан келе де, олар инанып къуртулмасынлар деп, сёзни юреклеринден алып кете. 13#Гал 1.6; Еуд 6.4Ташлар арасында олгъанлар – сёзни эшитип къуванчнен къабул эткен адамлар. Лякин олар тамыр атмагъанлары ичюн, бир вакъыткъа къадар инаналар, сынав куньлеринде исе ёлундан къайталар. 14#Мт 6.25; Мк 10.23; 1 Тим 6.10Тикенлер арасына тюшкенлер – сёзни эшиткен, амма пишкен берекет бермеген адамлар. Оларны аятынынъ къасеветлери, байлыгъы ве кейф кетирген шейлери богъалар. 15#Юх 15.5Яхшы топракъта олгъанлар исе – сёзни эшитип, оны яхшы ве темиз юрегинде сакълагъан, чыдамлы олып, берекет берген адамлардыр.
Къопкъа тюбюндеки чыракъ акъкъында
16 #
Мт 4.21-25
#Мт 5.15; Лк 11.33Ич кимсе чыракъ якъып, оны савутнен къапатмаз я да ятакъ тюбюне къоймаз. Аксине, киргенлер ярыкъны корьсюн деп, чыракъны шамдангъа къоялар. 17#Мт 10.26; Лк 12.2Эр бир сыр ачыладжакъ, эр бир гизли шей белли оладжакъ ве ярыкъкъа чыкъаджакъ. 18#Икм 9.9Шу себептен насыл динълегенинъизге дикъкъат этинъиз. Кимде бар олса, онъа къошулып даа бериледжек. Кимде ёкъ олса, «озюмде бар», деп беллегени биле тартып алынаджакъ.
Иса анасы ве огълан къардашлары акъкъында
19 #
Мт 8.23-27; Мк 4.35-41 #Мк 6.3; Юх 2.12; 7.3; Фаал 1.14; 1 Кор 9.5; Гал 1.19Сонъ Исагъа анасынен къардашлары кельдилер, амма адам чокълугъы ичюн янына якъынлашып оламадылар. 20Исагъа:
– Ананъ ве къардашларынъ тышарыда туралар, Сени корьмеге истейлер, – деп хабер эттилер. 21#Юх 15.14; Еуд 2.11Иса оларгъа бойле джевап берди:
– Алланынъ Сёзюни динълеген ве беджерген адамлар – Меним анам ве къардашларым.
Иса фуртунаны ятыштыра
22 #
Мт 8.18; Мк 4.35 Шу куньлернинъ биринде Иса Озь шегиртлеринен берабер къайыкъкъа минди ве оларгъа:
– Гольнинъ о бир ялысына ялдап кечейик, – деди. Олар ёлгъа чыкътылар. 23Ялдап кеткенде, Иса юкъугъа далды. Гольде ойле кучьлю фуртуна къопты ки, далгъалар къайыкъны толдура башладылар. Къайыкътакилернинъ алы хавфлы олды. 24#Збр 64.8; 88.10; 103.7Исанынъ янына барып, Оны уяттылар ве:
– Саип, Саип, биз гъайып оламыз! – дедилер. Иса уянгъанынен, ельге ве далгъаларгъа токътамакъны буюрды. Олар токътадылар, голь де тынчланды.
25Иса шегиртлерине:
– Сизинъ иманынъыз къайда? – деди.
Шегиртлер исе къоркъып ве шашып бир-бирине:
– Кимдир бу я? О, ельге ве сувгъа буюра, ве олар Онъа бойсуналар! – дедилер.
Иса джинлер ургъанны тедавийлей
26 #
Мт 8.28-34; Мк 5.1-20 Олар Галилеянынъ къаршысындаки герасалыларнынъ юртуна кельдилер. 27Иса ялыгъа чыкъкъанынен, оны шеэрден кельген бир адам къаршылады. Онынъ ичинде джинлер олгъаны ичюн, о, чокътан берли чыр-чыплакъ юре ве эвинде дегиль, дюрбелерде яшай эди. 28#Лк 4.34Исаны корип, о, къычырды да, озюни Онынъ аякълары астына ташлап, кучьлю сеснен:
– Эй, Иса, Юдже Алланынъ Огълу, менде не ишинъ бар? Санъа ялварам, мени чекиштирме! – деди.
29Иса арам рухкъа адамдан чыкъып кетмекни буюргъан.
(Арам рух чокъ выкъыт девамында адамны къыйнай экен. Адамны, къолларыны ве аякъларыны зынджырларнен багълап, къаравуллай экенлер, лякин о, зынджырларны узе экен, ве джин оны бакъымсыз ерлерге айдай экен.)
30Иса ондан:
– Адынъ не? – деп сорады. О исе:
– Адым Орду#8.30 Орду – къ. юн. «легион», Рим ордусынынъ, 6 000 аскери олгъан бир къысмы., – деди. Онъа чокъ джин кирген эди.
