MATTHEW 5
5
Hadingkhro ha grao sainthi jen ba
1Jisu subung gabang nuhi, hadingkhro ha thang ba, ode, bo khamyaba ha boni rikphayarao boni sersi giding longthim ba, 2Odehe, grao thi hi bonsi khe sling ri ba.
Gibi khajama
(Lk. 6.20-23)
3Sere bese ha jar khe dukhisa thi hi mithi layarao de bonsi ni khophal hambi,
sorgo raji de bonsi ni se.
4Khah baiyarao de bonsi ni khophal hambi,
Bonsi shanti jang dong ma se.
5Maigru gruyarao de bonsi ni khophal hambi
Phirthi ni don khe bonsi mai ma se.
6Dormo ha hukhri hi dih gangjaoyarao de khophal hambi,
Bonsi ni khah gablai ma se.
7Malai ni basao ha maya-doya khlaiyarao de khophal hambi,
Bonsi maya-doya khlaijao ma se.
8Khah gatharrao de khophal hambi,
Bonsi Madai khe nu ma se.
9Milima slamyarao de khophal hambi,
Bonsi Madai ni basarao thijao ma se.
10Dormo ni khlai hi dukhu rijaoyarao de bonsi ni khophal hambi,
Sorgo raji de bonsi ni se.
11Ani khlai hi malai jang nisi khe jojao nang, ode, dukhu rijao nang, ode, niya niya mosol jang nisi khe gajai ri khade, nisi ni khophal hamba se. 12Khaja hi bai lah, sorgo ha nisi ni khlai hi yaosandi bang bi. Bede thikhade, olei jasosi ning nisi ni sagang ha gorasali dongyaraobo dukhu rijao ba se.
Sem jang jnama
(Mk. 9.50; Lk. 14.34,35)
13Nisi phirthi ni sem se; thikhabo, sem brabya kha la bede brab riphin ma? Dangkhlai hi subung buthu jang gasep jaoba khe gar hide musibo khusi habo nangya kha.
14Nisi habsao ni jnama se. Hadingkhro ha nolei dongyaba khe hui hi deng phuya. 15Subung thaophari sao hi khamphlu jang phungkhlip hi dengya, boni dengthan ha se deng re; odese noh bising ni khrip subung jnama khe nu ba. 16Olei jasosi ning nisi ni jnama subung ni muh ha jna thing; odese, nisi hamba khusi dangyaba buthu khe bonsi nu ma, ode, nisi ni bupha, sorgo ha dongyaba khe bakhan khlai phu ma.
Dara-disa ni slingrithai
17Dara ni grao ja thing, gorasalirao ni grao ja thing, sjam mane ang phaiba thi hi da bao. Sjam mane ang phaiya, phura khlai mane se ang phai ba. 18Gibi jang ang nisi khe thi du, phirthi nokhasao jamya side dara ni rebyaba ha gijisa ganthi ja thing, gijisa rul sikyaba ja thing, masi jahi bo jam nang niya. 19Odebani, sere ebo graothai riyaba ni bising ha asaba nangyaba grao khe slai re, ode gibin nebo olei ning slingriyaba de sorgo ha khasi daothao thijao ma se; thikhabo, sere mani hi sling ri du, sorgo ha subung dedaothao thijao ma se. 20Nisi ni dormo jang Dara slingriyarao ode Pharisairao ni dormo khe phungya khade nisi sorgo raji ha hap phu nang niya thi hi ang nisi khe thi du.
Thamsi jang sthaiyaba
21Ning da sthai bai thiyaba ar sere sthai du, boni basao ha bisar ja ma se thi hi thiyaba grao khe nisi khna kha. 22Thikhabo, angde thi du, sere jar ni daphlung ni basao ha thamsi baigo du, bo bisar khlaijao ma se; ode, sere jar ni daphlung khe khusi ha nangjaoyayaba thi du, bo bisar khlaijao ma se; sere gibir thi du, bo norok ni wai ha dangsing jao ma se. 23Odebani, khapra ha ning jinis riyaba khe yaophaba ha, nini daphlung nini basao ha khah ha hamjaoya jahi dong thihi ning wainso phin khade, 24Khapra rogong ha ning jinis riyaba khe dangkhlai langhi thang phin lah, ode, nini daphlung jang mili da lah; boni yaohon ha se nini jinis riyaba khe yaopha lah.
