2. Korinta 1
1
Bejreessunk
1Paulus, dee no Gott sien Wellen Christus Jesus sien Apostel es, un Timotäus ons Brooda, schriewen aun Gott siene Jemeent en Korint, un aun aule heilje, dee en gaunz Achaja sent: #1Kor 1,1
2Mucht Jnod un Fräd von Gott onsen Voda, un von Jesus Christus onsen Harn, met junt sennen!
Paulus dankt fa Troost em lieden
3Ekj low Gott, dän Voda von onsem Harn Jesus Christus. Hee es een Voda, dee sikj erboarmt, un een Gott, dee onen Enj treesten deit. #Reema 15,5 4Hee treest ons en aul onse Trubbels. Soo kjenn wie aundre en äare Trubbels uk treesten. Wie treesten an met dämselwjen Troost, dän wie von Gott jekjräajen haben. 5Soo sea aus daut lieden fa Christus en ons Läwen nenn kjemt, soo sea kjemt uk Gott sien Troost äwa ons. #Psa 34,20; 94,19; Reema 8,17 6Wan wie lieden motten, passieet daut doatoo, daut jie jetreest un jerat woaren. Un wan wie jetreest woaren, dan deent daut doatoo, daut jie staunthauft un jeduldich bliewen en soone lieden aus wie uk derchgonen motten. #2Kor 4,8-11.15 7Wie hopen gaunz faust fa junt, wiels wie daut weeten, daut jie met ons toop woaren jetreest woaren, krakjt soo aus jie met ons toop jeläden haben.
8Breeda, wie wellen junt äwa daut schwoare, daut ons en Asien troff, nich em onkloaren loten. Wie worden äwa aule Mot unjadrekjt, mea aus onse ieejne Krauft droagen kunn, un wie vezoagden aum Läwen. #Apost 19,23-40; 1Kor 15,32 9Wie feelden, wie wudden stoawen motten. Oba dit passieed doawäajen, daut wie ons nich opp ons selfst, oba opp Gott veloten sullen, dee de Doodes oppwakjt. 10Hee haft ons ut soone Doodesjefoa jerat, un woat ons uk wada raden. Jo wie hopen doaropp, daut hee ons uk wieda raden woat. 11Uk jun bäden fa ons halpt doatoo met, un väle woaren met een dankboaret Hoat Gott fa onse Bewoarunk danken. #Flp 1,19
Wuawäajen Paulus nich no Korint kjeem
12Wie haben Fräd doaräwa, daut ons Jewessen ons sajcht, wie haben ons en dise Welt soo oppjefieet, aus daut toom heiljen un reinen Gott paust, gaunz besondasch mank junt. Wie leeten ons nich derch weltliche Weisheit aunleiden, oba wie deeden ons doano rechten, aus Gott ons Jnod jeef. #1Kor 1,17; 2Kor 2,17; Heb 13,18 13Wie schriewen junt nuscht, waut jie nich läsen ooda vestonen kjennen. Un wan jie ons noch nich gaunz vestonen haben, hop ekj doch, daut jie ons aun Jesus Christus sienen Dach volstendich vestonen woaren. 14Aun dän Dach kjenn jie junt met ons soo freien, aus wie met junt. #2Kor 5,12; Flp 2,16
15Un wiels ekj dit bie mie kloa hab, wull ekj junt aul besieekjen, daut jie kunnen noch eemol jesäajent woaren. #1,15 Eenje oole Schreften sajen daut jie kunnen eene dobbelde Freid haben. 16Daut wia soo, ekj plond oppem Wajch no Mazedonien bie junt auntohoolen, un soo uk oppem Trigjwajch, om von junt help to kjrieen fa miene Reis no Judäa. #1Kor 16,5-6 17Aus ekj daut plond, deed ekj daut jlikjeltich? Ooda plond ekj daut to mien ieejnen nutzen, soo daut bie mie Jo un Nä tojlikj wieren? 18Ekj saj junt un Gott hieet mie, ons Wuat aun junt wia nich Jo un Nä tojlikj. 19Wiels Jesus Christus, Gott sien Sän, dee von mie un Silvanus un Timotäus mank junt jeprädicht wort, wia nich Jo un Nä. Daut Jo von Gott wia gaunz werkjlich en Jesus Christus. #Apost 18,5 20Daut es soo, opp aules waut Gott vesproaken haft, es bie am daut Jo. Doawäajen saj wie derch Jesus Christus uk ons Amen doatoo, daut Gott veharlicht woat. #Opb 3,14 21Daut es Gott, dee ons met junt toop en Christus fauststonen lat un ons toom Deenst enjesäajent haft. #1Joh 2,27 22Hee haft ons fa sikj jestampelt. Hee haft ons sienen Jeist en ons Hoat jejäft aus eene Garantie fa daut waut noch komen saul. #Reema 8,16; 2Kor 5,5; Efs 1,13
23Ekj roop Gott aun, hee weet daut ekj de Woarheit saj, ekj wull junt schoonen un doawäajen sie ekj nich wada no Korint jekomen. 24Wie wellen junt nich bemotten, waut jie jleewen sellen, oba wie muchten methalpen, daut jie junt noch mea freien kunnen, wiels jie jleewen faust aun Jesus Christus. #2Kor 4,5; 1Pet 5,3
ที่ได้เลือกล่าสุด:
2. Korinta 1: PB
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Plautdietsch Bible © 2003 Kindred Productions and United Bible Societies Association, Inc.