Mga Popular na Bersikulo sa Biblia mula sa MGA KAWIKAAN 13

Ibahagi

Ang lumalakad na kasama ng matatalino ay magiging matalino rin, ngunit ang kasama ng mga hangal, kapahamakan ang daranasin.

Ang nag-iingat ng kanyang bibig ay nag-iingat ng kanyang buhay; ngunit ang nagbubuka nang maluwang ng kanyang mga labi ay hahantong sa kapahamakan.

Ang hindi gumagamit ng pamalo ay napopoot sa anak niya, ngunit ang umiibig sa kanya ay matiyagang dumidisiplina.

Nagpapasakit ng puso ang pag-asang naaantala, ngunit punungkahoy ng buhay ang natupad na nasa.

Ang may matuwid na lakad ay binabantayan ng katuwiran, ngunit ibinabagsak ng pagkakasala ang makasalanan.

Mauubos ang kayamanang nakuha sa madaling paraan, ngunit siyang unti-unting nagtitipon ay madaragdagan.

Sa kapalaluan, ang suwail ay lumilikha ng gulo, ngunit ang karunungan ay nasa mga tumatanggap ng payo.

Ang mabuting tao ay nag-iiwan ng mana sa mga anak ng kanyang mga anak; ngunit ang kayamanan ng makasalanan, para sa matuwid ay nakalagak.

Ang turo ng ama'y dinirinig ng matalinong anak, ngunit hindi nakikinig sa saway ang manlilibak.

Kahirapan at kahihiyan ang darating sa nagtatakuwil ng pangaral, ngunit siyang nakikinig sa saway ay pararangalan.