31Джинлер, оларны буюк теренликке ёлламасын деп, Исагъа ялвардылар. 32Шу дагънынъ тёпесинде буюк бир домуз сюрюси отлап юре эди. Джинлер домузларгъа кирмеге истедилер. О, оларгъа рухсет берди. 33Джинлер адамдан чыкъып, домузларгъа кирдилер. Домузлар исе тик къаядан гольге атылып, сувда богъулдылар.
34Чобанлар олгъан шейни корьгенлеринен, чапып барып, бу акъта шеэрде ве онынъ этрафларында хабер эттилер. 35#Лк 10.39Адамлар олып кечкен адисени корьмеге кельдилер. Исанынъ янына келип бакъсалар, анавы адам джинлерден къуртарылгъан. Кийинип, акъылыны башына топлап, Исанынъ аякълары янында отурмакъта эди. Олар пек къоркътылар. 36Шу вакъианы корьгенлер оларгъа джин ургъан адамнынъ насыл къуртулгъаныны айтып бердилер. 37#Лк 5.8; Фаал 16.39Герасалыларнынъ виляетинде яшагъанларнынъ эписини буюк къоркъу басты. Шунынъ ичюн олар Исадан шу ерлерден кетмесини истедилер. Сонъ Иса къайыкъкъа минип, къайтып кетти.
38Джинлерден къуртулгъан адам Исанынъ янында къалмакъ ичюн Ондан разылыкъ сорады. Лякин Иса оны ёллап:
39 #
Збр 65.16
– Озь эвинъе къайтып, Алла сен ичюн не япкъаныны айтып бер, – деди. О адам барып, Иса онъа не япкъаныны бутюн шеэрге илян этти.
Яирнинъ къызы ве Исанынъ урбасына къолуны тийдирген къадын
40 #
Мт 9.18-26; Мк 5.21-43 Иса къайтып кельгенде, халкъ Оны къаршылап, хошкельдинъ деди. Эписи Оны беклей эдилер. 41#Лк 13.14; Фаал 13.15; 18.8Шу вакъыт синагоганынъ башлыкъларындан бири, Яир адлы бир адам келип, Исанынъ аякъларына йыкъылды да, Оны эвине чагъырып, ялварды. 42Онынъ он эки яшларында олгъан бирден-бир къызы олюм тёшегинде ята эди. Иса Яирнен берабер кеткенде, Оны чевре-четинден пек чокъ адам сыкъыштыра башлады.
43 #
Лев 15.25
Бир къадын он эки йыл къан акъувынен чекишип, бутюн параларыны экимлерге сарф эткен, амма кимсе оны тедавийлеп оламагъан. 44#Мк 3.10О, Исанынъ артындан барып, Онынъ урбасынынъ уджуна тийди. Къан акъувы бирден кесильди.
45– Манъа ким тийди? – деди Иса. Эписи, бу мен дегиль эдим, дедилер. Пётр исе:
– Саибим, Сени этрафынъдаки адамлар сыкъыштырып туралар, – деди.
46 #
Лк 5.17; 6.19 Амма Иса:
– Ёкъ, кимдир Манъа тийди. Мен Озюмден кучь чыкъкъаныны дуйдым, – деди.
47Япкъаныны гизлеп оламайджагъыны анълагъан къадын къоркъудан къалтырап, чыкъты, Исанынъ аякъларына йыкъылып, бутюн халкъ огюнде Исагъа не себептен тийгенини ве бирден тюзельгенини айтты.
48 #
Лк 7.50; Эф 2.8 Иса онъа:
– Къызым, сени иманынъ тедавийледи. Тынчлыкънен бар, – деди.
49Иса бу сёзлерни даа айтып битирмегенде, синагога башлыгъынынъ эвинден бир адам келип:
– Къызынъ ольди. Оджаны къасевет эттирме, – деди. 50Лякин Иса бу сёзлерни эшитип, Яирге:
– Къоркъма, тек инан, къызынъ яхшы оладжакъ, – деди.
51 #
Мк 14.33; Лк 9.28 Иса о эвге кирип, янына тек Пётрны, Якъупны, Юханны, къызчыкънынъ анасыны ве бабасыны алды. Башкъаларына исе кирмеге ясакъ этти.
52 #
Юх 11.11
Эписи, озьлерини кокреклерине урып, ольген къызчыкъ ичюн агълай эдилер. Иса исе:
– Агъламанъыз, о, ольмеген. О, юкълай, – деди.
53Олар къызчыкънынъ ольгенини билип, Онынъ устюнден кульдилер.
54 #
Мк 1.31; 9.27; Лк 7.14; Фаал 3.7; 9.41 Иса хастанынъ къолуны алды ве:
– Эй, къызчыкъ, еринъден тур! – деди.
55Къызчыкънынъ джаны беденине къайтты, ве о бирден турды. Иса онъа аш бермеге буюрды. 56#Мк 1.44; 9.9Къызнынъ ана-бабасы шашып къалдылар. Иса исе оларгъа олып кечкен вакъиа акъкъында ич кимсеге айтмамакъны буюрды.
ที่ได้เลือกล่าสุด:
Лука 8: CTB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Институт перевода Библии, 2016