Mga Popular na Bersikulo sa Biblia mula sa ISAIAS 25

Ibahagi

O PANGINOON, ikaw ay Diyos ko; aking dadakilain ka, aking pupurihin ang pangalan mo; sapagkat ikaw ay gumawa ng kagila-gilalas na bagay, samakatuwid ay ang iyong binalak noong una, tapat at tiyak.

Lulunukin niya ang kamatayan magpakailanman at papahirin ng Panginoong DIYOS ang mga luha sa lahat ng mga mukha. Ang paghamak sa kanyang bayan ay maaalis sa buong lupa, sapagkat ang PANGINOON ang nagsalita.

At sasabihin sa araw na iyon, “Ito'y ating Diyos; hinintay natin siya at ililigtas niya tayo. Ito ang PANGINOON; ating hinintay siya, tayo'y matuwa at magalak sa kanyang pagliligtas.”

At kanyang wawasakin sa bundok na ito ang takip na inilagay sa lahat ng mga bayan, at ang lambong na iniladlad sa lahat ng bansa.

At sa bundok na ito ay gagawa ang PANGINOON ng mga hukbo sa lahat ng mga bayan ng isang kapistahan ng matatabang bagay, ng isang kapistahan ng mga nilumang alak, ng matatabang bagay na punô ng utak, ng mga lumang alak na totoong dinalisay.