Mga Popular na Bersikulo sa Biblia mula sa Luka 14

Ibahagi

A ne hu at ame he ka o könya, ke ame ca hociâ bi kamen, me hinyen, me âiân, me lakon, me je liamekeiny, me lahaniny, me anyin minya bi möt, e ca khana he ka bi hanen ta je latök.

Haba at ame ca vadren anyin satauro me he hotuk, e ca khana bi he ka bi hanen latök.

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.

Ke helâe, haba at gabun ame ca hna bi ta je ûnyi hia thithö ae hu gan, me ca khana he ka bi hanen latök.

Anyin a ie at gabun ame beup tap, kʼ ame ca mē; laba ju he ka aû hwaban, hawa, e hu gan hnân he ka oumo î Wâ e nye hia but bi taben, ke ca khana bi he ka oumo, me ame he ka hluma e hnen tavat hia adre me wâ, adre me ha, ka habe, At ang ame hwân he ka op ke ca khana he ka umo.

Ke u ka he ka ânyâ bijeû, hawâ thö je theduoc, me ta je bâbu, me ta je mat, me ta je wadröu: ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Eke, e so sâlt ke a ne ba but hinyin sâlt, ieû hnân ohinyâ e? E ca ûcû e hobi kâu kânâ me hna belök: kʼ ame degec ut e hnen at. Haba at ae hu li hnyikonyen ka long, long ju e.