Mga Popular na Bersikulo sa Biblia mula sa ISAIAS 49

Ibahagi

“Malilimutan ba ng babae ang kanyang batang pasusuhin, na siya'y hindi mahahabag sa anak ng kanyang sinapupunan? Oo, ang mga ito'y makakalimot, ngunit hindi kita kalilimutan.

Narito, aking inanyuan ka sa mga palad ng mga kamay ko, ang iyong mga pader ay laging nasa harapan ko.

Ngunit, ganito ang sabi ng PANGINOON: “Pati ang mga bihag ng makapangyarihan ay kukunin, at ang biktima ng malupit ay maliligtas, sapagkat ako'y makikipaglaban sa mga nakikipaglaban sa iyo, at aking ililigtas ang mga anak mo.

oo, kanyang sinasabi: “Napakagaan bang bagay na ikaw ay naging aking lingkod upang ibangon ang mga lipi ni Jacob, at panumbalikin ang iningatan ng Israel; ikaw ay aking ibibigay na pinakailaw sa mga bansa upang ang aking kaligtasan ay makarating hanggang sa dulo ng lupa.”

Umawit ka sa kagalakan, O kalangitan, at magalak ka, O lupa; kayo'y biglang umawit, O mga kabundukan! Sapagkat inaliw ng PANGINOON ang kanyang bayan, at mahahabag sa kanyang mga nahihirapan.