DEUTERONOMIO 7
7
Ipinagpauna na huwag makikipagtipan sa mga bansa.
1Pagka #Deut. 31:3.ipapasok ka ng Panginoon mong Dios sa lupain na iyong pinaroroonan upang ariin, at palalayasin ang maraming bansa sa harap mo, ang Hetheo, at ang Gergeseo at ang Amorrheo, at ang Cananeo, at ang Pherezeo, at ang Heveo, at ang Jebuseo, na pitong bansang #Deut. 4:38. lalong malalaki at mga lalong makapangyarihan kay sa iyo;
2At pagka sila'y #tal. 23; Deut. 23:14.ibibigay sa harap mo ng Panginoon mong Dios, at iyong sasaktan sila; #Ex. 22:20; Lev. 27:28, 29.ay lubos mo ngang lilipulin sila; #Ex. 23:32; Deut. 20:10; Jos. 2:14; 9:18; Huk. 1:24. huwag kang makikipagtipan sa kanila, ni huwag mong pagpakitaan ng kaawaan sila:
3 #
Ex. 34:16; Jos. 23:12. Ni magaasawa sa kanila; ang iyong anak na babae ay huwag mong papag-aasawahin sa kaniyang anak na lalake, ni ang kaniyang anak na babae, ay huwag mong papag-aasawahin sa iyong anak na lalake.
4Sapagka't kaniyang ihihiwalay ang iyong anak na lalake sa pagsunod sa akin, upang sila'y maglingkod sa ibang mga dios: sa gayo'y magaalab ang galit ng Panginoon laban sa iyo, at kaniyang lilipulin kang madali.
5Kundi ganito ang inyong gagawin sa kanila; #Ex. 34:13.inyong igigiba ang kanilang mga dambana, at inyong pagpuputolputulin ang kanilang mga haligi na pinaka-alaala at inyong ibubuwal ang kanilang mga Asera, at inyong susunugin sa apoy ang kanilang mga larawang inanyuan.
6 #
Ex. 19:6; Deut. 14:2; Jer. 2:3. Sapagka't ikaw ay isang banal na bayan sa Panginoon mong Dios; #Ex. 19:5; Amos 3:2; 1 Ped. 2:9.pinili ka ng Panginoon mong Dios upang maging bayan sa kaniyang sariling pagaari, na higit sa lahat ng mga bayan na nasa ibabaw ng balat ng lupa.
7Hindi kayo inibig ng Panginoon, ni pinili kayo ng dahil sa kayo'y marami sa bilang kay sa alin mang bayan; sapagka't kayo #Deut. 10:22.ang pinakamaliit sa lahat ng mga bayan:
8Kundi #Deut. 10:15; Os. 11:1; Mal. 1:2.dahil sa inibig kayo ng Panginoon, at dahil sa kaniyang tinupad #Ex. 32:13; Awit 105:9-10.ang sumpa na kaniyang isinumpa sa inyong mga magulang, ay inilabas kayo ng Panginoon sa pamamagitan ng makapangyarihang kamay at tinubos kayo sa bahay ng pagkaalipin, mula sa kamay ni Faraon na hari sa Egipto.
9Talastasin mo nga, na ang Panginoon ninyong Dios, ay siyang Dios: #Is. 40:7; 1 Cor. 1:9; 10:13; 2 Cor. 1:18; 1 Tes. 5:24; 2 Tes. 3:3; 2 Tim. 2:13; Heb. 11:11; 1 Juan 1:9.ang tapat na Dios, na #Neh. 1:5; Dan. 9:4.nag-iingat ng tipan at naggagawad ng kagandahang-loob sa mga umiibig sa kaniya, at tumutupad ng kaniyang mga utos, hanggang sa isang libong salin ng lahi;
10At #Is. 59:18.pinanghihigantihan sa kanilang mukha, ang mga napopoot sa kaniya, upang lipulin: #Deut. 32:35.siya'y hindi magpapaliban doon sa napopoot sa kaniya, kaniyang panghihigantihan sa kaniya ring mukha.
11Iyo ngang iingatan ang utos, at ang mga palatuntunan, at ang mga kahatulan, na aking iniutos sa iyo sa araw na ito, na iyong ganapin.
Ang biyaya sa pagkamasunurin.
