ISAIAS 66
66
Ang hindi tapat na pagsamba ay sinumpa.
1Ganito ang sabi ng Panginoon, #2 Cron. 6:18; Gawa 7:49, 50. Ang langit ay aking luklukan, at ang lupa ay aking tungtungan: anong anyong bahay ang inyong itatayo sa akin? at anong dako ang magiging aking pahingahan?
2Sapagka't lahat ng mga bagay na ito ay nilikha ng aking kamay, at sa gayo'y nangyari ang lahat ng mga bagay na ito, sabi ng Panginoon: nguni't #Is. 57:15; 61:1. ang taong ito ay titingnan ko, sa makatuwid baga'y #Awit 34:18. siyang dukha at may pagsisising loob, at nanginginig sa aking salita.
3Siyang pumapatay ng baka ay #Is. 1:11. gaya ng pumapatay ng tao; siyang naghahain ng kordero ay gaya ng bumabali ng leeg ng aso; siyang naghahandog ng alay ay gaya ng naghahandog ng dugo ng baboy; siyang #Lev. 2:2. nagsusunog ng kamangyan ay gaya ng pumupuri sa isang diosdiosan. Oo, sila'y nagsipili ng kanilang sariling mga lakad, at ang kanilang kaluluwa ay nalulugod sa kanilang mga kasuklamsuklam na bagay;
4Akin namang pipiliin ang kanilang mga kakutyaan, at dadalhan ko sila ng kanilang takot, #Is. 65:12. sapagka't nang ako'y tumawag, walang sumagot; nang ako'y magsalita ay walang nakinig; kundi sila'y nagsigawa ng masama sa harap ng aking mga mata, at pinili ang hindi ko kinaluluguran.
Ang hatol ng Panginoon.
5Inyong pakinggan ang salita ng Panginoon, ninyong nanginginig sa kaniyang salita, Ang inyong mga kapatid na nangagtatanim sa inyo na nangagtatakuwil #Luc. 6:22. sa inyo dahil sa akin, nangagsabi, #Juan 16:2. Luwalhatiin ang Panginoon, upang makita namin #2 Tes. 1:9, 10; Tit. 2:13. ang inyong kagalakan; nguni't sila'y mangapapahiya.
6Ang ingay ng kagulo na mula sa bayan, ang tinig na mula sa templo, ang tinig ng Panginoon na naggagawad ng kagantihan sa kaniyang mga kaaway.
7Bago siya nagdamdam, siya'y nanganak; bago dumating ang kaniyang paghihirap, siya'y nanganak ng isang lalake.
8Sinong nakarinig ng ganyang bagay? sinong nakakita ng ganyang mga bagay? ipanganganak baga ang lupain sa isang araw? ilalabas bagang paminsan ang isang bansa? sapagka't pagdaramdam ng Sion, ay nanganak ng kaniyang mga anak.
9Dadalhin ko baga sa kapanganakan, at hindi ko ilalabas? sabi ng Panginoon; magsasara baga ako ng bahay bata, akong nagpapanganak? sabi ng iyong Dios.
10 #
Is. 65:19. Kayo'y mangagalak na kasama ng Jerusalem, at mangatuwa dahil sa kaniya, kayong lahat na nagsisiibig sa kaniya: kayo'y mangagalak ng kagalakan na kasama niya, kayong lahat na nagsisitangis dahil sa kaniya:
11 #
Is. 60:16. Upang kayo'y makasuso at mabusog sa pamamagitan ng mga suso ng kaniyang mga kaaliwan; upang kayo'y makagatas, at malugod sa kasaganaan ng kaniyang kaluwalhatian.
12Sapagka't ganito ang sabi ng Panginoon, Narito, ako'y maggagawad ng kapayapaan sa kaniya na #Is. 48:18; 60:5. parang isang ilog, at #Apoc. 21:24. ang kaluwalhatian ng mga bansa ay parang malaking baha, at inyong sususuhin yaon; kayo'y #Is. 49:22. kikilikin, at lilibangin sa mga tuhod.
