Zlr Lami dida
Lami dida
Deftera Zlrafta ná, ta mnamaŋ mna ta gwaɗa ta zlrafta ghəŋa haɗik, nda ya ka lu zlagigiŋtá mndu, nda ya ka dmaku nda ghuya ɗaŋwa zlrafta ta ghəŋa haɗik, nda ya ka Lazglafta zlraftá maga slna ni ŋa klaptá mndu ma dmaku.
Laviŋ lava lu ta dganapta his ta deftera Zlrafta.
1. Zlagigiŋtá ghəŋa haɗik, nda zlrafta rusa ta ghəŋa zwana Adamu. Hada mutsafta lu ta rusa ta ghəŋa Adamu, nda Hawa, nda Kayinu, nda Habila, nda Nuhu, nda ima zlakwa luwa, nda baftá həga nda slra ma Babila (Sura 1-11)
2. Rusa ta ghəŋa dzidzíha la Israʼila. Taŋtaŋa ni, tsaya Abraham mndu ya dzraf Lazglafta ta wi nda tsi kazlay dzaʼa nzakway yu ka Lazglafta gha kəʼa. Nda ma tsatsi guli dzaʼa mutsafta mndəra inda mnduha ta haɗik ta tfa wi. Laghu la hga Abraham da zərwa kabga zlghay nda ŋuɗufa ni, nda sna gwaɗa ni ya snana tsi ta Lazglafta. Nda gwaɗa ta Izak zwaŋa Abraham, nda zɗakatahuɗa ni ŋa Yakubu ta nzakway ka Israʼila, nda gwaɗa ta Yakubu dzidza mndəra la Israʼila ghwaŋpəɗ his. Ka kɗiŋtá na defteri na nda rusaftá gwaɗa ta Yusufu ta nzakway tekw mataba zwana Yakubu, nda ya ta ghəŋa skwi ta magaku kəl Yakubu nda zwana ni, nda inda gwal ga taŋ ka laghu da nzata ta haɗika Masar.
Aŋ mndani, rusaf rusa deftera Zlrafta ta gwaɗa ta ghəŋa mnduha. Kulam nda tsaya, skwi ta tagh na defteri na ná, ta ghəŋa skwi maga Lazglafta nzakwa ni. Zlraf zlra na defteri na nda mnay kazlay na Lazglafta ta zlagigiŋtá haɗik kəʼa. Taftá imi ta sləməŋ kazlay dzaʼa nghay ta mnduha ni kəʼa. Ma na defteri ná, dzaʼa nda ngha lu kazlay Lazglafta ta zlraftá kla kəma ma inda skwi kəʼa. Tsatsi ta tsa guma, nda zlaha gwal ta magatá skwi kul ɗinaku. Tsatsi guli ta pgha mnduha ni, ta katay ta həŋ guli. Mantsa ya skwiha rusaf lu mida.
Dagatá skwiha mida
Rusa ta ghəŋa zlagigiŋtá luwa nda haɗik 1:1–4:26
Rusa ta ghəŋa la Adamu 5:1–6:8
Rusa ta ghəŋa Nuhu 6:9–9:29
Rusa ta ghəŋa i Sem, nda Ham, nda Yefet 10:1–11:9
Rusa ta ghəŋ la Sem ha ka lagha ta Abram 11:10-32
Rusa ta ghəŋa Abraham, nda Izak, nda Yakubu 12:1–35:29
Rusa ta ghəŋa la Ghesav 36:1-43
Rusa ta ghəŋa Yusufu, nda zwana ma ni 37:1–45:28
Rusa ta ghəŋa la Israʼila ta haɗika Masar 46:1–50:26
Kasalukuyang Napili:
Zlr Lami dida: xed
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© Wycliffe Bible Translators, Inc. All rights reserved.