Mga Popular na Bersikulo sa Biblia mula sa Jɔnə́ 14

Ibahagi

Musaŋgu mɔ́ m makúní na nyə́. Musaŋgu m myə mɔ́ m bəní nyə́. Mi n sə nyə́ ɛ bə ngə nkínshíyə n bəní nyə́. Nyí sí takí milə́m mí nyə á libum, nyí sí báŋ.

Yésuwə a pushú mɔ́ nána, “Miyə́ n dí mbuka ámə́ nǎn kə á Sáŋ m myə, mbálɛ ɛ́ fí á mi, mi nǎn bə̌ lúŋgɛ́. Mɔʼ ká nfɔ́ a tíŋganiyǎ ɛ́ paʼ á Sáŋ m myə ɛ́yə́ a túmbiyǎní á mi.

Yésuwə a pɔŋí bawútú bá mɔ nána, “Nyí si takí milə́m mí nyə. Nyí bán milə́m mí nyə á Dyǔ na á mi pə́.

Nwúnjan, Mudî ámə́ n Sáŋí awə̌ Sáŋ m myə á lúmní a dǐn lí myə, á lɛ́fú nyə́ misam mísə́sə̌n ti á bwə nyə́ nyí kání misam mísə́sə̌n ámə́ m mə́ní nyə́ ɛ pɔŋ.

Ká njá mɔ́lə́ awə̌ a kɛsí mambéndá má myə, ti a kɔŋgɔ́ pə́ mɔ́, mɔ́ á dí mɔʼ awə̌ a nəŋí mi. Ká njá awə̌ a nəŋí mi, Sáŋ ŋ myə pə́ á nəŋ mɔ́. Mi pə́ n nəŋ mɔ́ ti n lúfú mɔ́ nyǔ ɛ́ myə.”

Mi m pɔ̌ŋ Sáŋ a bə̂ nyə́ Nwúnjan ampə́pə̂, awə̌ á bá na nyə́ kə́ŋ ta á bwindeya. Nwúnjan ani, mɔ́ a dí Mudî ámə́ nán nyítí mbálɛ tɛ́ŋgɛnɛ Dyǔ. Baʼ bá nkínshíyə bá tíŋganiyǎ mɔ́ ɛ kási á ɛ́tútú nána bá nan míníyá mɔ́ na nána bá bíyǎ mɔ́. Ndé nyí bí mɔ́ á ɛ́tútú nána a dí na nyə́, a bá pə́ nyə́ átin.

Mi nán bwə ká yə̌ ɛ́yə́ nyí kɔ́ndɛ́ní á dǐn lí myə álí bwə nána wulɔʼ wú Sáŋ wú míndi á Mwǎn m mɔ. Yǔm tɛ́ ɛ́yə́ nyí kɔ́ndɛ́ní á dǐn lí myə, m bwə yɔ́.”

Yésuwə a byábí pə́ nána, “Njí nyí nə́ŋí mí, ní nyí nǎn mambéndá má myə.

Tfǔŋ jǐta ɛ́ dí á ndáʼ ɛ́ Sáŋ m myə. Mi nǎn kə álí tambú nyə́ fǔm áwə́. Njí suká nâ ní mi púliyǎ nyə́ ɛ pɔ̌ŋ nána nǎn kə nyə́ ɛ tambú fǔm.

Ndé njí n kǐ n tambú nyə́ fǔm, n tim á mbís, m paʼ n nǔŋ nyə́ álí bá na mi álí bwə nána nyə́ pɛ́ nyí bá áfə́ mi n díní.

Tɔ́masə a kɔ́ndɛ́ mɔ́ nána, “Sísə́, sí bíyǎ áfə́ ɛ̌ kəní, yán kə́ sí bíní mbuka ámə́ nǎn kə áfə́ ɛ díní?”