25Nini sotru jang nisi lama hempha laiba ha srap mili lah; niyakhade nini sotru ning khe bisardar niha rao ri hi bisar khlai hi subung remyaba hoja niha ning khe nepha ma se, ode, ning khe phatho ha jeb ma se. 26Gibi jang nisi khe thi du, lagai phura riphinya side nisi ora ni phrang baigo phu nang niya.
Gushu baothai
27Ning gaori da ja bai thi hi thiyaba grao khe nisi khna kha; 28Thikhabo, ang de thi du, sere masainjik khe hamjaoma jang nai du, boni khah ha gaori jahi ning dong. 29Odehe, nini yaoda ni muthai jang ning khe khuda hi galai ri khade khaikho hi dangkhlai lah. Nini saomang norok ha dangsing jao hi dong ba thane, nini saomang ni masi jamba se nini khlai hi hamdao. 30Nini yaoda jang ning khe doda ri du thikhade, bo khe dainso hi dangkhlai lah. Nini saomang khrip norok ha dangsing jaoba thane nini yao gongsi giriba se nini khlai hi hamdao.
Gaoleiba ni grao
(Mk. 16.9; Mk. 10.11,12; Lk. 16.18)
31Sere jar ni bihih jang gaolei du, gaoleiyaba ni laisi ri la thing oleibo thi du. 32Thikhabo, ang de thi du, sere bihih gaori jaya hi, jar ni bihih jang gaolei khade, bo gaori jaba se. Sere bihih jang gaolei hi noh japhin du, bo gaori-gaora jaba se.
Smai jang gibi
33Ning mosol grao jang smai da dang, thikhabo Madai niha smai khe phura khlai lah thihi grao thiyaba khe nisi khna kha. 34Thikhabo, ang de nisi khe thi du, asaba khalibo smai da dang; sorgo ni bumu lahi smai da dang, bode Madai ni khamthan se; phirthi ni bumu khe lahi bo smai da dang, bode boni igah dengthan se. 35Jerusalem ni bumu lahi smai da dang, bode Raja ni dedaothaoyaba nogor se. 36Jar ni bokhro khe rem hibo smai da dang, ning khanairim dingsi bo phuri la phuya ar sim ri la phuya. 37Jakha nisi thi khade jakha ja thing, jaya nisi thikha de jaya ja la thing. Bang bang side hamya se baigo ma.
Baslai suphin bani grao
(Lk. 6.29,30)
38Muthai ni baslai ha muthai, hathai ni baslai ha hathai thiyaba grao khe nisi khna kha. 39Thikhabo, ang de nisi khe thi du, subung hamyayaba khe da badai. Nini yaoda gede ning khe bakhao lai ri khade, yaosi gede bo ajao lah. 40Sereba nini ha grao hamya slam hi nini sola khe la la ma bao khade, nini rih khebo ri ha lah. 41Sereba ning khe bol jang melsi thangma sani khade saniyaba niha melgin thang lah. 42Sere nini ha sain du bo ne ri lah, sere nini ha jao jima phai du, boni ha mukhang jaya da ja.
Sotrurao khe khasao lah
(Lk. 6.27-28,32-36)
43Nini noharirao khe khasao lah, nini sotru khe jajaoya ja lah thiyaba grao khe nisi khna kha. 44Thikhabo, ang de nisi khe thi du, nisi ni sotrurao khe khasao lah; nisi khe dukhu riyarao ne Madai bi ri lah. 45Nisi ni bupha sorgo ha dongyaba ni basathu japhu mane khlai hi; bode subung hamba ar hamyayarao ni basao habo sain baigo ri du, ode dormo ni subung ar dormo niyayaba ni basao habo hadi ha ri du. 46Jar hamjaoyaba khe se ning nisi khasao kha la, snadi khe nisi yaosandi mai ma? Khajna khrangyaraobo olei ning dangya na somo? 47Odehe, nisi ni daphlungrao khe se ning nisi khlim kha la, snadi khe nisi hamba khusi dang dao ba? Jentailraobo olei la dang du da? 48Odebani, nisi ni bupha, sorgo ha dongyaba ham ba lai nisi ham ma nang ma.
Kasalukuyang Napili:
MATTHEW 5: DIMASBSI
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.