APOCALIPSIS 22
22
Ang Ilog ng Buhay
1At#Ez. 47:1; Zac. 14:8 ipinakita sa akin ng anghel#22:1 Sa Griyego ay niya. ang isang ilog ng tubig ng buhay, na maningning na gaya ng kristal, na lumalabas mula sa trono ng Diyos at ng Kordero
2sa#Gen. 2:9 gitna ng lansangan ng lunsod. Sa magkabilang panig ng ilog ay naroon ang punungkahoy ng buhay, na namumunga ng labindalawang iba't ibang bunga, na namumunga sa bawat buwan; at ang mga dahon ng punungkahoy ay para sa pagpapagaling sa mga bansa.
3At#Zac. 14:11 (cp. Gen. 3:17) hindi na roon magkakaroon pa ng isinumpa. Ngunit ang trono ng Diyos at ng Kordero ay matatagpuan doon, at siya'y paglilingkuran ng kanyang mga alipin;
4at makikita nila ang kanyang mukha at ang kanyang pangalan ay masusulat sa kanilang mga noo.
5Hindi#Isa. 60:19; Dan. 7:18 na magkakaroon pa ng gabi, at sila'y hindi nangangailangan ng liwanag ng ilawan, ni ng liwanag man ng araw, sapagkat ang Panginoong Diyos ang magbibigay-liwanag sa kanila, at sila'y maghahari magpakailanpaman.
Ang Pagdating ni Jesus
6At sinabi niya sa akin, “Ang mga salitang ito'y tapat at tunay. Ang Panginoon, ang Diyos ng mga espiritu ng mga propeta, ay nagsugo ng kanyang anghel upang ipakita sa kanyang mga alipin ang mga bagay na kailangang mangyari kaagad.
7Ako'y malapit nang dumating!#22:7 o dumarating nang mabilis. Mapalad ang tumutupad ng mga salita ng propesiya ng aklat na ito.”
8Akong si Juan ang nakarinig at nakakita ng mga bagay na ito. At nang aking marinig at makita, nagpatirapa ako upang sumamba sa harapan ng anghel na nagpakita sa akin ng mga bagay na ito.
9Ngunit sinabi niya sa akin, “Huwag mong gawin iyan! Ako'y kapwa mo alipin at ng iyong mga kapatid na mga propeta, at ng mga tumutupad ng mga salita ng aklat na ito. Ang Diyos ang sambahin mo.”
10At sinabi niya sa akin, “Huwag mong tatakan ang mga salita ng propesiya ng aklat na ito, sapagkat malapit na ang panahon.
11Ang#Dan. 12:10 masama ay hayaang magpakasama pa at ang marumi ay hayaang magpakarumi pa, at ang matuwid ay hayaang maging matuwid pa, at ang banal ay hayaang magpakabanal pa.”
12“Ako'y#Isa. 40:10; 62:11; Awit 28:4; Isa. 40:10; Jer. 17:10 malapit nang dumating#22:12 o dumarating nang mabilis. at dala ko ang aking gantimpala, upang gantihan ang bawat isa ayon sa kanyang ginawa.
13Ako#Apoc. 1:8; Isa. 44:6; 48:12; Apoc. 1:17; 2:8 ang Alpha at ang Omega, ang una at ang huli, ang pasimula at ang wakas.”
14Mapapalad#Gen. 2:9; 3:22 ang naghuhugas ng kanilang damit, upang sila'y magkaroon ng karapatan sa punungkahoy ng buhay at makapasok sa lunsod sa pamamagitan ng mga pintuan.
15Nasa labas ang mga aso, mga mangkukulam, mga mapakiapid, mga mamamatay-tao, mga sumasamba sa mga diyus-diyosan, at ang bawat umiibig at gumagawa ng kasinungalingan.
16“Akong#Isa. 11:1, 10 si Jesus ay nagsugo ng aking anghel upang sa inyo'y magpatotoo ng mga bagay na ito sa mga iglesya. Ako ang ugat at ang supling ni David, ang maningning na tala sa umaga.”
17Ang#Isa. 55:1 Espiritu at ang babaing ikakasal ay nagsasabi, “Halika.”
At ang nakikinig ay magsabi, “Halika.”
At ang nauuhaw ay pumarito,
ang may ibig ay kumuha ng tubig ng buhay nang walang bayad.
Mga Babala at Basbas
18Aking#Deut. 4:2; 12:32 binabalaan ang bawat taong nakikinig sa mga salita ng propesiya ng aklat na ito: Kung ang sinuman ay magdagdag sa mga ito, idaragdag sa kanya ng Diyos ang mga salot na nakasulat sa aklat na ito,
19at kung ang sinuman ay mag-alis sa mga salita ng aklat ng propesiyang ito, aalisin ng Diyos ang kanyang bahagi sa punungkahoy ng buhay at sa banal na lunsod, na nakasulat sa aklat na ito.
20Ang nagpapatotoo sa mga bagay na ito ay nagsasabi, “Oo, ako'y malapit nang dumating.”#22:20 o dumarating nang mabilis. Amen. Pumarito ka Panginoong Jesus!
21Ang biyaya ng Panginoong Jesus ay mapasa mga banal. Amen.#22:21 Sa ibang mga kasulatan ay walang Amen.
Kasalukuyang Napili:
APOCALIPSIS 22: ABTAG01
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
©Philippine Bible Society, 2001