Mga Popular na Bersikulo sa Biblia mula sa Luke 7

Ibahagi

အင်းသယ် နာန်နယ် ငါငေါကားကော အင်းကာ့ယာပ်ရှီကော နံတင်းငါးကာ့ ဒုစရိုက်အပြစ်ဖူမ်နယ် ခွင့်လွှတ်သောကား ခံနောထော်ကာကော် ဟီမ်ငါ ကြီးမားလောကား ချစ်ခြင်းမေတ္တာလည် ပြလောကယ် ထာမာ့။ ဒုစရိုက်အပြစ် နည်းနည်းဟာ ခွင့်လွှတ်သောကား ခံနောထော်ကာဟီမ်ငေါ နည်းနည်းဟာနိုက်ချာ ချစ်ခြင်းမေတ္တာ ငါဟပ်ကား” ငေါကဲ့အယ် မိန့်နောမာ့။ စီးရာပ်သော် ကိုယ်တော်ကော အင်းမာ ယာပ်ရှီလည် “နာန်ငါ ဒုစရိုက်အပြစ်ဖူမ်အားလုံးနယ် ခွင့်လွှတ်သောဝါပ်” ငေါကဲ့အယ် မိန့်နောမာ့။

အင်းညယ်ငေါရီး ကိုယ်တော်ယေရှုကော အင်းမာ ယာပ်ရှီလည် “နာန်ငါ ယုံကြည်ခြင်းငေါ နာန်နယ် ကယ်တင်နောဝါပ်။ နာန်ငေါ ငြီမ်းငြီမ်းချမ်းချမ်းရယ် လာမ်စာပ်” ငေါကဲ့အယ် မိန့်နောမာ့။

စီးရာပ်သော် ဟီမ်ငေါ ကိုယ်တော်ကာနောက်အား စာပ်ကဲ့အယ် ဟပ်ကဲ့အယ် ဟီမ်ငါမီစ်ဝေးကော ကိုယ်တော်ကာ သာပါအာ ဆပူးဝမ်ကယ်မာ့ ဟီမ်ငါ ဟလာမ်းဟူပ်ပါအာမာ့ ဟောနောက်နူမ်ကယ်အယ် ဂေါစီမ်းမာ့။ စီးရာပ်သော် ကိုယ်တော်ကာ သာလည် မန်းတူမ်ကယ်အယ် တအား အနံ့တူမ်းငါးကာ ဆလောနောက် မောကဲ့အီမာ့။

အင်းမာပြာန်နယ် ငါဆူရီး အရှင်ပါအာ လီကဲ့အယ် ဟော့ပ်တီတီမ်ညီး ငါဆူနောက် ထိုက်တန်နို။ အရှင် အမိန့်အီရာမ်ငါးနောက် ငါဆူကာ့ အစေခံငေါ ဇလားဟာမ်းငါမ်ကား။ ငါဆူကိုယ်တိုင်ရီး အထက်အရာရှိကာ လက်အောက်အား ငါကယ်ညယ် ငါဆူကာ့ လက်အောက်အားရီး စစ်သားဖူမ် နဲကြီစ်ငါမာ့။ ငါဆူကော စစ်သားဟော်ဝါလည် ‘လာမ်နိတ်’ ငေါကဲ့အယ် အမိန့်အီရာပ်သော် ဟီမ်လာမ်ထော်ကဲ့အယ်၊ အခြားဟော်ဝါလည် ‘လီရိတ်’ ငေါကဲ့အယ်ငေါရီး ဟီမ်လီထော်မာ့။ ငါဆူကော ငါဆူကာ့ အစေခံဖူမ်နယ် ‘အင်းကာ့ အောမ်နိတ်’ ငေါကဲ့အယ် ငေါဝါပ်သော် ဟီမ်နာပ်အောမ်ထော်မာ့” ငေါကဲ့အယ် လျှောက်တင်နော်စီမ်မာ့။ အင်းမာညယ် ငေါကားကာလည် ကိုယ်တော်ယေရှု သပ်မူဝမ်စန်းနော အန်းနောတင်းကဲ့အယ် ဟီမ်ငါနောက်အား လီရာပ်ချီးကား တီတ်ဆာဖူမ်နယ် “ငါ နီမ်နယ် ငေါကာပ်ကာကော် အစ္စရေးလူမျိုးဖူမ်ပါအာဟာမ် အင်းကာညယ်တုန်းရယ် ယုံကြည်မှုငါတင်းငါးကာဟီမ်နယ် ယူပ်မူမာန်ငိုး” ငေါကဲ့အယ် မိန့်နာန်မာ့။

အင်းမာချိန်နယ် ကိုယ်တော်ယေရှုကော ကနာဟာကားဟီမ်နာပ် အနာရောဂါငါကား တီတ်ဆာလာပ်သယ် ဇလားဟာမ်းစီမ်းကဲ့အယ် စိတ်ဆလားဆာမ်ငါးခံနောထော်ကာ တီတ်ဆာလာပ်ပါအာမာ့ စိတ်ဆလားလည်ရာ ငါပ်ပူကဲ့အီကဲ့အယ် လင်းငါးပြာန်နယ် ဟီမ်ငေါ မီပ်တူ အယူပ်မူကားကာ တီတ်ဆာဖူမ်နယ်ရား မီပ်တူယူပ်မူဟာမ်းကွန်းနယ် အောမ်ကဲ့အယ် အီကဲ့လင်းမာ့။ စီးရာပ်သော် ကိုယ်တော်ကော ယောဟန်ငါ တပည့်လာပ်သယ် “နီမ်ယူပ်မူ သာပ်မူကားကာ့အရာဖူမ်နယ် ယောဟန်ပါအာ ငေါဟာလိတ်။ မီပ်တူ အယူပ်မူကားကာ့ တီတ်ဆာလာပ်ကော ရာမီပ်တူယူပ်မူဟာမ်းပါတ်။ ထော်သာ အသန်စွမ်နော်ရယ် လင်းငါးကာ တီတ်ဆာလာပ်ကော လမ်းဟာဟာမ်းရင်ပါတ်။ အနာတုန်ရောဂါသည်ဖူမ်ငေါ ရောဂါဖူမ် မီမ်ဟာမ်းဟူမ်ပါတ်။ ကနားတီစ်ကာ တီတ်ဆာလာပ်ကော ကနား သပ်မူဟာမ်းပါတ်။ ရှီးစီးကား တီတ်ဆာလာပ်ကော ဆိုင်းဟေရာမ်။ အပေါ်ဟာကား တီတ်ဆာလာပ်ရီး မင်္ဂလာသတင်းကလန်ဖူမ်နယ် သပ်မူဟီးမူဝါပ်။