LUKE 20
20
Jishuwui Pangshapwui pongli Khangahān
(Mat 21.23-27; Mk 11.27-33)
1 #
Mat 21.23-27; Mk 11.27-33. Thangkha Jishuna khorumshimli tamchitheida pao hāshokta leilakha pāngmon akhokabing eina ain kathemabingna hangva̱naobingli ngasoda rai, 2#Joh 2.18. kala ali hānga, “Hāngmilu, nana khipāwui pangshap eina hi kasākhala, lah nali khipāna pangshap hi mikhala?” 3Jishuna ngahānkai, “Ina nathumli khangahān akha sāga, hāngmilu, 4Johnwui ra̱hikkhamiwui pangshap hi kazingramwui einakā, miwui einakhala?” 5Chieina athum akha eina akha kasupta ngazek ngaroka, “Ithumna ‘Kazingramwui einana’ jiakha, ana khisāda ali mashitsangthukhala? jira; 6#Mat 14.5; Lk 7.29. ‘Miwui einana’ jisa, mibingna ithumli ngalung eina horthathaora; kaja John hi marān akhana kaji athum saikorana mayāchao kahaina.” 7Chieina athumna kachiwui eina kharākhala matheimana da ngahānkai. 8Chieina Jishuna athumli hānga, “Chithākha inala khiwui pangshap eina ot saikora hi kasākhala da mahangmara.”
Drakhā Yāmgui Khamasābingwui Chānjam
(Mat 21.33-46; Mk 12.1-12)
9 #
Mat 21.33-46; Mk 12.1-12. #Isa 5.1-7; Mat 25.14. Chiwui thili Jishuna mibingli chānjam akha hāngchithei, “Mi akhana drakhā yāmgui akha sai kala chi drakhā yāmgui khavā mi akhali masā ngasakhailaga atam kasāngkhawui vang kha̱ram vāhaowa. 10Atam ungkashung tharan khamasābingli amasātman akhui khavai awui rao akha chihovai. Kha khamasābing china ali shaomihailaga khamasai eina shiunhaowa. 11Ana khangatei rao akhala shivātlui, kha alila athumna shaoda khayaklak eina sāmihailaga khamasai eina shiunluihaowa. 12Chithālala kakathuma rao akha chihovāluishita, alila khama za̱mihailaga ayarli horshokhaowa. 13Chiwui thili drakhā yāmguiwui akhavā china hānga, ‘Khi kasāna phameinikhala! Iwui khaluma naomayarali chihovāra; kachangkhat athumna aliva khayāshira.’ 14Kha drakhā yāmgui khavābingna ali kathei tharan athum akha eina akha ngazek ngarokta hānga, ‘Shimluikatpa chi hina, ali shaothathaosa; chithākha shimlui chi ithumwui ngasāpaira.’ 15Chieina athumna ali drakhā yāmguiwui ayarli shimenshoklaga shaothathaowa. Chithākha yāmgui chiwui akhavāna athumli khi sāmaraokhala? 16#Ots 13.46; 18.6; 28.28. “Ana rālaga khamasābing saikora chili sāthatserhaora kala yāmgui chi mi kateibingli masā ngasakhaora.” Mibingna chi kashā eina “Chi Varena mamayāmana” da hānga. 17#Laa 118.22-23; Ots 4.11; 1 Pet 2.6-7. Kha Jishuna athumli yanglaga hānga, “Chithākha kapi kahai hi khikhala? ‘Shim kasānaobingna horkahai lunggui china achithekwui khamakhoka ngalung ngasāhaira.’#Laa 118.22-23; Ots 4.11; 1 Pet 2.6-7. 18Lunggui chiwuitungli kongluikazang kachiva̱ akha̱-akhā ngasāra, lunggui china kachikathāli takkharor tharan chifa ngasāda chaiyānghaora.”
