ISAIAS 21
21
Ang hula sa Babilonia.
1Ang hula tungkol sa ilang na nasa baybayin ng #Jer. 51:36, 42. dagat.
Kung paanong umiikot #Jer. 51:1; Zac. 9:14. ang mga ipoipo sa Timugan gayon dumarating ang hangin na mula sa ilang mula sa kakilakilabot na lupain.
2Isang malubhang pangitain ay naipahayag sa akin; #Is. 33:17. ang manggagawa ng karayaan ay gumagawang may karayaan, at ang mananamsam ay nananamsam. #Is. 11:11; 13:17. Umahon ka, Oh Elam; kumubkob ka, Oh Media; lahat ng buntong-hininga niya'y aking pinatigil.
3Kaya't ang aking mga balakang ay puspos ng kahirapan; mga hirap ay dinamdam ko, gaya ng mga hirap ng babae sa pagdaramdam; ako'y naghihirap na anopa't hindi ako makarinig; ako'y nanglulupaypay na anopa't hindi ako makakita.
4Ang aking puso ay sumisikdo, #Deut. 28:37. kakilabutan ay tumakot sa akin: ang pagtatakip-silim na aking ninasa ay naging kapanginigan sa akin.
5Sila'y nangaghanda ng dulang, sila'y nangaglagay ng bantay, sila'y nagsisikain, sila'y nagsisiinom: magsitindig kayo, kayong mga pangulo, inyong ihanda ang kalasag.
6Sapagka't ganito ang sinabi ng Panginoon sa akin, Ikaw ay yumaon, maglagay ka ng bantay; ipahayag niya kung ano ang nakikita niya:
7At pagka siya'y nakakita ng pulutong, #tal. 9. ng mga nangangabayong dalawa't dalawa, ng mga asno, ng pulutong ng mga kamelyo siya'y masikap na makikinig na ma'y pagiingat.
8At siya'y umungal na parang leon: Oh Panginoon, ako'y tumatayong lagi sa moog #Hab. 2:1. na bantayan kung araw, at ako'y tumatanod sa aking bantayan na magdamagan:
9At, narito, dito'y dumarating ang isang pulutong na lalake, mga nangangabayong dalawa't dalawa. At siya'y sumagot at nagsabi, #Apoc. 14:8; 18:2. Babilonia ay nabagsak, nabagsak, at #Is. 46:1; Dan. 5:2-4. lahat na larawang inanyuan na kaniyang mga dios ay nangabagsak sa lupa.
10 #
Jer. 51:33. Oh ikaw na aking giniik, at trigo ng #Mat. 3:12. aking giikan: ang aking narinig sa Panginoon ng mga hukbo, sa Dios ng Israel, aking ipinahayag sa iyo.
11 #
Is. 13:1. Ang hula tungkol sa #Jer. 49:7, 8; Ezek. 25:12-14; Oba. 1. Duma.
May tumatawag sa akin mula sa #Ezek. 35:2. Seir, Bantay, anong nangyari sa gabi? Bantay, anong nangyari sa gabi?
12Sinabi ng bantay, Ang umaga ay dumarating, at gayon din ang gabi: kung inyong uusisain, usisain ninyo: magsipihit kayo, parito kayo.
13Ang hula tungkol sa #Ezek. 13:20. Arabia.
Sa gubat ng Arabia ay magsisitigil kayo, Oh kayong nangaglalakbay na pulupulutong na mga #1 Cron. 1:32; Jer. 25:23. Dedaneo.
14Ang nauuhaw ay dinadalhan nila ng tubig; sinalubong ng mga nananahan sa lupain ng Tema na may kanilang tinapay ang mga bihag.
15Sapagka't kanilang tinatakasan ang mga tabak, ang bunot na tabak, at ang akmang busog, at ang lala ng digmaan.
16Sapagka't ganito ang sinabi ng Panginoon sa akin, Sa loob ng isang taon, #Is. 16:14. ayon sa mga taon ng magpapaupa, ang lahat ng kaluwalhatian ng #Is. 60:7. Cedar ay mapapawi:
17At ang malabi sa bilang sa mga mangbubusog, sa mga makapangyarihang lalake na mga anak ni Cedar, ay mangiilan: sapagka't ang Panginoon, ang Dios ng Israel, siyang nagsalita.
Kasalukuyang Napili:
ISAIAS 21: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982