1 Yoliánesà 1
1
Kapit balid.
1Kelos äbinos de begin; kelosi elilòbs; kelosi elogobs me logs obsa; kelosi eilogedobs, e nams obas efinedoms, tefü vöd lifa:
2(e lif pemanifamom, e kelosi elogobs: ä noelobs ä notobs oles, lifi tenüpik, kel äibinom lä Fat e pemanifamom):
3kelosi elogobs èd elilobs: notobs id oles, dat id ols tugedi labolsös ke obs! e tuged ab obsa (binomös) ko Fat e ko Son ota Yesus Kristus!
4Ed atosi penobs, dat gäl olsa binomös pefulöl.
5E binom at notod, keli elilobs de om, e notobs oles: das God lit aibinom, e daèg no binom sem in om.
6If sagobs, das tugedi labobs ke om, ed in daèg kodötobs: neveladobs, e no dunobs velati.
7Ab if in lit kodötobs, äs it aibinom in lit: tugedi labobs ko balvotims, e blud Yesusa Kristus, Sona oma, klinom obis de valik sin.
8If sagobs, das sini no labobs, itis pölodukobs, e velat no binom in obs.
9If koefobs sinis obsa: fiedik binom e cödik, dat fögivom obes sinis, e klinom obis de valik necöd.
10If sagobs, das no esinobs, neveladeli mekobs omi, e vöd ota no binom in obs.
Kasalukuyang Napili:
1 Yoliánesà 1: VOL
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
maintained by the British and Foreign Bible Society