JEREMIAS 14
14
Ang pagkatuyo, at ang panalangin sa paghingi ng awa.
1Ang salita ng Panginoon na dumating kay Jeremias tungkol sa pagkakatuyo.
2Ang Juda ay tumatangis, at ang mga pintuang-bayan #Panag. 1:4. niya ay nagsisihapay, mga bagsak na #Jer. 8:21. nangingitim sa lupa; at ang daing ng Jerusalem ay umilanglang.
3At sinugo ng mga mahal na tao ang kanilang mga bata sa tubig: sila'y nagsisiparoon sa mga balon, at hindi nangakasumpong ng tubig; sila'y nagsisibalik na may mga sisidlang walang laman; sila'y nangapapahiya at #2 Sam. 15:30. nangalilito, at nangagtatakip ng kanilang mga ulo.
4Dahil sa lupa na pumuputok, palibhasa't #Jer. 3:3. hindi nagkaroon ng ulan sa lupain, ang mga mangbubukid ay nangapahiya, kanilang tinatakpan ang kanilang mga ulo.
5Oo, ang usa sa parang naman ay nanganganak, at pinababayaan ang anak, sapagka't walang damo.
6At #Jer. 2:24. ang mga mailap na asno ay nagsisitayo sa mga luwal na kaitaasan, sila'y humihingal na parang mga chakal; sila ay nangangalumata, sapagka't walang pastulan.
7Bagaman ang aming mga kasamaan ay sumasaksi laban sa amin, gumawa ka #Awit 25:11. alangalang sa iyong pangalan, Oh Panginoon; sapagka't ang aming mga pagtalikod ay marami; kami ay nangagkasala laban sa iyo.
8Oh ikaw na pagasa ng Israel, na #Jer. 17:13. Tagapagligtas sa kaniya sa panahon ng kabagabagan, bakit ka magiging parang nakikipamayan sa lupain, at parang gala na lumiliko na nagpaparaan ng gabi?
9Bakit ka magiging parang taong natigilan, parang makapangyarihan #Is. 59:1. na hindi makapagligtas? gayon man #Ex. 29:45. ikaw, Oh Panginoon, ay nasa gitna namin, at kami ay tinatawag sa iyong pangalan; #Awit 119:121. huwag mo kaming iwan.
Sinasabi ng Panginoon na ang pamamagitan ay walang kabuluhan.
10Ganito ang sabi ng Panginoon sa bayang ito, Yamang kanilang inibig ang paglaboy; hindi nila pinigil ang kanilang mga paa: kaya't hindi sila tinatanggap ng Panginoon; ngayo'y aalalahanin niya ang kanilang kasamaan, at dadalawin ang kanilang mga kasalanan.
11At sinabi ng Panginoon sa akin, #Jer. 7:16. Huwag mong idalangin ang bayang ito sa kanilang ikabubuti.
12 #
Is. 58:3. Pagka sila'y nangagaayuno, #Kaw. 1:28; Is. 1:15; Jer. 11:11; Ezek. 8:18; Mik. 3:4. hindi ko didinggin ang kanilang daing; at #Jer. 6:20; 7:21, 22. pagka sila'y nangaghahandog ng handog na susunugin at ng alay, hindi ko tatanggapin; kundi aking lilipulin #Jer. 9:16. sila ng tabak, at ng kagutom, at ng salot.
13 #
Jer. 4:10. Nang magkagayo'y sinabi ko, Ah Panginoong Dios! narito, sinasabi ng mga propeta sa kanila, Kayo'y hindi makakakita ng tabak, o magkakaroon man kayo ng kagutom; kundi bibigyan ko kayo ng talagang kapayapaan sa dakong ito.
14Nang magkagayo'y sinabi ng Panginoon sa akin, Ang mga propeta ay nanghuhula #Jer. 20:6; 23:25; 27:10. ng kasinungalingan sa aking pangalan; hindi ko sila sinugo, o inutusan ko man sila, o nagsalita man ako sa kanila: sila'y nanganghuhula sa iyo ng sinungaling na pangitain, at #Jer. 27:9; 29:8. ng panghuhula, at ng bagay na wala, at ng daya ng kanilang sariling puso.
15Kaya't ganito ang sabi ng Panginoon tungkol sa mga propeta na nanghuhula sa aking pangalan, at hindi ko sila sinugo, na gayon ma'y #Jer. 5:12. nagsasabi sila, Tabak at kagutom ay hindi sasapit sa lupaing ito: #Jer. 44:12. Sa pamamagitan ng tabak at ng kagutom ay malilipol ang mga propetang yaon.
16At ang bayan na kanilang pinanghuhulaan ay ihahagis sa mga lansangan ng Jerusalem dahil sa kagutom at sa tabak; #Awit 139:3. at walang maglilibing sa kanila—sa kanila, sa kanilang mga asawa, o sa kanilang mga anak na lalake man, o babae man: sapagka't aking ibubuhos sa kanila ang kanilang kasamaan.
17At iyong sasabihin ang salitang ito sa kanila, Daluyan ang aking mga mata ng mga luha gabi at araw, at huwag maglikat; sapagka't ang #Jer. 8:21. anak na dalaga ng aking bayan ay nasira ng malaking pagkasira, na may totoong mabigat na sugat.
18Kung ako'y lumabas #Ezek. 7:15. sa parang, narito, ang mga pinatay ng tabak! at kung ako'y pumasok sa bayan, narito, sila na mga may sakit ng pagkagutom! sapagka't ang propeta #Jer. 5:31. at gayon din ang saserdote ay lumilibot sa lupain at walang kaalaman.
19Iyo bagang lubos na itinakuwil ang Juda? kinapootan baga ng iyong kaluluwa ang Sion? bakit mo sinaktan kami, at walang kagalingan sa amin? Kami ay nangaghihintay ng kapayapaan, nguni't walang kabutihang dumating; at ng panahon ng kagalingan, at, narito, panglulupaypay!
20Aming kinikilala, Oh Panginoon, ang aming kasamaan, at ang kasamaan ng aming mga magulang; #Awit 106:6. sapagka't kami ay nangagkasala laban sa iyo.
21Huwag mo kaming kayamutan, #tal. 7. alangalang sa iyong pangalan; huwag mong hamakin ang luklukan ng iyong kaluwalhatian: #Awit 106:45. iyong alalahanin, huwag mong sirain ang iyong tipan sa amin.
22Mayroon bagang sinoman #Zac. 10:1, 2; Deut. 32:21. sa gitna ng mga walang kabuluhan ng mga bansa na makapagpapaulan? o makapagpapaambon baga ang mga langit? #Is. 30:23; Jer. 10:13. Hindi baga ikaw ay siya, Oh Panginoon naming Dios? kaya't kami ay mangaghihintay sa iyo; sapagka't iyong ginawa ang lahat na bagay na ito.
Kasalukuyang Napili:
JEREMIAS 14: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982