KUMA 11
11
Kĩkw’ũ kya makithathi kĩkyathanwa
1Na Yeova amwĩa Mose, Kwĩ ũthĩn’yo ũngĩ o ũmwe nĩmũetee Valao, na Misili; ĩtina wa ũu akamũlekya mume kũũ: yĩla wĩmũlekya mũthi ndetĩa kũmũlũngya vyũ. #Kuma 12.31,33,39. 2Neena yu matũnĩ ma andũ, namo metye kĩla mũndũ mũũme mũtũi wake, na kĩla mũndũ mũka mũtũi wake, mĩio ya wanake ya vetha, na mĩio ya wanake ya thaavu. #Kuma 3.22; 12.35. 3Na Yeova atuma andũ mona ũseo methonĩ ma Amisili. O na ĩngĩ, mũndũ ũsu Mose aĩ mũnene mũno nthĩ ya Misili, kũla kwĩ athũkũmi ma Valao, na kũla kwĩ andũ ma kw’o. #Kuma 3.21; 12.36.
4Na Mose asya, Ũũ nĩw’o Yeova ũnũkwasya, Ta ũtukũ katĩ ngathi mbĩtĩle Misili katĩ: #Kuma 12.12,29. 5na makithathi onthe nthĩ ya Misili makakw’a, kuma ĩkithathi ya Valao ũla wĩkalĩte kĩvĩlanĩ kya ũsumbĩ, o na kũvika ĩkithathi ya mũthũkũmi mwĩĩtu ũla ũnũũthia; o na makithathi onthe ma indo. 6Na kũkeethĩwa kĩĩo kĩnene nthĩ yonthe ya Misili, o ta kĩla kĩtaaĩthĩwa, o na kĩtakethĩwa ĩngĩ. #Amo 5.16,17. 7Ĩndĩ kwa ana ma Isilaeli o na ngitĩ ndikamakũnĩa o na ũmwe, mũndũ o na nyamũ: nĩ kana mũmanye ũndũ Yeova ũvathũkanasya katĩ wa Amisili na Isilaeli. #Kuma 8.22; Yos 10.21. 8Na athũkũmi aa onthe maku makatheea moke vala mĩĩ, makĩndulĩlya ndu, makĩmbĩa, Uma vaa, we, na andũ onthe ala maatĩanĩe naku: na ĩtina wa ũu ngauma nĩthi. Na auma kwa Valao e mũthatu mũno.
9Na Yeova amwĩa Mose, Valao ndakakwĩthukĩĩsya; nĩ kana syama syakwa syongeleke nthĩ ya Misili. #Kuma 7.3,4. 10Na Mose na Aluni meeka syama isu syonthe vala ve Valao: na Yeova oomya ngoo ya Valao, na ndaalekya ana ma Isilaeli mathi maume nthĩ yake. #Kuma 4.21.
ที่ได้เลือกล่าสุด:
KUMA 11: Mbivlia
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956