Caesarli Khāshinā Khami
(Mat 22.15-22; Mk 12.13-17)
19 #
Lk 19.47. Ain kathembing eina pāngmon akhokabingna pung chichangli Jishuli tukkhuingai, khikhalajila ana chānjam kahāng chi athumli kahāngna da athumna thei, kha athumna mibingli ngacheehaowa. 20#Mat 22.15-22; Mk 12.13-17. Chieina athumna atam kachā chi rimpama kala kachikathā kaikhali pheizā mida khamashung-khangarong sārek ngasaklaga Jishuna khayontui matuiakha tukkhuilaga khamunga pangshap khaleiya Governorwui pāngli horsangmi khavai mi chihovai. 21#Joh 3.2. Chieina athumna ali ngahānna, “Ojā, na khamashung-khangarong tui matuida tamchithei kaji ithumna thei, kala khipālikha mijang masāla Varewui apongli mashungrik eina tamchithei. 22Caesarli khāshinā khami hi mingayikā mamingayimakhala?” 23Kha athumwui mareimarā chi theilaga athumli hānga, 24“Ili lupāsā akha chitheilu; chili khipāwui azak kala khipāwui aming kapihailikhala?” Athumna “Caesarwuina” da ngahānkai. 25#Rom 13.7; Lk 23.2. Ana athumli hānga, “Chithākha Caesarwui chi Caesarli milu, kala Varewui chi Vareli milu.” 26Chieina athumna mibingwui mangāli ana kahāng tui chiwui lungli khayon matukkhuirarthuwa. Kha awui ngahānkakā chili matakhakhaida kasainakha pamhaowa.
Ringkhaluiwui pongli Khangahān
(Mat 22.23-33; Mk 12.18-27)
27 #
Mat 22.23-33; Mk 12.18-27. #Ots 4.1-2; 23.6-10. Ringkhalui kaho maleimana da kahānga Sadducee kaikha awuili rai, 28#Khal 25.5. kala ali rāngahāna, “Ojā, ‘Achinā akhana ngalā khuilaga nao mapharāla apreiva̱ horhaida thihaiakha agatona preiva̱ chi ngakumphalungra kala awui vang nao pharākhuiphalungra da Mosesna ithumwui vang kapimihai.’ 29Atam akhali chinaongarā shini leisai, khararra china ngalā khuilaga nao maleila thihaowa. 30Kakhanenala chithai, 31kakathumana preiva̱ chili ngakumlui, chithada sāda athum shini chi nao maleilakla thiserhaowa. 32Chiwui thili preiva̱ chila thihaowa. 33Chithākha, ringkhalui atamli sha̱naopava̱ chi khipāwui preiva̱ sārakhala? Kaja shini china ali ngakumsera.”
34Chieina Jishuna athumli ngahānkai, “Mithot hiwui naobingna ngalāla khui kala fakathuila fathui, 35kha ringkhaluili kala rāki kaji okthotli zangkhangayibing chiva ngalā makhuiluimana, fakathuila mafathuiluimana. 36Athum mathiluimara, khikhalajila athum ringkhaluiwui naobing ngasāhaoda kazingraobingli ngaraichai kala Varewui naobing ngasāhaowa. 37#Sho 3.6. Kha Mosesna kathebing ringluishithaora kaji hi khangapoma thingrongli mei kachui chili ana Proholi Abrahamwui, Jacobwui kala Isaacwui Varena da kaho china chitheimihaira. 38Chithākha a kathewui Vare maningmana kha kharingawui Varena; kaja saikora awuili kharingna.” 39#Mk 12.28. Chieina ain kathembing kaikhana, “Ojā nana mathālak eina ngahānkāmihaira” da hānga. 40#Mk 12.34; Mat 22.46. Kaja athumna khangatei mangahānlengluithuwa.
Khristawui pongli Khangahān
(Mat 22.41-46; Mk 12.35-37)
41 #
Mat 22.41-45; Mk 12.35-37; Laa 110.1. Kha Jishuna athumli hānga, “Kathada athumna Khrista hi Davidwui Naomayarana da hangpairakhala? 42Kaja David khalattana Laa lairikli hānga:
‘Prohona iwui Proholi hānga,
Iwui yāshong pamlu,
43nawui yangkashebingli Ina nawui pheinai masāngasakranglakha eina tangda.’
44Chithada sāda Davidna ali ‘Proho’ hoi; chithākha kathada awui naomayara ngasāpaira̱khala?”
45 #
Mk 12.38-40; Mat 23.6-7; Lk 11.43; 14.7-11. Mibing saikorana nganāmahungda leilakha sākhangatha̱bingli hānga, 46“Katuma phahon ngavailaga yaothuizatkhangaiya kala leihngapha̱lungli khayāshilak eina shālam sāngasakkhangaibing kala synagogueli mathāmeikap kaji pam kala zātkhān kasāli khayākakāpam kaphābing, 47rāmeinaobingwui lan khangaponbing kala sāchithei khavai seihā kasangsang sākharekabingli ningngasharlu. Athum hakkhamei khonshāt samphangra.”
Kasalukuyang Napili:
LUKE 20: TANGBSI
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.