Mga Popular na Bersikulo sa Biblia mula sa MGA AWIT 34

Ibahagi

Ang Panginoon ay malapit sa kanila na may bagbag na puso, At inililigtas ang mga may pagsisising diwa.

Aking hinanap ang Panginoon, at sinagot niya ako, At iniligtas niya ako sa lahat ng aking mga katakutan.

Marami ang kadalamhatian ng matuwid; Nguni't inililigtas ng Panginoon sa lahat.

Oh inyong tikman at tingnan ninyo na ang Panginoon ay mabuti: Mapalad ang tao na nanganganlong sa kaniya.

Sila'y nagsitingin sa kaniya, at nangaliwanagan: At ang kanilang mukha ay hindi malilito kailan man.

Ang matuwid ay nagsidaing, at dininig ng Panginoon, At iniligtas sila sa lahat nilang mga kabagabagan.

Ang anghel ng Panginoon ay humahantong sa buong palibot ng nangatatakot sa kaniya, At ipinagsasanggalang sila.

Lumayo ka sa kasamaan, at gumawa ka ng mabuti; Hanapin mo ang kapayapaan at habulin mo.

Ingatan mo ang iyong dila mula sa masama. At ang iyong mga labi sa pagsasalita ng karayaan.

Ang mga mata ng Panginoon ay nakatitig sa mga matuwid, At ang kaniyang mga pakinig ay nakabukas sa kanilang daing.

Oh dakilain ninyo na kasama ko ang Panginoon, At tayo'y mangagbunyi na magkakasama ng kaniyang pangalan.