13Kung paanong ang sinoma'y inaaliw ng ina gayon ko aaliwin kayo; at kayo'y mangaaliw sa Jerusalem.
14At inyong makikita, at magagalak ang inyong puso, at ang #Ezek. 27:1-10. inyong mga buto ay giginhawang parang sariwang damo: at ang kamay ng Panginoon ay makikilala sa kaniyang mga lingkod, at siya'y magagalit laban sa kaniyang mga kaaway.
15Sapagka't, narito, #Is. 9:5; 34:14. ang Panginoon ay darating na may apoy, at ang #Awit 68:17; Hab. 3:8. kaniyang mga karo ay magiging parang ipoipo; upang igawad ang kaniyang galit na may kapusukan, at ang kaniyang saway na may ningas ng apoy.
16Sapagka't sa pamamagitan ng apoy makikipagpunyagi ang Panginoon, at #Is. 27:1. sa pamamagitan ng kaniyang tabak, sa lahat ng mga tao: at #Jer. 25:33. ang mapapatay ng Panginoon ay magiging marami.
17Silang nangagpapakabanal, at nangagpapakalinis na nagsisiparoon #Is. 65:3, 5. sa mga halamanan, sa likuran ng isa sa gitna, na nagsisikain ng laman ng baboy, at ng kasuklamsuklam, at ng #Lev. 11:29. daga; sila'y darating sa isang wakas na magkakasama, sabi ng Panginoon.
18Sapagka't kilala ko ang kanilang mga gawa at ang kanilang mga pagiisip: ang panahon ay dumarating na aking pipisanin ang lahat na bansa at ang mga may iba't ibang wika; at sila'y #Awit 86:9. magsisiparoon, at mangakikita ang aking kaluwalhatian.
19 #
Luc. 2:34. At ako'y maglalagay ng tanda sa gitna nila, at aking susuguin ang mga nakatanan sa kanila sa mga bansa, sa Tarsia, Pul, at Lud, na nagsisihawak ng busog, sa Tubal at Javan, sa mga pulong malayo na hindi nangakarinig ng aking kabantugan, o nakakita man ng aking kaluwalhatian; #Mal. 1:11. at sila'y mangagpapahayag ng aking kaluwalhatian sa gitna ng mga bansa.
20At kanilang dadalhin ang lahat ninyong mga kapatid mula sa lahat na bansa na #Rom. 15:16. pinakahandog sa Panginoon, na nasasakay sa mga kabayo, at sa mga karo, at sa mga duyan, at sa mga mula, at sa mga maliksing hayop, sa aking banal na bundok na Jerusalem, sabi ng Panginoon, gaya ng pagdadala ng mga anak ni Israel ng kanilang handog sa malinis na sisidlan sa bahay ng Panginoon.
21At sa kanila rin naman ako kukuha #Is. 61:6. ng mga pinaka saserdote at mga pinaka Levita, sabi ng Panginoon.
22Sapagka't kung paanong #Is. 65:17. ang mga bagong langit at ang bagong lupa, na aking lilikhain ay mananatili sa harap ko, sabi ng Panginoon, #Is. 53:10. gayon mananatili ang inyong lahi, at ang inyong pangalan.
23At mangyayari, na mula sa bagong buwan hanggang sa panibago, at mula sa isang sabbath hanggang sa panibago, #Awit 65:2. paroroon ang lahat na tao upang sumamba sa harap ko, sabi ng Panginoon.
24At sila'y magsisilabas, at magsisitingin sa mga bangkay ng mga taong nagsisalangsang laban sa akin: sapagka't ang #Mar. 9:41, 46, 49. kanilang uod ay hindi mamamatay, o mamamatay man ang kanilang apoy; at sila'y magiging kayamutan sa lahat ng mga tao.
Kasalukuyang Napili:
ISAIAS 66: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982