ANG MGA GAWA 14
14
1At nangyari sa #tal. 19, 21; Gawa 13:51. Iconio na sila'y magkasamang nagsipasok #Gawa 13:14. sa sinagoga ng mga Judio, at nangagsalita ng gayon na lamang na ano pa't nagsisampalataya ang lubhang marami sa mga Judio at sa mga Griego.
2Datapuwa't #Gawa 13:50. inudyukan ng mga Judiong suwail ang mga kaluluwa ng mga Gentil, at pinasama sila laban sa mga kapatid.
3Nagsitira nga sila doon ng mahabang panahon na nagsisipagsalita ng buong katapangan sa Panginoon, na nagpapatotoo sa #Gawa 20:32. salita ng kaniyang biyaya, na ipinagkakaloob na gawin ng kanilang mga kamay ang mga tanda at mga kababalaghan.
4Datapuwa't nagkabahabahagi ang karamihan sa bayan; at ang isang bahagi'y nakisama sa mga Judio, at ang ibang bahagi'y nakisama sa mga #tal. 14. apostol.
5At nang gawin ang pagdaluhong ng mga Gentil at ng mga Judio naman na kasama ang kanilang mga pinuno, upang sila'y halayin at batuhin,
6 At sa pagkaalam nila nito, ay #Mat. 10:23. nagsitakas na patungo sa mga bayan ng Licaonia, #Gawa 16:2; 20:4; 2 Tim. 3:11. Listra at Derbe, at sa palibotlibot ng lupain:
7At doon nila ipinangaral ang evangelio.
8At sa Listra ay may isang lalaking nakaupo, na sa mga paa'y #Gawa 3:2. walang lakas, pilay mula pa sa tiyan ng kaniyang ina, na kailan ma'y hindi nakalakad.
9Narinig nitong nagsasalita si Pablo: na, nang titigan siya ni Pablo, at makitang may pananampalataya #Mar. 10:52. upang mapagaling,
10Ay nagsabi ng malakas na tinig, Magtindig kang matuwid sa iyong mga paa. #Gawa 3:8. At siya'y lumukso at lumakad.
11At nang makita ng karamihan ang ginawa ni Pablo, ay nagsigawan sila, na sinasabi sa wikang Licaonia, #Gawa 8:10; 28:6. Ang mga dios ay nagsibaba sa atin sa anyo ng mga tao.
12At tinawag nilang Jupiter, si Bernabe; at Mercurio, si Pablo, sapagka't siya ang pangulong tagapagsalita.
13At ang saserdote ni Jupiter na ang kaniyang templo ay nasa harap ng bayan, ay nagdala ng mga baka't mga putong na bulaklak sa mga pintuang-daan, at ibig maghaing kasama ng mga karamihan.
14Datapuwa't nang marinig ito #tal. 4. ng mga apostol, na si Bernabe at si Pablo, ay #Mat. 26:65. hinapak nila ang kanilang mga damit, at nagsipanakbo sa gitna ng karamihan, na nagsisigaw
15At nagsisipagsabi, Mga ginoo, #Gawa 10:26. bakit ninyo ginagawa ang mga bagay na ito? Kami'y mga tao ring may mga karamdamang gaya ninyo, at nangagdadala ng mabubuting balita sa inyo, upang mula sa mga bagay na itong #Deut. 32:21; 1 Cor. 8:4. walang kabuluhan ay magsibalik kayo #Mat. 16:16. sa Dios na buhay, #Awit 146:6. na gumawa ng langit at ng lupa at ng dagat, at ng lahat ng nasa mga yaon:
16Na nang mga panahong nakaraan #Awit 81:12; Gawa 17:30. ay pinabayaan niya ang lahat ng mga bansa ay magsilakad sa kanilang mga sariling daan.
17At gayon man ay #Gawa 17:27; Rom. 1:20. hindi nagpabayang di nagbigay patotoo, tungkol sa kaniyang sarili, na gumawa ng mabuti #Lev. 26:4; Awit 68:9; Mat. 5:45. at nagbigay sa inyo ng ulang galing sa langit at ng mga panahong sagana, na pinupuno ang inyong mga puso ng #Awit 104:15, 27. pagkain at ng katuwaan.
18At sa mga pananalitang ito ay bahagya na nilang napigil ang karamihan sa paghahain sa kanila.
19Datapuwa't #Gawa 13:45, 50. nagsirating ang mga Judiong buhat sa #Gawa 13:14. Antioquia at #tal. 1. Iconio: at nang mahikayat nila ang mga karamihan, #2 Cor. 11:25. ay kanilang pinagbabato si Pablo, at kinaladkad nila siya sa labas ng bayan, na inaakalang siya'y patay na.
20Datapuwa't samantalang ang mga alagad ay nangakatayo sa paligid niya, ay nagtindig siya, at pumasok sa bayan: at nang kinabukasa'y umalis siya na kasama ni Bernabe napasa #tal. 6. Derbe.
21At nang maipangaral na nila ang evangelio sa bayang yaon, at makahikayat ng maraming mga alagad, ay nagsibalik sila sa Listra at sa Iconio, at sa Antioquia,
22Na #Gawa 15:32, 41. pinatitibay ang mga kaluluwa ng mga alagad, at inaaralan sila na magsipanatili sa pananampalataya, at sa pamamagitan ng maraming mga kapighatian #Mar. 10:30; Luc. 22:28, 29; Juan 16:33. ay kinakailangang magsipasok tayo sa kaharian ng Dios.
23At nang makapaglagay na sa kanila ng #Gawa 11:30. mga matanda sa bawa't iglesia, at nang makapanalanging may pagaayuno, ay ipinagtagubilin sila sa Panginoong kanilang sinampalatayanan.
24At kanilang tinahak ang #Gawa 13:13, 14. Pisidia, at nagsiparoon sa Pamfilia.
25At nang masalita na nila ang salita sa Perga, ay nagsilusong sila sa Atalia;
26At buhat doo'y nagsilayag sila sa #Gawa 11:26. Antioquia, na doo'y ipinagtagubilin sila sa #Gawa 13:43. biyaya ng Dios dahil sa gawang kanilang natapos na.
27At nang sila'y magsidating, at matipon na ang iglesia, ay isinaysay nila ang lahat ng mga bagay na ginawa ng Dios sa kanila, #1 Cor. 16:9; 2 Cor. 2:12; Col. 4:3. at kung paanong binuksan niya sa mga Gentil ang pintuan ng pananampalataya.
28At nangatira silang hindi kakaunting panahon na kasama ng mga alagad.
Kasalukuyang Napili:
ANG MGA GAWA 14: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982