I MGA CRONICA 22:11-13

Ngayon, anak ko, sumaiyo ang PANGINOON, upang magtagumpay ka sa iyong pagtatayo ng bahay ng PANGINOON mong Diyos, gaya ng kanyang sinabi tungkol sa iyo. Pagkalooban ka lamang ng PANGINOON ng dunong at pang-unawa, upang kapag ipinagkatiwala na niya sa iyo ang Israel ay matupad mo ang kautusan ng PANGINOON mong Diyos. Kung magkagayo'y magtatagumpay ka kung maingat mong susundin ang mga tuntunin at ang mga batas na ipinag-utos ng PANGINOON kay Moises para sa Israel. Magpakalakas ka at magpakatapang; huwag kang matakot o manlupaypay man.