I MGA TAGA CORINTO 10
10
1Sapagka't hindi ko ibig mga kapatid, na di ninyo maalaman, #Ex. 13:21. na ang ating mga magulang ay nangapasa ilalim ng alapaap, #Ex. 14:22. at ang lahat ay nagsitawid sa dagat;
2At lahat ay nangabautismuhan kay Moises sa alapaap at sa dagat;
3At #Ex. 16:15, 35; Juan 6:31. lahat ay nagsikain ng isang pagkain ding ayon sa espiritu;
4At #Ex. 17:6. lahat ay nagsiinom ng isang inumin ding ayon sa espiritu; sapagka't nagsiinom sa batong ayon sa espiritu na sumunod sa kanila: at ang batong yaon ay si Cristo.
5Bagaman ang karamihan sa kanila ay hindi nakalugod sa Dios; #Blg. 14:29, 32, 35; 26:64, 65. sapagka't sila'y ibinuwal sa ilang.
6Ang mga bagay na ito nga'y pawang naging mga halimbawa sa atin, upang huwag tayong magsipagnasa ng mga bagay na masama na #Blg. 11:4. gaya naman nila na nagsipagnasa.
7Ni huwag din naman kayong mapagsamba sa mga diosdiosan, gaya niyaong ilan sa kanila; ayon sa nasusulat, #Ex. 32:6. Naupo ang bayan upang magsikain at magsiinom, at nagsitindig upang magsipagsayaw.
8Ni huwag din naman tayong #1 Cor. 6:18. makiapid, na gaya ng ilan sa kanila na nangakiapid, at ang #Blg. 25:1-9. nangabuwal sa isang araw ay dalawangpu at tatlong libo.
9Ni huwag din naman nating tuksuhin ang Panginoon, na gaya ng pagkatukso ng ilan sa kanila, at #Blg. 21:5, 6. nangapahamak sa pamamagitan ng mga ahas.
10Ni huwag din kayong mangagbulongbulungan, na gaya ng ilan sa kanila na nangagbulungan, at #Blg. 14:2, 37. nangapahamak sa pamamagitan ng mga mangwawasak.
11Ang mga bagay na ito nga'y nangyari sa kanila na pinakahalimbawa; at #Rom. 15:4. pawang nangasulat sa pagpapaalaala sa atin, na mga dinatnan ng katapusan ng mga panahon.
12Kaya't #Rom. 11:20. ang may akalang siya'y nakatayo, magingat na baka mabuwal.
13Hindi dumating sa inyo ang anomang tukso kundi yaong matitiis ng tao: datapuwa't #1 Cor. 1:9. tapat ang Dios, #2 Ped. 2:9. na hindi niya itutulot na kayo'y tuksuhin ng higit sa inyong makakaya; kundi kalakip din ng tukso ay gagawin naman ang paraan ng pagilag, upang ito'y inyong matiis.
14Kaya, mga minamahal ko, #tal. 7. magsitakas kayo sa pagsamba sa diosdiosan.
15Ako'y nagsasalitang tulad #1 Cor. 8:1. sa marurunong; hatulan ninyo ang sinasabi ko.
16Ang saro ng pagpapala #Mat. 26:23, 27, 28; 1 Cor. 11:25; 14:16. na ating pinagpapala, hindi baga siyang pakikipagkaisa ng dugo ni Cristo? Ang tinapay na ating pinagpuputolputol, hindi baga siyang pakikipagkaisa ng katawan ni Cristo?
17Bagaman tayo'y marami, ay iisa lamang tinapay, #1 Cor. 12:27; Ef. 4:4, 16. iisang katawan: sapagka't tayong lahat ay nakikibahagi sa isa lamang tinapay.
18Tingnan ninyo #Rom. 9:3, 5. ang Israel na ayon sa laman: #Lev. 3:3; 1:15. ang mga nagsisikain baga ng mga hain ay wala kayang pakikipagkaisa sa dambana?
19Ano ang aking sinasabi? na ang hain baga sa mga diosdiosan ay may kabuluhan? #1 Cor. 8:4. o ang diosdiosan ay may kabuluhan?
20Subali't sinasabi ko, na ang mga bagay na inihahain #Deut. 32:17. ng mga Gentil, ay kanilang inihahain sa mga demonio, at hindi sa Dios: at di ko ibig na kayo'y mangagkaroon ng pakikipagkaisa sa mga demonio.
21Hindi ninyo maiinuman #2 Cor. 6:15, 16. ang saro ng Panginoon, at ang saro ng mga demonio: kayo'y hindi maaaring makisalo sa dulang ng Panginoon, at sa dulang ng mga demonio.
22O #Ex. 20:5; Blg. 25:11. minumungkahi baga natin sa paninibugho ang Panginoon? tayo baga'y lalong malakas kay sa kaniya?
23Lahat ng mga bagay ay matuwid; #1 Cor. 6:12. nguni't hindi ang lahat ng mga bagay ay nararapat. Lahat ng mga bagay ay matuwid; nguni't hindi ang lahat ng mga bagay ay makapagpapatibay.
24Huwag #Rom. 15:1, 2. hanapin ninoman ang sa kaniyang sarili, kundi ang ikabubuti ng kapuwa.
25Lahat ng ipinagbibili sa pamilihan ay kanin ninyo, at huwag kayong magsipagtanong ng anoman #1 Cor. 8:7. dahilan sa budhi;
26Sapagka't ang lupa ay #Awit 24:1. sa Panginoon, at ang kabuuan ng naririto.
27Kung kayo'y aanyayahan ng isang hindi sumasampalataya, at ibig ninyong pumaroon; ang anomang ihain sa inyo ay kanin ninyo, at huwag kayong magsipagtanong ng anoman dahilan sa budhi.
28Datapuwa't kung sa inyo'y may magsabi, Ito'y inihandog na hain, ay huwag ninyong kanin, #1 Cor. 8:10, 12. dahilan doon sa nagpahayag at dahilan sa budhi;
29Budhi, sinasabi ko, hindi ang inyong sarili, kundi ang sa iba; sapagka't bakit #1 Cor. 9:1, 19. hahatulan ang kalayaan ng budhi ng iba?
30Kung nakikisalo ako na may pagpapasalamat, #Rom. 14:6. bakit ako'y aalipustain ng dahil sa aking ipinagpapasalamat?
31Kaya kung kayo'y nagsisikain man, o nagsisiinom man o anoman ang inyong ginagawa, #Col. 3:17; 1 Ped. 4:11. gawin ninyo ang lahat sa ikaluluwalhati ng Dios.
32Huwag kayong magbigay ng dahilang ikatitisod, #Rom. 14:13. sa mga Judio man, sa mga Griego man, o sa #Gawa 20:28; 1 Cor. 11:22; 15:9. iglesia man ng Dios:
33Na gaya ko #Rom. 15:2. din naman, na sa lahat ng mga bagay ay nagbibigay lugod ako sa lahat ng mga tao, na hindi ko hinahanap ang aking sariling kapakinabangan, kundi ang sa marami, upang sila'y #Rom. 11:14. mangaligtas.
Kasalukuyang Napili:
I MGA TAGA CORINTO 10: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982