12At #Deut. 28:1-14.mangyayari, na sapagka't iyong dininig ang mga kahatulang ito, at iyong tinutupad at iyong ginaganap, ay tutuparin sa iyo ng Panginoon mong Dios ang tipan, at igagawad ang kagandahang-loob, na kaniyang isinumpa sa iyong mga magulang:
13At #Juan 14:21.kaniyang iibigin ka, at pagpapalain ka, at padadamihin ka: kaniya rin namang pagpapalain ang bunga ng iyong katawan, at ang bunga ng iyong lupa, ang iyong trigo, at ang iyong alak, at ang iyong langis, ang karagdagan ng iyong mga bakahan, at ang mga guya ng iyong kawan sa lupain na kaniyang isinumpa sa iyong mga magulang, upang ibigay sa iyo.
14Magiging mapalad ka kay sa lahat ng mga bayan: #Ex. 23:26.walang magiging baog na babae o lalake sa inyo o sa inyong mga hayop.
15At ilalayo sa iyo ng Panginoon ang lahat ng sakit: at wala siyang ihuhulog sa inyo sa #Ex. 9:14; Deut. 28:60.masamang sakit sa Egipto, na iyong nalalaman, kundi ihuhulog niya sa lahat ng nangapopoot sa iyo.
16At iyong lilipulin ang lahat ng mga bayan na ibibigay sa iyo ng #Deut. 13:8; 19:13, 21; 25:12.Panginoon mong Dios; ang iyong mata ay huwag mahahabag sa kanila; ni huwag kang maglilingkod sa kanilang mga dios; sapagka't #Ex. 23:33; Huk. 8:27.magiging isang silo sa iyo.
Ipinangako ang tulong ng Panginoon.
17Kung iyong sasabihin sa iyong puso, Ang mga bansang ito ay higit kay sa akin; #Blg. 33:53.paanong aking makakamtan sila?
18 #
Deut. 1:29; 31:6. Huwag kang matatakot sa kanila; #Awit 105:5.iyong aalalahaning mabuti ang ginawa ng Panginoon mong Dios kay Faraon, at sa buong Egipto.
19Ang mga dakilang tukso na nakita ng iyong mga mata, at ang mga tanda, at ang mga kababalaghan, at ang makapangyarihang kamay, at ang unat na bisig, na ipinaglabas sa iyo ng Panginoon mong Dios: ay gayon ang gagawin ng Panginoon mong Dios sa lahat ng mga bayan na iyong kinatatakutan.
20 #
Ex. 23:28; Jos. 24:12. Bukod dito'y susuguin sa kanila ng Panginoon mong Dios ang malaking putakti hanggang sa ang nangaiiwan, at nangagtatago ay mamatay sa harap mo.
21Huwag kang masisindak sa kanila; sapagka't ang Panginoon mong Dios ay #Blg. 11:20; Jos. 3:10.nasa gitna mo, #Deut. 10:17; Neh. 1:5.dakilang Dios at kakilakilabot.
22 #
Ex. 23:29, 30. At itataboy na untiunti ng Panginoon mong Dios ang mga bansang yaon sa harap mo: hindi mo malilipol silang paminsan, baka ang mga hayop sa parang ay kumapal sa iyo.
23Kundi ibibigay sila ng Panginoon mong Dios sa harap mo, at pagtataglayin sila ng isang malaking kalituhan hanggang sa sila'y mangalipol.
24 #
Jos. 10:24, 25, 42; 12:1. At kaniyang ibibigay ang kanilang mga hari sa iyong kamay, at iyong papawiin ang kanilang pangalan sa silong ng langit: walang lalaking makatatayo doon sa harap mo, hanggang sa iyong malipol sila.
25Ang mga larawang inanyuan na kanilang mga dios ay #Deut. 13:8; 19:13, 21; 25:12.iyong susunugin sa apoy: #Jos. 7:1, 21.huwag mong iimbutin ang pilak o ang ginto na nasa mga yaon, ni huwag mong kukunin para sa iyo, baka sa iyo'y maging silo: sapagka't ito'y isang karumaldumal sa Panginoon mong Dios.
26At huwag kang magpapasok ng karumaldumal sa iyong bahay, at baka ikaw ay maging itinalaga na gaya niyaon: iyong lubos na kapopootan at iyong lubos na kasusuklaman, #Lev. 27:28; Jos. 6:17, 18; 7:1.sapagka't itinalagang bagay.
Kasalukuyang Napili:
DEUTERONOMIO 7: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982